ՀՀ վարչապետը և նախագահը շնորհավորել են եզդիական համայնքին` Նոր տարվա կապակցությամբ
10:32 19.04.2023 (Թարմացված է: 10:49 19.04.2023)
Նիկոլ Փաշինյանն ու Վահագն Խաչատուրյանը. Արխիվային լուսանկար
© Photo : official site of the President of RA
Բաժանորդագրվել
Նիկոլ Փաշինյանի շնորհավորական ուղերձ է հղել ՀՀ եզդիական համայնքին՝ Մալաքե Թաուսի տոնի առթիվ։
ԵՐԵՎԱՆ, 19 ապրիլի – Sputnik. Հայաստանի եզդիական համայնքն իր աշխատանքով, քաղաքացիական նվիրվածությամբ, ազգային ավանդույթների նկատմամբ իր նախանձախնդրությամբ արժանացել է ՀՀ բոլոր քաղաքացիների և պետական ինստիտուտների հարգանքին: Նոր տարվա` Մալաքե Թաուսի տոնի առիթով իր շնորհավորական ուղերձում ասել է ՀՀ վարչապետ Նիկոլ Փաշինյանը, տեղեկանում ենք վարչապետի աշխատակազմից։
«Հայաստանի կառավարությունը եզդիական համայնքին աջակցում է կրթության, ազգային մշակույթի և լեզվի, ավանդույթների պահպանման և այլ հարցերում ու շարունակելու է աջակցել: Վստահ եմ, որ ձեր գալիք սերունդները ևս հավատարիմ կլինեն քաղաքացիական գիտակցությանը և ազգային ավանդույթներին՝ հարստացնելով Հայաստանի Հանրապետության բազմամշակութային ներկապնակը»,–ասված է Փաշինյանի ուղերձում։
Նա մաղթել է, որ գալիք տարին մեր երկրի բոլոր քաղաքացիների, մասնավորապես՝ Հայաստանի եզդիական համայնքի համար լինի խաղաղ տարի:
ՀՀ նախագահ Վահագն Խաչատուրյանը ևս շնորհավորական ուղերձ է հղել Հայաստանի եզդիական համայնքի ներկայացուցիչներին Նոր տարվա կապակցությամբ:
«Հայ և եզդի ժողովուրդների միջև պատմական և մշակութային առնչությունները սկիզբ են առնում դարերի խորքից: Մեր ժողովուրդների հարաբերություններին բնորոշ են փոխադարձ աջակցությունը, միմյանց նկատմամբ սրտացավությունն ու համակրանքը, դժվարությունները միասին հաղթահարելու ձգտումը»,–ասված է նախագահի ուղերձում։
Խաչատուրյանը նշել է, որ Հայաստանի եզդիական համայնքն այսօր էլ, պահպանելով իր հոգևոր և մշակութային ժառանգությունը, ներգրավված է Հայաստանի կյանքի տարբեր ոլորտներում՝ իր ավանդն ունենալով մեր երկրի շենացման գործում:
Խաչատուրյանը նշել է, որ Հայաստանի եզդիական համայնքն այսօր էլ, պահպանելով իր հոգևոր և մշակութային ժառանգությունը, ներգրավված է Հայաստանի կյանքի տարբեր ոլորտներում՝ իր ավանդն ունենալով մեր երկրի շենացման գործում:
