Գյումրու հանրակացարանային շենքում փլուզում է տեղի ունեցել
10:38 14.04.2023 (Թարմացված է: 10:40 14.04.2023)
Գյումրու հանրակացարանային շենքում փլուզում է տեղի ունեցել
Բաժանորդագրվել
Փլուզվել են շենքի միջհարկային կառուցատարրերը։
ԵՐԵՎԱՆ, 14 ապրիլի – Sputnik. Գյումրի քաղաքի Սավոյան փողոցում փլուզում է տեղի ունեցել։ Տեղեկությունը հայտնում է ՆԳՆ փրկարար ծառայությունը։
Շիրակի մարզային ճգնաժամային կառավարման կենտրոնն այդ մասին ահազանգ է ստացել ժամը 09:02-ին։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
«Պարզվել է, որ փլուզվել են չբնակեցված հանրակացարանային շենքի միջհարկային կառուցատարրերը (մոտ 8 քմ)․ տուժածներ չկան։ Փրկարարները սահմանազատել են տարածքը»,– ասված է հաղորդագրությունում։
Դեպքի վերաբերյալ տեղեկությունը փոխանցվել է Շիրակի մարզպետարանի տեղական ինքնակառավարման և հանրապետական գործադիր մարմինների հարցերով վարչություն։
Փլուզում Գյումրու հանրակացարանային շենքում
