https://arm.sputniknews.ru/20230117/menq-lajnatsaval-gvortsiqakazm-unenq-vory-karvogh-e-kirarvel-eahkum-amn-despany-lghi-masin-53943521.html
Մենք լայնածավալ գործիքակազմ ունենք, որը կարող է կիրառվել. ԵԱՀԿ–ում ԱՄՆ դեսպանը` ԼՂ–ի մասին
Մենք լայնածավալ գործիքակազմ ունենք, որը կարող է կիրառվել. ԵԱՀԿ–ում ԱՄՆ դեսպանը` ԼՂ–ի մասին
Sputnik Արմենիա
Մայքլ Քարփենթերը պատասխանել է ՀՀ ԱԳ նախարար Արարատ Միրզոյանի հայտարարություններին։ 17.01.2023, Sputnik Արմենիա
2023-01-17T18:38+0400
2023-01-17T18:38+0400
2023-01-17T18:59+0400
ամն
արցախ
ադրբեջան
հայ-ադրբեջանական
ադրբեջանական ագրեսիան արցախում - 2020
արարատ միրզոյան
https://cdn.am.sputniknews.ru/img/07e7/01/11/53939457_0:0:1601:901_1920x0_80_0_0_ae9c040649e56154a1cd5a4cfd277462.jpg
ԵՐԵՎԱՆ, 17 հունվարի – Sputnik. ԱՄՆ–ն լրջորեն անհանգստացած է Լաչինի միջանցքի արգելափակման հետևանքով Լեռնային Ղարաբաղում ստեղծված իրավիճակով։ Այս մասին ԵԱՀԿ Մշտական խորհրդի հատուկ նիստի ժամանակ հայտարարել է ԵԱՀԿ–ում ԱՄՆ դեսպան Մայքլ Քարփենթերը։Հայտնել ենք, որ ՀՀ արտգործնախարար Արարատ Միրզոյանը ելույթ է ունեցել ԵԱՀԿ մշտական խորհրդի հատուկ նիստում և նշել, որ պետք է ուժեղացնել ճնշումը Ադրբեջանի վրա, որպեսզի նա կատարի իր հանձնառությունները: Նախարարն ընդգծել է, որ հրամայական է տեղում հումանիտար իրավիճակը գնահատելու նպատակով Լեռնային Ղարաբաղ և Լաչինի միջանցք միջազգային փաստահավաք առաքելության ուղարկումը, ինչպես նաև ՄԱԿ համապատասխան մարմինների համար Լեռնային Ղարաբաղ մարդասիրական անխափան մուտքի ապահովումը։ Նա նշել է, որ ԵԱՀԿ-ն կարող է կարևոր դեր խաղալ խաղաղության հասնելու գործում։Շնորհակալություն հայտնելով ՀՀ ԱԳ նախարար Արարատ Միրզոյանին իր ներկայացրած գնահատականի համար` Քարփենթերն անվիճելի է համարել այն փաստը, որ միջանցքի փակումը բերում է ծանր հումանիտար հետևանքների։ԵԱՀԿ-ում ԱՄՆ դեսպանը նաև շնորհակալություն է հայտնել ԿԽՄԿ-ին՝ կարևոր օգնություն ցուցաբերելու համար, և Ադրբեջանին կոչ արել ապահովել Լեռնային Ղարաբաղում ապրող բնակչության իրավունքների պաշտպանությունն ու նրանց անվտանգությունը:«ԵԱՀԿ բոլոր մասնակից երկրները պարտավոր են պաշտպանել իրենց տարածքում գտնվող անձանց անվտանգությունը` անկախ նրանց ազգային պատկանելությունից»,– ընդգծել է դիվանագետը։ԵԱՀԿ–ում ԱՄՆ դեսպանը նշել է, որ անհամբեր սպասում է Հյուսիսային Մակեդոնիայի ղեկավարության ներքո Լեհաստանի նախագահի կարիքների գնահատման խմբի առաջարկությունների առարկայական և բովանդակալից քննարկմանը։ ԵԱՀԿ-ն և նրա տարբեր ինստիտուտները, Քարփենթերի գնահատմամբ,Հայաստանին և Ադրբեջանին աջակցելու համար լավ դիրքում են գտնվում՝ հիմնվելով անվտանգության հարցում իրենց համապարփակ մոտեցման և խարսխված արժեքների, սկզբունքների և պարտավորությունների վրա:Նա հավելել է, որ ԱՄՆ–ն Հայաստանին և Ադրբեջանին կոչ է անում վերսկսել բովանդակալից բանակցությունները` լուծելու իրենց վեճերը։ Նրա խոսքով` համապարփակ խաղաղության համաձայնագիրը միակ ճիշտ ուղին է դեպի երկարատև խաղաղություն` հիմնված հարաբերությունների կարգավորման և փոխադարձ ճանաչման վրա։Բացի դրանից, Քարփենթերը Հայաստանին և Ադրբեջանին կոչ է արելհետաքննել ենթադրյալ վայրագությունները և պատասխանատվության ենթարկել մեղավորներին։«Մենք կշարունակենք աշխատել Հայաստանի և Ադրբեջանի հետ ինչպես երկկողմանիորեն, այնպես էլ բազմակողմանիորեն` այնպիսի գործընկերների միջոցով, ինչպիսին է ԵՄ–ն, և միջազգային կազմակերպությունների միջոցով, ինչպիսին է ԵԱՀԿ–ն` հասնելու այս հակամարտության համապարփակ և կայուն կարգավորման»,– եզրափակել է Մայքր Քարփենթերը։Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։Այսօր՝ հունվարի 17-ին, գազամատակարարումը կրկին ընդհատվել է։Հունվարի 9-ից ադրբեջանական վերահսկողության տակ գտնվող տարածքից անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է հովհարային անջատումներով։Լաչինի միջանցքը շարունակում է փակ մնալ։
ամն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, արցախ, ադրբեջան, հայ-ադրբեջանական, ադրբեջանական ագրեսիան արցախում - 2020, արարատ միրզոյան
ամն, արցախ, ադրբեջան, հայ-ադրբեջանական, ադրբեջանական ագրեսիան արցախում - 2020, արարատ միրզոյան
Մենք լայնածավալ գործիքակազմ ունենք, որը կարող է կիրառվել. ԵԱՀԿ–ում ԱՄՆ դեսպանը` ԼՂ–ի մասին
18:38 17.01.2023 (Թարմացված է: 18:59 17.01.2023) Մայքլ Քարփենթերը պատասխանել է ՀՀ ԱԳ նախարար Արարատ Միրզոյանի հայտարարություններին։
ԵՐԵՎԱՆ, 17 հունվարի – Sputnik. ԱՄՆ–ն լրջորեն անհանգստացած է Լաչինի միջանցքի արգելափակման հետևանքով Լեռնային Ղարաբաղում ստեղծված իրավիճակով։ Այս մասին ԵԱՀԿ Մշտական խորհրդի հատուկ նիստի ժամանակ հայտարարել է ԵԱՀԿ–ում ԱՄՆ դեսպան Մայքլ Քարփենթերը։
Հայտնել ենք, որ ՀՀ արտգործնախարար Արարատ Միրզոյանը ելույթ է ունեցել ԵԱՀԿ մշտական խորհրդի հատուկ նիստում և նշել, որ պետք է ուժեղացնել ճնշումը Ադրբեջանի վրա, որպեսզի նա կատարի իր հանձնառությունները: Նախարարն ընդգծել է, որ հրամայական է տեղում հումանիտար իրավիճակը գնահատելու նպատակով Լեռնային Ղարաբաղ և Լաչինի միջանցք միջազգային փաստահավաք առաքելության ուղարկումը, ինչպես նաև ՄԱԿ համապատասխան մարմինների համար Լեռնային Ղարաբաղ մարդասիրական անխափան մուտքի ապահովումը։ Նա նշել է, որ ԵԱՀԿ-ն կարող է կարևոր դեր խաղալ խաղաղության հասնելու գործում։
Շնորհակալություն հայտնելով ՀՀ ԱԳ նախարար Արարատ Միրզոյանին իր ներկայացրած գնահատականի համար` Քարփենթերն անվիճելի է համարել այն փաստը, որ միջանցքի փակումը բերում է ծանր հումանիտար հետևանքների։
«Լաչինի միջանցքը փակ է արդեն ավելի քան 30 օր, ինչը Լեռնային Ղարաբաղում սննդամթերքի, դեղորայքի և այլ պարագաների խսիտ պակաս է առաջացնում։ Այս փաստերն անվիճելի են։ Մենք կոչ ենք անում Ադրբեջանին և Ռուսաստանին անհապաղ վերականգնել անխափան տարանցումը` պահպանելով նախկինում ստանձնած պարտավորությունները, որոնք հստակ երաշխիքներ են ներառում Լաչինի միջանցքով մարդկանց, տրանսպորտային միջոցների և բեռների անվտանգ տեղաշարժի համար երկու ուղղությունով էլ»,– ասել է նա։
ԵԱՀԿ-ում ԱՄՆ դեսպանը նաև շնորհակալություն է հայտնել ԿԽՄԿ-ին՝ կարևոր օգնություն ցուցաբերելու համար, և Ադրբեջանին կոչ արել ապահովել Լեռնային Ղարաբաղում ապրող բնակչության իրավունքների պաշտպանությունն ու նրանց անվտանգությունը:
«ԵԱՀԿ բոլոր մասնակից երկրները պարտավոր են պաշտպանել իրենց տարածքում գտնվող անձանց անվտանգությունը` անկախ նրանց ազգային պատկանելությունից»,– ընդգծել է դիվանագետը։
ԵԱՀԿ–ում ԱՄՆ դեսպանը նշել է, որ անհամբեր սպասում է Հյուսիսային Մակեդոնիայի ղեկավարության ներքո Լեհաստանի նախագահի կարիքների գնահատման խմբի առաջարկությունների առարկայական և բովանդակալից քննարկմանը։ ԵԱՀԿ-ն և նրա տարբեր ինստիտուտները, Քարփենթերի գնահատմամբ,Հայաստանին և Ադրբեջանին աջակցելու համար լավ դիրքում են գտնվում՝ հիմնվելով անվտանգության հարցում իրենց համապարփակ մոտեցման և խարսխված արժեքների, սկզբունքների և պարտավորությունների վրա:
«Մենք լայնածավալ գործիքակազմ ունենք, որը կարող է օգտագործվել այս հակամարտությունում, և մենք պետք է քննարկենք, թե ինչպես կարող ենք դա անել»,– հայտարարել է Քարփենթերը։
Նա հավելել է, որ ԱՄՆ–ն Հայաստանին և Ադրբեջանին կոչ է անում վերսկսել բովանդակալից բանակցությունները` լուծելու իրենց վեճերը։ Նրա խոսքով` համապարփակ խաղաղության համաձայնագիրը միակ ճիշտ ուղին է դեպի երկարատև խաղաղություն` հիմնված հարաբերությունների կարգավորման և փոխադարձ ճանաչման վրա։
Բացի դրանից, Քարփենթերը Հայաստանին և Ադրբեջանին կոչ է արելհետաքննել ենթադրյալ վայրագությունները և պատասխանատվության ենթարկել մեղավորներին։
«Մենք կշարունակենք աշխատել Հայաստանի և Ադրբեջանի հետ ինչպես երկկողմանիորեն, այնպես էլ բազմակողմանիորեն` այնպիսի գործընկերների միջոցով, ինչպիսին է ԵՄ–ն, և միջազգային կազմակերպությունների միջոցով, ինչպիսին է ԵԱՀԿ–ն` հասնելու այս հակամարտության համապարփակ և կայուն կարգավորման»,– եզրափակել է Մայքր Քարփենթերը։
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն
անջատել էր նաև Արցախի գազամատակարարումը։ Դեկտեմբերի 16–ի
առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Հունվարի 9-ից ադրբեջանական վերահսկողության տակ գտնվող տարածքից
անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է
հովհարային անջատումներով։
Լաչինի միջանցքը շարունակում է փակ մնալ։
