https://arm.sputniknews.ru/20230327/israjeli-varchapety-datakan-barepvokhman-masin-orenqi-yndunumy-hetadzgel-e-minchev-amar-zlm-57328624.html
Իսրայելի վարչապետը դատական բարեփոխման մասին օրենքի ընդունումը հետաձգել է մինչև ամառ. ԶԼՄ
Իսրայելի վարչապետը դատական բարեփոխման մասին օրենքի ընդունումը հետաձգել է մինչև ամառ. ԶԼՄ
Sputnik Արմենիա
Նեթանյահուն և երկրի ազգային անվտանգության նախարարն օրենքի կասեցումն այսօր են համաձայնեցրել։ 27.03.2023, Sputnik Արմենիա
2023-03-27T20:00+0400
2023-03-27T20:00+0400
2023-03-27T20:14+0400
իսրայել
բենիամին նեթանյահու
օրենք
https://cdn.am.sputniknews.ru/img/07e6/06/14/43828078_0:0:1600:901_1920x0_80_0_0_5067767566f8ed4026d9fc04d6990d8d.jpg
ԵՐԵՎԱՆ, 27 մարտի – Sputnik. Իսրայելի վարչապետ Բենիամին Նեթանյահուն դատական բարեփոխման մասին օրենքի ընդունումը հետաձգել է մինչև ամառ։ Տեղեկությունը հայտնում է ՏԱՍՍ–ը` հղում անելով Kan ռադիոկայանին։Նշվում է, որ Նեթանյահուն և երկրի ազգային անվտանգության նախարար Իտամար Բեն–Գվիրը օրենքի կասեցումն այսօր են համաձայնեցրել։ԱՄՆ-ում Իսրայելի դեսպանատունը փակ է բողոքի ակցիաներ անցկացնելու կոչի պատճառով«Հրեական ուժ» կուսակցությունում, որը գլխավորում է Բեն–Գվիրը, հայտնել են, որ կոալիցիոն խորհրդակցությունների արդյունքում որոշվել է հետաձգել խորհրդարանում դատական բարեփոխման հաստատումը մինչև ամառային նստաշրջանը։ Մինչ այդ Բեն–Գվիրը կտրականապես դեմ էր հանդես գալիս հետաձգմանը։Kan–ը նշում է, որ փոխարենը Նեթանյահուն համաձայնել է ձևավորել ուժային նոր կառույց` Ազգային գվարդիա, որը կփոխանցվի Բեն–Գվիրի գլխավորած ազգային անվտանգության նախարարության վերահսկողությանը։2016 թվականի դեկտեմբերից Նեթանյահուի դեմ մի քանի քրեական գործ էր նախաձեռնվել` կապված կոռուպցիայի և անձնական ու պետական շահերի ապօրինի լոբբինգի հետ։ 2020 թվականի մայիսին Նեթանյահուի գործով դատավարություն սկսվեց։ Այժմ լսումները շարունակվում են։Բազմաթիվ ավիաընկերություններ գործադուլի ֆոնին չեղարկում են չվերթերը դեպի Իսրայել. ԶԼՄՀունվարից Իսրայելում զանգվածային ցույցեր են անցկացվում դատական բարեփոխումներ իրականացնելու կառավարության ծրագրերի դեմ։ Բարեփոխումները կսահմանափակեն Գերագույն դատարանի լիազորությունները և թույլ կտան խորհրդարանականներին վիճարկել դատարանի որոշումները, ինչպես նաև կառավարությունը վերահսկողության տակ կառնի դատավորների նշանակման գործընթացը։Այժմ Իսրայելում գործում է դատական համակարգ, որը ձևավորվել ու զարգացել է պետության ստեղծման պահից` 1948 թվականից։ Այդ համակարգում Գերագույն դատարանը սահմանադրական վերահսկողության մարմնի դեր է կատարում, քանի որ սահմանադրություն և սահմանադրական դատարան երկիրը չունի։ Կառավարության որոշումները մեծամասամբ վերահսկվում են Գերագույն դատարանի կողմից, որը անհրաժեշտության դեպքում կարող է չեղարկել դրանք։Առաջարկված բարեփոխումների համաձայն կառավարությունը, մասնավորապես, մտադիր է թույլ տալ 120-տեղանոց խորհրդարանին հաղթահարել Գերագույն դատարանի վետոն 61 ձայնի մեծամասնությամբ։ Այլ կերպ ասած, կառավարությունն ուզում է սահմանափակել Գերագույն դատարանի լիազորությունները, որպեսզի դատական իշխանությունը չկարողանա այլևս խիստ ազդել օրենսդիր և գործադիր ճյուղերի որոշումների վրա։
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, բենիամին նեթանյահու, օրենք
իսրայել, բենիամին նեթանյահու, օրենք
Իսրայելի վարչապետը դատական բարեփոխման մասին օրենքի ընդունումը հետաձգել է մինչև ամառ. ԶԼՄ
20:00 27.03.2023 (Թարմացված է: 20:14 27.03.2023) Նեթանյահուն և երկրի ազգային անվտանգության նախարարն օրենքի կասեցումն այսօր են համաձայնեցրել։
ԵՐԵՎԱՆ, 27 մարտի – Sputnik. Իսրայելի վարչապետ Բենիամին Նեթանյահուն դատական բարեփոխման մասին օրենքի ընդունումը հետաձգել է մինչև ամառ։ Տեղեկությունը հայտնում է
ՏԱՍՍ–ը` հղում անելով Kan ռադիոկայանին։
Նշվում է, որ Նեթանյահուն և երկրի ազգային անվտանգության նախարար Իտամար Բեն–Գվիրը օրենքի կասեցումն այսօր են համաձայնեցրել։
«Հրեական ուժ» կուսակցությունում, որը գլխավորում է Բեն–Գվիրը, հայտնել են, որ կոալիցիոն խորհրդակցությունների արդյունքում որոշվել է հետաձգել խորհրդարանում դատական բարեփոխման հաստատումը մինչև ամառային նստաշրջանը։ Մինչ այդ Բեն–Գվիրը կտրականապես դեմ էր հանդես գալիս հետաձգմանը։
Kan–ը նշում է, որ փոխարենը Նեթանյահուն համաձայնել է ձևավորել ուժային նոր կառույց` Ազգային գվարդիա, որը կփոխանցվի Բեն–Գվիրի գլխավորած ազգային անվտանգության նախարարության վերահսկողությանը։
2016 թվականի դեկտեմբերից Նեթանյահուի դեմ մի քանի քրեական գործ էր նախաձեռնվել` կապված կոռուպցիայի և անձնական ու պետական շահերի ապօրինի լոբբինգի հետ։ 2020 թվականի մայիսին Նեթանյահուի գործով դատավարություն սկսվեց։ Այժմ լսումները շարունակվում են։
Հունվարից Իսրայելում զանգվածային ցույցեր են անցկացվում դատական բարեփոխումներ իրականացնելու կառավարության ծրագրերի դեմ։ Բարեփոխումները կսահմանափակեն Գերագույն դատարանի լիազորությունները և թույլ կտան խորհրդարանականներին վիճարկել դատարանի որոշումները, ինչպես նաև կառավարությունը վերահսկողության տակ կառնի դատավորների նշանակման գործընթացը։
Այժմ Իսրայելում գործում է դատական համակարգ, որը ձևավորվել ու զարգացել է պետության ստեղծման պահից` 1948 թվականից։ Այդ համակարգում Գերագույն դատարանը սահմանադրական վերահսկողության մարմնի դեր է կատարում, քանի որ սահմանադրություն և սահմանադրական դատարան երկիրը չունի։ Կառավարության որոշումները մեծամասամբ վերահսկվում են Գերագույն դատարանի կողմից, որը անհրաժեշտության դեպքում կարող է չեղարկել դրանք։
Առաջարկված բարեփոխումների համաձայն կառավարությունը, մասնավորապես, մտադիր է թույլ տալ 120-տեղանոց խորհրդարանին հաղթահարել Գերագույն դատարանի վետոն 61 ձայնի մեծամասնությամբ։ Այլ կերպ ասած, կառավարությունն ուզում է սահմանափակել Գերագույն դատարանի լիազորությունները, որպեսզի դատական իշխանությունը չկարողանա այլևս խիստ ազդել օրենսդիր և գործադիր ճյուղերի որոշումների վրա։
