https://arm.sputniknews.ru/20230329/nato-n-ukrainajum-khaghadrujq-e-katarum-mirazhneri-vra-57421468.html

ՆԱՏՕ-ն Ուկրաինայում խաղադրույք է կատարում «միրաժների» վրա

ՆԱՏՕ-ն Ուկրաինայում խաղադրույք է կատարում «միրաժների» վրա

Sputnik Արմենիա

Ուկրաինայի զինված ուժերը մարտական գործողությունների գոտում գերիշխող ռուսական կործանիչների դեմ պայքարի միջոցներ չունեն։ 29.03.2023, Sputnik Արմենիա

2023-03-29T21:30+0400

2023-03-29T21:30+0400

2023-03-29T21:58+0400

ուկրաինա

նատօ

զենք

https://cdn.am.sputniknews.ru/img/07e7/03/1d/57421731_0:0:1600:901_1920x0_80_0_0_67f5e0e9f1a4d9a656024db131dae397.jpg

Ուկրաինայի նախագահ Վլադիմիր Զելենսկին «Associated Press»-ին տված հարցազրույցում դժգոհել է, որ արևմտյան երկրները Ուկրաինային ավիացիա չեն տրամադրում, ուշացնում են այլ սպառազինությունների մատակարարումները, Ուկրաինան էլ ստիպված վերադարձնում է չաշխատող ՀՕՊ համալիրները։Իսկապես Վաշինգտոնի եվրոպական արբանյակները չեն շտապում «վազել շոգեքարշի առջևից»։ Լեհաստանը հրաժարվել է Ուկրաինայի զինված ուժերին փոխանցել նախկինում խոստացված ՄիԳ-29 կործանիչները։ Եվ Ֆրանսիայի պաշտպանության նախարար Սեբաստիան Լեկորնյուի այն հայտարարությունը, որ Ուկրաինայի հետ բանակցում է 40 թեթև Mirage 2000 կործանիչների մատակարարման շուրջ, որոնք Հինգերորդ հանրապետությունը մտադիր էր գնել Էմիրություններից, պատահական չէ։Վարշավան, Փարիզը, ինչպես և եվրոպական մյուս մայրաքաղաքները մեծապես կողմնորոշվում են հակամարտությունում Վաշինգտոնի ներգրավվածության աստիճանով։ Օրինակ` Ֆրանսիան մտադիր է կրկնապատկել Ուկրաինային մատակարարվող 155 մմ արկերի քանակը, դրանք հասցնել ամսական 2000 հատի, և դա Ուկրաինայի զինված ուժերի օրական «նորմայի» մոտ կեսն է։ Հիշեցնեմ, որ ԱՄՆ-ն ձգտում է այս գարնանը հասնել ամսական 20 հազար 155 մմ արկերի արտադրության նշագծին, իսկ ամերիկյան ռազմարդյունաբերական համալիրը ՆԱՏՕ–ի բոլոր երկրների ռազմարդյունաբերության 90 տոկոսն է։Բելառուսում ռուսական միջուկային զենքի տեղակայման առանձնահատկություններըԱմերիկացիները «հեգեմոնիայի» պահպանման համար պայքարում պատրաստ են զոհաբերել իրենց դաշնակիցներից շատերին և շատ լուրջ են վերաբերվում սեփական անվտանգությանը, ՌԴ միջուկային ներուժի իրականությանը։ Պենտագոնի ղեկավար Լլոյդ Օսթինը մարտի 28-ին Սենատի զինված ուժերի կոմիտեի նիստում ևս մեկ անգամ ընդգծել է, որ ամերիկյան F -16 կործանիչները պատերազմի այս փուլում Ուկրաինային չեն օգնի: Կիևը կկարողանա նման ինքնաթիռներ ստանալ ապագայում, իսկ այսօր իբր ավելի կարևոր են ՀՕՊ համակարգերը, հեռահար զենքերը, զրահատեխնիկան։ Ճիշտ է` ամերիկյան «Աբրամսները» Ուկրաինայի զինված ուժերի համար դեռ պատրաստ չեն, Գերմանիայի, Կանադայի, Պորտուգալիայի և Լեհաստանի «Լեոպարդները» հաջող հակահարձակման համար ակնհայտորեն բավարար չեն։Կիևին ժամանակակից ՆԱՏՕ-ական տանկեր և ՀՄՄ-ներ են մատակարարում տասնյակներով։ Panzerhaubitze-2000 ինքնագնաց կայանքների, Patriot և NASAMS զենիթահրթիռային համալիրների ներկայությունը մարտադաշտում չափազանց աննշան է։Ուկրաինական մարտի դաշտում ավելի հաճախ М113, Spartan և Stryker հնաոճ զրահամեքենաներ են նկատվում: Վերջինս կարող է շրջվել նույնիսկ սեփական հրանոթի հետադարձ հարվածից։ Ուկրաինայի զինված ուժերը ունեն նաև «Համմերներ», բանակային բեռնատարներ, պահեստային բազաներում վերակենդանացված M109 տիպի ինքնագնաց հրետանային կայանքներ, «տարիքով» 155 մմ և 105 մմ տրամաչափի հրետանի: Արտյոմովսկի մերձակայքում ուկրաինացի հրետանավորները գործի են դրել 1946 թվականի նմուշի 85 միլիմետրանոց խորհրդային Д–44 թնդանոթներ: Անտիկվարիատը նույնպես կրակում է:Ուկրաինայի զինված ուժերը մարտական գործողությունների գոտում գերիշխող ռուսական կործանիչների դեմ պայքարի միջոցներ չունեն։ «Այլընտրանքային» հարվածային ԱԹՍ–ները եղանակ չեն փոխում։ Ռազմական գործողությունների մեկ տարվա ընթացքում ուկրաինական բանակը կորցրել է ավելի քան 8400 տանկ և զրահամեքենա, 5520 հրետանային զենք և համազարկային կրակի ռեակտիվ համակարգ, 3620 անօդաչու թռչող սարք, 630 ինքնաթիռ և ուղղաթիռ, 410 զենիթահրթիռային համակարգ։Ուկրաինայի ՀՕՊ–ը, ԱՄՆ–ի և ՆԱՏՕ–ի սաբոտաժը

ուկրաինա

2023

Լուրեր

am_HY

ուկրաինա, նատօ, զենք