https://arm.sputniknews.ru/20230323/arbitrazhajin-kentrvoni-hamar-karavarutjuny-kvercni-ga-shenqeric-meky-57110079.html
Արբիտրաժային կենտրոնի համար կառավարությունը կվերցնի ԳԱ շենքերից մեկը
Արբիտրաժային կենտրոնի համար կառավարությունը կվերցնի ԳԱ շենքերից մեկը
Sputnik Արմենիա
Կենտրոնի երեք համահիմնադիրներից երկուսը ԱՄՆ–ում գրանցված կազմակերպություններ են: 23.03.2023, Sputnik Արմենիա
2023-03-23T12:05+0400
2023-03-23T12:05+0400
2023-03-23T12:05+0400
արբիտրաժային դատարան
կենտրոն
գիտությունների ազգային ակադեմիա (գաա)
շենք
https://cdn.am.sputniknews.ru/img/60/72/607238_0:0:1266:713_1920x0_80_0_0_4d44b043844ca22f1f3fe6534665734b.jpg
ԵՐԵՎԱՆ, 23 մարտի – Sputnik. Կառավարությունն այսօր ընդունած որոշմամբ պետական բյուջեից 25 800 000 դրամ է հատկացրել Հայաստանում նոր արբիտրաժային կենտրոն ստեղծելու համար։Կենտրոնի ստեղծման որոշումն ընդունվել է դեռ 2019թ–ին` դատական և իրավական բարեփոխումների շրջանակում։Որոշման նախագծում ասվում է, որ արբիտրաժային կենտրոնը` որպես իրավաբանական անձ, դեռևս հիմնադրված չէ, բայց հիմնադրման աշխատանքներն արդեն մոտենում են ավարտին, թեև կարող են տևել շուրջ երեք ամիս։Նախագծում ասվում է, որ արդարադատության նախարարությունը պետգույքի կառավարման կոմիտեի հետ համատեղ «հայտնաբերել է պետական սեփականություն հանդիսացող շինություն»։ Խոսքը Գիտությունների ազգային ակադեմիայի Էկոլոգանոոսֆերային հետազոտությունների կենտրոնի շենքի մասին է։Առաջիկայում ենթադրվում է, որ շենքը կփոխանցվի արդարադատության նախարարության հաշվեկշռին, իսկ Էկոլոգանոոսֆերային հետազոտությունների կենտրոնը իր անձնակազմով կտեղափոխվի այլ վայր։ Այս տեղափոխությունների համար, կառավարության հաշվարկով, կպահանջվի շուրջ 8 ամիս:«Միջոցառման իրականացման արդյունքում ակնկալվում է Հայաստանում ունենալ ինչպես տեղական, այնպես էլ տարածաշրջանային և միջազգային վեճերի լուծման արդյունավետ հարթակ, որը ոչ միայն կբարձրացնի Հայաստանի Հանրապետության՝ որպես վեճերի լուծման հարթակի ճանաչվածությունն ու հեղինակությունը, կապահովի ավելի բարենպաստ ներդրումային միջավայրը, այլև կնպաստի դատական համակարգի ծանրաբեռնվածության նվազեցմանը և մի շարք մասնագիտացված ոլորտներում վեճերի մասնագիտացված լուծման հնարավորությունը»,– ասված է կառավարության որոշման նախագծի հիմնավորման մեջ։ 92 մլն եվրո` բյուջեի պակասուրդի ֆինանսավորման համար. կառավարությունը նոր վարկ է վերցնումԻ դեպ, արբիտրաժային կենտրոնի երեք համահիմնադիրներից երկուսը ԱՄՆ–ում գրանցված կազմակերպություններ են: Երրորդ համահիմնադիր կառավարությունը նախատեսում է սահմանել արդարադատության նախարարության «Օրենսդրության զարգացման կենտրոն» հիմնադրամը։Ըստ այդմ, կենտրոնի հիմնադրման համար բյուջեից հատկացվող գումարը մինչ կենտրոնի ստեղծումը կհատկացվի հիմնադրամին` առաջիկա 8 ամիսների համար տարածքի վարձակալության և անհրաժեշտ այլ աշխատանքների իրականացման համար։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արբիտրաժային դատարան, կենտրոն, գիտությունների ազգային ակադեմիա (գաա), շենք
արբիտրաժային դատարան, կենտրոն, գիտությունների ազգային ակադեմիա (գաա), շենք
Արբիտրաժային կենտրոնի համար կառավարությունը կվերցնի ԳԱ շենքերից մեկը
Կենտրոնի երեք համահիմնադիրներից երկուսը ԱՄՆ–ում գրանցված կազմակերպություններ են:
ԵՐԵՎԱՆ, 23 մարտի – Sputnik. Կառավարությունն այսօր ընդունած որոշմամբ պետական բյուջեից 25 800 000 դրամ է հատկացրել Հայաստանում նոր արբիտրաժային կենտրոն ստեղծելու համար։
Կենտրոնի ստեղծման որոշումն ընդունվել է դեռ 2019թ–ին` դատական և իրավական բարեփոխումների շրջանակում։
Որոշման նախագծում ասվում է, որ արբիտրաժային կենտրոնը` որպես իրավաբանական անձ, դեռևս հիմնադրված չէ, բայց հիմնադրման աշխատանքներն արդեն մոտենում են ավարտին, թեև կարող են տևել շուրջ երեք ամիս։
Բացի այդ, ապագա կենտրոնը դեռևս չունի տարածք։ Կառավարության հաշվարկով, անհրաժեշտ է առնվազն 500 քմ մակերեսով տարածք, որը ծառայելու է կենտրոնի շուրջ 20 աշխատակցից կազմված անձնակազմի առօրյա աշխատանքային պայմանների ապահովման և արբիտրաժային մարմնում իրականացվող վարույթներով նիստերի, կենտրոնի հաճախորդներին ընդունարանային պայմաններում դիմավորելու, սպասարկելու համար:
Նախագծում ասվում է, որ արդարադատության նախարարությունը պետգույքի կառավարման կոմիտեի հետ համատեղ «հայտնաբերել է պետական սեփականություն հանդիսացող շինություն»։ Խոսքը Գիտությունների ազգային ակադեմիայի Էկոլոգանոոսֆերային հետազոտությունների կենտրոնի շենքի մասին է։
Առաջիկայում ենթադրվում է, որ շենքը կփոխանցվի արդարադատության նախարարության հաշվեկշռին, իսկ Էկոլոգանոոսֆերային հետազոտությունների կենտրոնը իր անձնակազմով կտեղափոխվի այլ վայր։ Այս տեղափոխությունների համար, կառավարության հաշվարկով, կպահանջվի շուրջ 8 ամիս:
«Միջոցառման իրականացման արդյունքում ակնկալվում է Հայաստանում ունենալ ինչպես տեղական, այնպես էլ տարածաշրջանային և միջազգային վեճերի լուծման արդյունավետ հարթակ, որը ոչ միայն կբարձրացնի Հայաստանի Հանրապետության՝ որպես վեճերի լուծման հարթակի ճանաչվածությունն ու հեղինակությունը, կապահովի ավելի բարենպաստ ներդրումային միջավայրը, այլև կնպաստի դատական համակարգի ծանրաբեռնվածության նվազեցմանը և մի շարք մասնագիտացված ոլորտներում վեճերի մասնագիտացված լուծման հնարավորությունը»,– ասված է կառավարության որոշման նախագծի հիմնավորման մեջ։
Ի դեպ, արբիտրաժային կենտրոնի երեք համահիմնադիրներից երկուսը ԱՄՆ–ում գրանցված կազմակերպություններ են: Երրորդ համահիմնադիր կառավարությունը նախատեսում է սահմանել արդարադատության նախարարության «Օրենսդրության զարգացման կենտրոն» հիմնադրամը։
Ըստ այդմ, կենտրոնի հիմնադրման համար բյուջեից հատկացվող գումարը մինչ կենտրոնի ստեղծումը կհատկացվի հիմնադրամին` առաջիկա 8 ամիսների համար տարածքի վարձակալության և անհրաժեշտ այլ աշխատանքների իրականացման համար։
