Հայ–հնդկական հարաբերություններում դրական դինամիկա է նկատվում. Դան Դեվալ
12:33 13.02.2023 (Թարմացված է: 14:13 14.02.2023)
© Photo : ՀՀ Անվտանգության խորհուրդ / Security Council of Armenia Անվտանգության խորհրդի քարտուղար Արմեն Գրիգորյանն ընդունել է ՀՀ–ում Հնդկաստանի արտակարգ և լիազոր դեսպան Ն.Գ. Կիշան Դան Դեվալին
![Անվտանգության խորհրդի քարտուղար Արմեն Գրիգորյանն ընդունել է ՀՀ–ում Հնդկաստանի արտակարգ և լիազոր դեսպան Ն.Գ. Կիշան Դան Դեվալին Անվտանգության խորհրդի քարտուղար Արմեն Գրիգորյանն ընդունել է ՀՀ–ում Հնդկաստանի արտակարգ և լիազոր դեսպան Ն.Գ. Կիշան Դան Դեվալին - Sputnik Արմենիա, 1920, 13.02.2023](https://cdn.am.sputniknews.ru/img/07e7/02/0d/55246954_29:94:798:526_1920x0_80_0_0_487646132565ffa01bc2b9e104ecc899.jpg)
Անվտանգության խորհրդի քարտուղար Արմեն Գրիգորյանն ընդունել է ՀՀ–ում Հնդկաստանի արտակարգ և լիազոր դեսպան Ն.Գ. Կիշան Դան Դեվալին
Բաժանորդագրվել
ԱԽ քարտուղարը շնորհակալություն է հայտնել ՀՀ–ում Հնդկաստանի դեսպանին տարբեր ոլորտներում փոխգործակցության համար։
ԵՐԵՎԱՆ, 13 փետրվարի – Sputnik. Անվտանգության խորհրդի քարտուղար Արմեն Գրիգորյանը ընդունել ու շնորհակալություն է հայտնել ՀՀ–ում Հնդկաստանի արտակարգ և լիազոր դեսպան Ն.Գ. Կիշան Դան Դեվալին` Հայաստանի և Հնդկաստանի միջև հարաբերությունների խորացման համար։ Տեղեկությունը հայտնում է ԱԽ քարտուղարի գրասենյակի մամուլի ծառայությունը։
Նշենք, որ Դան Դեվալն ավարտում է իր դիվանագիտական առաքելությունը Հայաստանում:
«Գրիգորյանը շնորհակալություն է հայտնել դեսպանին նաև 2 երկրի միջև տարբեր ոլորտներում փոխգործակցության զարգացմանն ուղղված անձնական ներդրման համար: Կիշան Դան Դեվալն ընդգծել է, որ վերջին տարիներին հայ-հնդկական հարաբերությունների մի շարք ոլորտներում նկատվում է զարգացման բարձր դինամիկա»,– ասված է հաղորդագրությունում:
Դեսպանը վստահեցրել է, որ Հայաստանից հեռանում է միայն դրական տպավորություններով և որ հետագայում ևս նպաստելու է երկու երկրների և ժողովուրդների միջև հարաբերությունների առավել սերտացմանը:
Հիշեցնենք, որ Կիշան Դան Դեվալը ՀՀ–ում Հնդկաստանի արտակարգ և լիազոր դեսպան է նշանակվել 2019 թվականի մարտ ամսին։ Մինչ այդ նա կատարել է Մավրիկիոսի Հանրապետությունում Հնդկաստանի բարձր հանձնակատարի պարտականությունները:
ԶԼՄ–ներում էլ տեղեկություններ են տարածվում, որ նոր դեսպանը Նիլակշի Սահա Սինհային է, որը բարձրաստիճան քաղաքացիական և դիվանագիտական ծառայող է ու վերջին տարիներին եղել է վարչապետ Նարենդրա Մոդիի պաշտոնական թարգմանիչը. ըստ հնդկաստանյան աղբյուրների, նա տիրապետում է 15 լեզվի։