https://arm.sputniknews.ru/20230209/parzapes-nvoghkali-e-vigen-sargsjann-ardzaganqel-e-iren-arajadrvats-meghadranqin-55138846.html
Պարզապես նողկալի է. Վիգեն Սարգսյանն արձագանքել է իրեն առաջադրված մեղադրանքին
Պարզապես նողկալի է. Վիգեն Սարգսյանն արձագանքել է իրեն առաջադրված մեղադրանքին
Sputnik Արմենիա
Վիգեն Սարգսյանը կարծում է, որ այսպիսով ներկա իշխանությունները փորձում են խոչընդոտել իր վերադարձին Հայաստան։ 09.02.2023, Sputnik Արմենիա
2023-02-09T22:15+0400
2023-02-09T22:15+0400
2023-02-10T19:36+0400
վիգեն սարգսյան
նախարար
մեղադրանք
քրեական գործ
կալանավորել
հհ դատախազություն
https://cdn.am.sputniknews.ru/img/620/57/6205722_0:0:1600:901_1920x0_80_0_0_2dd506f1395d5330b8cd7298f191f95e.jpg
ԵՐԵՎԱՆ, 9 փետրվարի – Sputnik. ՀՀ պաշտպանության նախկին նախարար Վիգեն Սարգսյանն իրեն առաջադրված մեղադրանքը համարում է քաղաքական հետապնդում և մարդու իրավունքների բացահայտ ոտնահարում։ Այս մասին նա գրել է իր ֆեյսբուքյան էջում։Նշենք, որ այսօր ՀՀ դատախազությունը Վիգեն Սարգսյանին մեղադրանք էր առաջադրել, նրան կալանավորելու միջնորդություն է ներկայացվել դատարան: Նախկին նախարարը մեղադրվում է 2018 թ.–ի հունվարին ՊՆ հաշվեկշռում գտնվող, Երևանի Գ. Հասրաթյան փողոցի թիվ 25/6 հասցեի բազմաբնակարան շենքի բնակարանների բաշխման գործընթացում դիտավորությամբ իր լիազորությունների շրջանակից դուրս գործողություններ կատարելու մեջ:«Պաշտպանության նախարար ծառայածս 18 ամիսներից յուրաքանչյուրում Զինված ուժերի մարտունակության բարձրացման և բանակի ուժեղացման համար արել եմ ավելին, քան փաշինյանական կապիտուլյանտ ողջ վարչակազմը՝ այս հինգ տարիների ընթացքում: Այդ 26 բնակարանների բաշխման գործառույթը, որն իմ պաշտոնական բոլոր լիազորություններից երևի թե ամենաաննշանն էր իր ծավալով և հանրային կարևորության առումով, իրականացվել է օրենքի պահանջին համապատասխան` հիմք ընդունելով բնակարան ստացողների անցած մարտական ուղին և վաստակը»,– գրել է նա։Ըստ Վիգեն Սարգսյանի` սա նաև ազդակ է ներկա իշխանությունից, որ ինքը չվերադառնա Հայաստան. «Դա նոր ազդակ չէ, պարզապես թարմացվում է` առաջիկա շատ վտանգավոր զարգացումների ֆոնին»:Օհանյանի դեպքով փորձում են մեզ շեղել ԶՈւ–ում տեղի ունեցող ողբերգություններից. ԱբրահամյանՆա նաև զավեշտալի է համարել այն փաստը, որ դատախազությունը զրկել է իրեն օրինական իրավունքները պաշտպանելու հնարավորությունից:Հավելենք, որ 2023 թվականի փետրվարի 8-ին քրգործով ընդգրկված դատախազի կողմից որոշում է կայացվել հանրային քրեական հետապնդում հարուցել ՀՀ պաշտպանության նախկին նախարարի նկատմամբ` գործող ՀՀ քրեական օրենսգրքի 441-րդ հոդվածի 2-րդ մասի 5-րդ կետով (պաշտոնատար անձի կողմից իշխանական կամ ծառայողական լիազորությունները չարաշահելը, որն անզգուշությամբ առաջացրել է այլ ծանր հետևանքներ)։ Նույն հոդվածով հանրային քրեական հետապնդում է հարուցվել նաև ՀՀ ՊՆ կենտրոնական բնակարանային հանձնաժողովի 5 անդամի նկատմամբ։ Նրանց նույնպես մեղադրանք է ներկայացվել։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վիգեն սարգսյան, նախարար, մեղադրանք, քրեական գործ, կալանավորել, հհ դատախազություն
վիգեն սարգսյան, նախարար, մեղադրանք, քրեական գործ, կալանավորել, հհ դատախազություն
Պարզապես նողկալի է. Վիգեն Սարգսյանն արձագանքել է իրեն առաջադրված մեղադրանքին
22:15 09.02.2023 (Թարմացված է: 19:36 10.02.2023) Վիգեն Սարգսյանը կարծում է, որ այսպիսով ներկա իշխանությունները փորձում են խոչընդոտել իր վերադարձին Հայաստան։
ԵՐԵՎԱՆ, 9 փետրվարի – Sputnik. ՀՀ պաշտպանության նախկին նախարար Վիգեն Սարգսյանն իրեն առաջադրված մեղադրանքը համարում է քաղաքական հետապնդում և մարդու իրավունքների բացահայտ ոտնահարում։ Այս մասին նա գրել է
իր ֆեյսբուքյան էջում։
«Երկարաշունչ անհեթեթության փոխարեն պետք է հրապարակել բնակարաններ ստացածների ցանկը` յուրաքանչյուրի մարտական ուղին և վաստակը նշելով, և նրանց ցանկը, որոնց իրավունքները հսկող դատախազի կարծիքով խախտվել են: Վստահ եմ, այդքանը բավարար կլինի թեման սպառված համարելու համար: Պարզապես նողկալի է»,– գրել է նա:
Նշենք, որ
այսօր ՀՀ դատախազությունը Վիգեն Սարգսյանին մեղադրանք էր առաջադրել, նրան կալանավորելու միջնորդություն է ներկայացվել դատարան: Նախկին նախարարը մեղադրվում է 2018 թ.–ի հունվարին ՊՆ հաշվեկշռում գտնվող, Երևանի Գ. Հասրաթյան փողոցի թիվ 25/6 հասցեի բազմաբնակարան շենքի բնակարանների բաշխման գործընթացում դիտավորությամբ իր լիազորությունների շրջանակից դուրս գործողություններ կատարելու մեջ:
«Պաշտպանության նախարար ծառայածս 18 ամիսներից յուրաքանչյուրում Զինված ուժերի մարտունակության բարձրացման և բանակի ուժեղացման համար արել եմ ավելին, քան փաշինյանական կապիտուլյանտ ողջ վարչակազմը՝ այս հինգ տարիների ընթացքում: Այդ 26 բնակարանների բաշխման գործառույթը, որն իմ պաշտոնական բոլոր լիազորություններից երևի թե ամենաաննշանն էր իր ծավալով և հանրային կարևորության առումով, իրականացվել է օրենքի պահանջին համապատասխան` հիմք ընդունելով բնակարան ստացողների անցած մարտական ուղին և վաստակը»,– գրել է նա։
Ըստ Վիգեն Սարգսյանի` սա նաև ազդակ է ներկա իշխանությունից, որ ինքը չվերադառնա Հայաստան. «Դա նոր ազդակ չէ, պարզապես թարմացվում է` առաջիկա շատ վտանգավոր զարգացումների ֆոնին»:
Նա նաև զավեշտալի է համարել այն փաստը, որ դատախազությունը զրկել է իրեն օրինական իրավունքները պաշտպանելու հնարավորությունից:
Հավելենք, որ 2023 թվականի փետրվարի 8-ին քրգործով ընդգրկված դատախազի կողմից որոշում է կայացվել հանրային քրեական հետապնդում հարուցել ՀՀ պաշտպանության նախկին նախարարի նկատմամբ` գործող ՀՀ քրեական օրենսգրքի 441-րդ հոդվածի 2-րդ մասի 5-րդ կետով (պաշտոնատար անձի կողմից իշխանական կամ ծառայողական լիազորությունները չարաշահելը, որն անզգուշությամբ առաջացրել է այլ ծանր հետևանքներ)։
Նույն հոդվածով հանրային քրեական հետապնդում է հարուցվել նաև ՀՀ ՊՆ կենտրոնական բնակարանային հանձնաժողովի 5 անդամի նկատմամբ։ Նրանց նույնպես մեղադրանք է ներկայացվել։
