https://arm.sputniknews.ru/20230126/qk-n-dimel-e-dataran-hrdehi-gvortsvov-dzerbakalvats-spajin-kalanavvorelu-mijnvordutjamb-54381926.html
ՔԿ-ն դատարան է դիմել հրդեհի գործով ձերբակալված սպային կալանավորելու միջնորդությամբ
ՔԿ-ն դատարան է դիմել հրդեհի գործով ձերբակալված սպային կալանավորելու միջնորդությամբ
Sputnik Արմենիա
Փոխգնդապետ Աղեկյանը ձերբակալվել է իր ծառայողական պարտականությունների կատարման նկատմամբ անբարեխիղճ և անփույթ վերաբերմունքի մեղադրանքով։ 26.01.2023, Sputnik Արմենիա
2023-01-26T15:51+0400
2023-01-26T15:51+0400
2023-01-26T20:42+0400
հհ քննչական կոմիտե
https://cdn.am.sputniknews.ru/img/07e7/01/13/54036375_0:0:1601:901_1920x0_80_0_0_98e90c5242385c05743719b3ad3f2d35.jpg
ԵՐԵՎԱՆ, 26 հունվարի – Sputnik. ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով 2-րդ բանակային կորպուսի թիկունքի և կոմունալ-շահագործման ծառայության գծով բրիգադի հրամանատարի տեղակալին կալանավորելու միջնորդություն է ներկայացվել դատարան: Sputnik Արմենիայի հետ զրույցում տեղեկությունը հաստատեց ՔԿ մամուլի քարտուղար Գոռ Աբրահամյանը:Խոսքը Գեղարքունիքի մարզի Ազատ գյուղում 15 զինծառայողի կյանք խլած հրդեհին առնչվող քրեական գործի մասին է։Ավելի վաղ հաղորդվել էր, որ փոխգնդապետ Գոռ Աղեկյանը ձերբակալվել է իր ծառայողական պարտականությունների կատարման նկատմամբ անբարեխիղճ և անփույթ վերաբերմունքի մեղադրանքով, որի հետևանքով զոհվել են ինժեներասակրավորական վաշտի 15 զինծառայողներ, իսկ սպան (քննության վարկածով հենց նա է վառել վառարանը) և ևս չորս զինծառայողներ ստացել են տարբեր աստիճանի մարմնական վնասվածքներ:Հիշեցնենք` հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։ Երկուսի վիճակը ծանր է։Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ քննչական կոմիտե
ՔԿ-ն դատարան է դիմել հրդեհի գործով ձերբակալված սպային կալանավորելու միջնորդությամբ
15:51 26.01.2023 (Թարմացված է: 20:42 26.01.2023) Փոխգնդապետ Աղեկյանը ձերբակալվել է իր ծառայողական պարտականությունների կատարման նկատմամբ անբարեխիղճ և անփույթ վերաբերմունքի մեղադրանքով։
ԵՐԵՎԱՆ, 26 հունվարի – Sputnik. ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով 2-րդ բանակային կորպուսի թիկունքի և կոմունալ-շահագործման ծառայության գծով բրիգադի հրամանատարի տեղակալին կալանավորելու միջնորդություն է ներկայացվել դատարան:
Sputnik Արմենիայի հետ զրույցում տեղեկությունը հաստատեց ՔԿ մամուլի քարտուղար Գոռ Աբրահամյանը:
Խոսքը Գեղարքունիքի մարզի Ազատ գյուղում 15 զինծառայողի կյանք խլած հրդեհին առնչվող քրեական գործի մասին է։
Ավելի վաղ հաղորդվել էր, որ
փոխգնդապետ Գոռ Աղեկյանը ձերբակալվել է իր ծառայողական պարտականությունների կատարման նկատմամբ անբարեխիղճ և անփույթ վերաբերմունքի մեղադրանքով, որի հետևանքով զոհվել են ինժեներասակրավորական վաշտի 15 զինծառայողներ, իսկ սպան (քննության վարկածով հենց նա է վառել վառարանը) և ևս չորս զինծառայողներ ստացել են տարբեր աստիճանի մարմնական վնասվածքներ:
Հիշեցնենք` հունվարի 19-ին՝ ժամը 01:30-ի սահմաններում,
հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել է 15, վնասվածքներ ստացել` 7 զինծառայող, նրանցից չորսը բուժօգնություն ստանալուց հետո դուրս են գրվել, 3–ը տեղափոխվել են Երևան՝ Այրվածքաբանության ազգային կենտրոն։
Երկուսի վիճակը ծանր է։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
