https://arm.sputniknews.ru/20230327/kvonichiua-parvon-begvojan-avinjany-tshapvoneren-voghjunec-nvor-tsareri-harcy-qnnarkeluc-araj-57282495.html
«Կոնիչիուա, պարոն Բեգոյան». Ավինյանը ճապոներեն ողջունեց նոր ծառերի հարցը քննարկելուց առաջ
«Կոնիչիուա, պարոն Բեգոյան». Ավինյանը ճապոներեն ողջունեց նոր ծառերի հարցը քննարկելուց առաջ
Sputnik Արմենիա
Երևանի համար նախատեսվող 2500 ծառից միայն 150–ն է սակուրա։ 27.03.2023, Sputnik Արմենիա
2023-03-27T12:20+0400
2023-03-27T12:20+0400
2023-03-27T14:06+0400
սակուրա
տիգրան ավինյան
ծառ
երևան
քաղաքապետարան
https://cdn.am.sputniknews.ru/img/07e6/0c/02/52097796_0:0:1235:696_1920x0_80_0_0_368b1188357257805a04d17079952663.jpg
ԵՐԵՎԱՆ, 27 մարտի - Sputnik. Շահարկումները, թե ամբողջ Երևանում տնկվելու են սակուրաներ` խիստ չափազանցված է։ Այսօր Երևանի քաղաքապետարանի գործակարգավարական նիստի ժամանակ հայտարարեց «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։Ի դեպ, նրան խոսքը փոխանցելուց առաջ, Երևանի փոխքաղաքապետ Տիգրան Ավինյանը, որն այսօր վարում էր նիստը, ողջունեց ճապոներենով։«Կոնիչիուա, պարոն Բեգոյան, ինչպե՞ս եք»,– հարցրեց Ավինյանը։«Մարտական»,– պատասխանեց Բեգոյանը։Բեգոյանը վստահեցրեց, որ Երևանի քաղաքապետարանի ձեռք բերած ծառատեսակներ միայն 4-5 տոկոսն է սակուրա, մնացածն ավելի մեծ սաղարթով ծառեր են` սոսի, կաղնի և այլն։«Ընդհանուր առմամբ 150 հատ սակուրա ենք ձեռք բերել նախատեսվող 2500 ծառից»,– ասաց նա։Այնուհետեւ Արմեն Բեգոյանը ներկայացրեց, թե ինչու են սակուրա տեսակի ծառերը հենց Կասկադի հարակից տարածքի համար ընտրվել։«Կասկադում ընտրվել են սակուրաները, քանի որ նրանց սաղարթը շատ մեծ չէ, իսկ այնտեղ մայթը բավական նեղ է` 1 մետր։ Եթե այնտեղ ավելի մեծ սաղարթով ծառեր տնկենք` մի քանի տարի հետո դրանք իրենց հզոր արմատային համակարգով կքանդեին շենքի հիմքը ու կփակեին շենքի լույսը»,– հավաստիացրեց նա։Կասկադում սակուրաներ տնկելու մյուս դրդապատճառը, Բեգոյանի պնդմամբ, Ալեքսանդր Թամանյանի արձանն է։Երևանի փոխքաղաքապետ Տիգրան Ավինյանն էլ անդրադառնալով այս թեմային նոր հանձնարարական տվեց։«Եթե ճապոնացիները կարողացել են բալենուց ստանալ սակուրա, այսինքն` ծաղիկները ստանալ, բայց պտուղ չստանալ, նույնը մենք կարող ենք անել ծիրանենու հետ, խնդրում եմ այդ ուղղությամբ աշխատանքներ անեք։ Մենք դեռ 200 հազար ծառ ունենք տնկելու 7-8 տարվա ընթացքում։ Մենք անընդհատ չպետք է գնենք դրանք, պետք է ունենաք տնկարաններ, պետք է ստանանք տնկիներ, որոնք դառնալու են Երևանի կանաչ դեմքը»,– ասաց նա։«Կանաչապատում և շրջակա միջավայրի պահպանություն» ՀՈԱԿ-ի տնօրենը նշեց, որ այս պահին կասկադում արդեն 43 սակուրա տեսակի ծառ է տնկվել։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
երևան ծառ սակուրա
«Կոնիչիուա, պարոն Բեգոյան». Ավինյանը ճապոներեն ողջունեց նոր ծառերի հարցը քննարկելուց առաջ
12:20 27.03.2023 (Թարմացված է: 14:06 27.03.2023) Երևանի համար նախատեսվող 2500 ծառից միայն 150–ն է սակուրա։
ԵՐԵՎԱՆ, 27 մարտի - Sputnik. Շահարկումները, թե ամբողջ Երևանում տնկվելու են սակուրաներ` խիստ չափազանցված է։ Այսօր Երևանի քաղաքապետարանի գործակարգավարական նիստի ժամանակ հայտարարեց «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։
Ի դեպ, նրան խոսքը փոխանցելուց առաջ, Երևանի փոխքաղաքապետ Տիգրան Ավինյանը, որն այսօր վարում էր նիստը, ողջունեց ճապոներենով։
«Կոնիչիուա, պարոն Բեգոյան, ինչպե՞ս եք»,– հարցրեց Ավինյանը։
«Մարտական»,– պատասխանեց Բեգոյանը։
Բեգոյանը վստահեցրեց, որ Երևանի քաղաքապետարանի ձեռք բերած ծառատեսակներ միայն 4-5 տոկոսն է սակուրա, մնացածն ավելի մեծ սաղարթով ծառեր են` սոսի, կաղնի և այլն։
«Ընդհանուր առմամբ 150 հատ սակուրա ենք ձեռք բերել նախատեսվող 2500 ծառից»,– ասաց նա։
Այնուհետեւ Արմեն Բեգոյանը ներկայացրեց, թե ինչու են սակուրա տեսակի ծառերը հենց Կասկադի հարակից տարածքի համար ընտրվել։
«Կասկադում ընտրվել են սակուրաները, քանի որ նրանց սաղարթը շատ մեծ չէ, իսկ այնտեղ մայթը բավական նեղ է` 1 մետր։ Եթե այնտեղ ավելի մեծ սաղարթով ծառեր տնկենք` մի քանի տարի հետո դրանք իրենց հզոր արմատային համակարգով կքանդեին շենքի հիմքը ու կփակեին շենքի լույսը»,– հավաստիացրեց նա։
Կասկադում սակուրաներ տնկելու մյուս դրդապատճառը, Բեգոյանի պնդմամբ, Ալեքսանդր Թամանյանի արձանն է։
«Այդ տարածքում է գտնվում Թամանյանի արձանը, իսկ Թամանյանը վարդագույն Երևանը գծագրող մեր ճարտարապետն է, իսկ սակուրաները ծաղկման շրջանում վարդագույն են»,– նշեց նա։
Երևանի փոխքաղաքապետ Տիգրան Ավինյանն էլ անդրադառնալով այս թեմային նոր հանձնարարական տվեց։
«Եթե ճապոնացիները կարողացել են բալենուց ստանալ սակուրա, այսինքն` ծաղիկները ստանալ, բայց պտուղ չստանալ, նույնը մենք կարող ենք անել ծիրանենու հետ, խնդրում եմ այդ ուղղությամբ աշխատանքներ անեք։ Մենք դեռ 200 հազար ծառ ունենք տնկելու 7-8 տարվա ընթացքում։ Մենք անընդհատ չպետք է գնենք դրանք, պետք է ունենաք տնկարաններ, պետք է ստանանք տնկիներ, որոնք դառնալու են Երևանի կանաչ դեմքը»,– ասաց նա։
«Կանաչապատում և շրջակա միջավայրի պահպանություն» ՀՈԱԿ-ի տնօրենը նշեց, որ այս պահին կասկադում արդեն 43 սակուրա տեսակի ծառ է տնկվել։
