https://arm.sputniknews.ru/20230417/vostikany-petq-e-kentrvonana-anvtangutjan-apahvovman-voch-te-kencaghajin-hvogseri-vra-pashinjan-58298219.html
Ոստիկանը պետք է կենտրոնանա անվտանգության ապահովման, ոչ թե կենցաղային հոգսերի վրա. Փաշինյան
Ոստիկանը պետք է կենտրոնանա անվտանգության ապահովման, ոչ թե կենցաղային հոգսերի վրա. Փաշինյան
Sputnik Արմենիա
Որպես ուժային կառույց ոստիկանությունը պետք է պրոֆեսիոնալ հմտություններ ունենա ուժ կիրառելու, բայց դա անի ոչ թե ինքնանպատակ, այլ ըստ անհրաժեշտության։ 17.04.2023, Sputnik Արմենիա
2023-04-17T16:36+0400
2023-04-17T16:36+0400
2023-04-17T16:38+0400
հհ ոստիկանություն
ոստիկան
նիկոլ փաշինյան
հայաստան
https://cdn.am.sputniknews.ru/img/07e7/04/11/58294672_0:87:1670:1026_1920x0_80_0_0_fde37421e6b440e17e8649d38c947f4a.jpg
ԵՐԵՎԱՆ, 17 ապրիլի – Sputnik. Ոստիկանությունը մեր պետականության ողնաշարն է, և այն պետք է ամեն օրվա հետ ավելի ուժեղ լինի: Այս մասին ասել է ՀՀ վարչապետ Նիկոլ Փաշինյանն այսօր Ոստիկանության օրվա առիթով ոստիկանության կոլեգիայի նիստի ժամանակ։ Ինչպես հայտնում է վարչապետի մամուլի ծառայությունը, Փաշինյանը նշել է, որ ներքին գործերի համակարգը մեծ վերափոխումների գործընթացի մեջ է, նպատակը` շարունակական բարձրացող ստանդարտներ սահմանելն է։Գործադիրի ղեկավարը խոսել է այն հիմնական 3 ուղղությունների մասին, որոնցով ընթանում է գործընթացը։ Նրա խոսքով` առաջինը պրոֆեսիոնալ հմտությունների շարունակական զարգացումն է, սահմանել մի նշաձող, որից ներքև որևէ ոստիկան իր պրոֆեսիոնալ, ինտելեկտուալ հմտություններով չի կարող լինել:Երկրորդը սոցիալական երաշխիքների համակարգն է: Ոստիկանության աշխատողը չպետք է չմտածի, թե օրինակ, ինչպես է երեխայի ուսման վարձը վճարելու։Սա պետության դեմ գործող իրավիճակ է։ Փաշինյանն իր խոսքում նշել է, որ սոցիալական այս փոփոխություններն արվում են առաջին հերթին հենց հանուն մյուս քաղաքացիների, որովհետև ոստիկանության, փրկարար ծառայության, մյուս ուժային կառույցների աշխատակիցներն են հենց ապահովում մյուս քաղաքացիների, պետության իրավակարգի անվտանգությունը:Նրա խոսքով` համակարգի աշխատակիցների համար պետք է այնպիսի սոցիալական երաշխիքներ ստեղծվեն, որ նրանք համոզված լինեն`այդտեղ աշխատելն արդեն իսկ նշանակում է սոցիալական որոշակի մինիմում, որից ներքև այդ երաշխիքները չեն կարող լինել: Ըստ նրա` հենց այս պատճառով էլ սկսում են կամավոր ատեստավորման գործընթացը:Վարչապետը նաև կարևորել է այն, որ ոստիկանության համազգեստ կրող ցանկացած մարդ պետք է համապատասխանի որոշակի պրոֆեսիոնալ չափանիշների։ Ըստ նրա` յուրաքանչյուր քաղաքացի պետք է այս հարցում վստահ լինի։Նա նաև շեշտել է, որ ոստիկանությունն ուժային կառույց է և պետք է ունենա պրոֆեսիոնալ հմտություններ՝ ոչ թե ինքնանպատակ, այլ ըստ անհրաժեշտության ուժ կիրառելու համար: «Բայց դա պետք է տեղի ունենա հանրային անվտանգության սիրույն, հանուն հանրային անվտանգության և ոչ թե հակառակը, և պետք է գործողությունները լինեն օրինական. սա շատ կարևոր է»,– շեշտել է Փաշինյանը։Նրա խոսքով` ոստիկանը պետք անհրաժեշտ պահին իր վրա պատասխանատվություն վերցնելու ընդունակություն ունենա, որովհետև անգործությունը նույնն է, ինչ սխալ գործողությունը, անգործությունը նույնն է, ինչ ապօրինի գործողությունը:«Ես, եթե չեմ սխալվում, ճիշտն ասած, չեմ ստուգել թվային առումով, երևի կարող ենք նաև ստուգել, բայց ինտուիտիվ՝ ոստիկանության համակարգում Երրորդ հանրապետության պատմության մեջ այնքան պետական ներդրումներ չեն իրականացվել, ինչքան այսօր են իրականացվում»,– ասել է վարչապետը։Այս առումով նա խոսել է ռեսուրսային անհրաժեշտ հագեցվածության մասին` ընդգծելով, որ մարդը կարող է լինել պրոֆեսիոնալ, գիտակ, բայց եթե տեխնիկական պատշաճ միջոցներ չունի, կարող է ուղղակի բոլորովին ուրիշ արդյունք ստացվել:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ ոստիկանություն, ոստիկան, նիկոլ փաշինյան, հայաստան
հհ ոստիկանություն, ոստիկան, նիկոլ փաշինյան, հայաստան
Ոստիկանը պետք է կենտրոնանա անվտանգության ապահովման, ոչ թե կենցաղային հոգսերի վրա. Փաշինյան
16:36 17.04.2023 (Թարմացված է: 16:38 17.04.2023) Որպես ուժային կառույց ոստիկանությունը պետք է պրոֆեսիոնալ հմտություններ ունենա ուժ կիրառելու, բայց դա անի ոչ թե ինքնանպատակ, այլ ըստ անհրաժեշտության։
ԵՐԵՎԱՆ, 17 ապրիլի – Sputnik. Ոստիկանությունը մեր պետականության ողնաշարն է, և այն պետք է ամեն օրվա հետ ավելի ուժեղ լինի: Այս մասին ասել է ՀՀ վարչապետ Նիկոլ Փաշինյանն այսօր Ոստիկանության օրվա առիթով ոստիկանության կոլեգիայի նիստի ժամանակ։ Ինչպես
հայտնում է վարչապետի մամուլի ծառայությունը, Փաշինյանը նշել է, որ ներքին գործերի համակարգը մեծ վերափոխումների գործընթացի մեջ է, նպատակը` շարունակական բարձրացող ստանդարտներ սահմանելն է։
Գործադիրի ղեկավարը խոսել է այն հիմնական 3 ուղղությունների մասին, որոնցով ընթանում է գործընթացը։ Նրա խոսքով` առաջինը պրոֆեսիոնալ հմտությունների շարունակական զարգացումն է, սահմանել մի նշաձող, որից ներքև որևէ ոստիկան իր պրոֆեսիոնալ, ինտելեկտուալ հմտություններով չի կարող լինել:
Երկրորդը սոցիալական երաշխիքների համակարգն է: Ոստիկանության աշխատողը չպետք է չմտածի, թե օրինակ, ինչպես է երեխայի ուսման վարձը վճարելու։
Սա պետության դեմ գործող իրավիճակ է։ Փաշինյանն իր խոսքում նշել է, որ սոցիալական այս փոփոխություններն արվում են առաջին հերթին հենց հանուն մյուս քաղաքացիների, որովհետև ոստիկանության, փրկարար ծառայության, մյուս ուժային կառույցների աշխատակիցներն են հենց ապահովում մյուս քաղաքացիների, պետության իրավակարգի անվտանգությունը:
«Եթե մենք ուզում ենք ունենալ անվտանգություն, մեր առաջնային խնդիրը պետք է լինի այնպես անել, որ դուք ձեր աշխատանքի մեջ կենտրոնացած մնաք անվտանգության ապահովման վրա և ոչ թե ամենատարբեր կենցաղային խնդիրների, որոնք հատուկ են բոլորին և անընդհատ ձեզ ձեր աշխատանքից շեղելու և այլ օրակարգեր ունենալու պարտադրանքի առաջ են դնելու»,– նշել է Փաշինյանը։
Նրա խոսքով` համակարգի աշխատակիցների համար պետք է այնպիսի սոցիալական երաշխիքներ ստեղծվեն, որ նրանք համոզված լինեն`այդտեղ աշխատելն արդեն իսկ նշանակում է սոցիալական որոշակի մինիմում, որից ներքև այդ երաշխիքները չեն կարող լինել: Ըստ նրա` հենց այս պատճառով էլ սկսում են կամավոր ատեստավորման գործընթացը:
Վարչապետը նաև կարևորել է այն, որ ոստիկանության համազգեստ կրող ցանկացած մարդ պետք է համապատասխանի որոշակի պրոֆեսիոնալ չափանիշների։ Ըստ նրա` յուրաքանչյուր քաղաքացի պետք է այս հարցում վստահ լինի։
Նա նաև շեշտել է, որ ոստիկանությունն ուժային կառույց է և պետք է ունենա պրոֆեսիոնալ հմտություններ՝ ոչ թե ինքնանպատակ, այլ ըստ անհրաժեշտության ուժ կիրառելու համար: «Բայց դա պետք է տեղի ունենա հանրային անվտանգության սիրույն, հանուն հանրային անվտանգության և ոչ թե հակառակը, և պետք է գործողությունները լինեն օրինական. սա շատ կարևոր է»,– շեշտել է Փաշինյանը։
Նրա խոսքով` ոստիկանը պետք անհրաժեշտ պահին իր վրա պատասխանատվություն վերցնելու ընդունակություն ունենա, որովհետև անգործությունը նույնն է, ինչ սխալ գործողությունը, անգործությունը նույնն է, ինչ ապօրինի գործողությունը:
«Ես, եթե չեմ սխալվում, ճիշտն ասած, չեմ ստուգել թվային առումով, երևի կարող ենք նաև ստուգել, բայց ինտուիտիվ՝ ոստիկանության համակարգում Երրորդ հանրապետության պատմության մեջ այնքան պետական ներդրումներ չեն իրականացվել, ինչքան այսօր են իրականացվում»,– ասել է վարչապետը։
Այս առումով նա խոսել է ռեսուրսային անհրաժեշտ հագեցվածության մասին` ընդգծելով, որ մարդը կարող է լինել պրոֆեսիոնալ, գիտակ, բայց եթե տեխնիկական պատշաճ միջոցներ չունի, կարող է ուղղակի բոլորովին ուրիշ արդյունք ստացվել:
