https://arm.sputniknews.ru/20230108/mahacel-e-banasteghts-mankagir-liparit-sargsjany-53571902.html
Մահացել է բանաստեղծ, մանկագիր Լիպարիտ Սարգսյանը
Մահացել է բանաստեղծ, մանկագիր Լիպարիտ Սարգսյանը
Sputnik Արմենիա
Լիպարիտ Սարգսյանի հոգեհանգիստը տեղի կունենա այսօր Շահումյանի գերեզմանատանը կից «Սան Լազարո» սգո սրահում։ 08.01.2023, Sputnik Արմենիա
2023-01-08T11:01+0400
2023-01-08T11:01+0400
2023-01-08T11:02+0400
մահ
բանաստեղծություն
գրող
https://cdn.am.sputniknews.ru/img/07e7/01/08/53571740_0:3:960:543_1920x0_80_0_0_f90b4778d59668ffac6e9c97b569178e.jpg
ԵՐԵՎԱՆ, 8 հունվարի – Sputnik. 85 տարեկանում մահացել է բանաստեղծ, մանկագիր Լիպարիտ Սարգսյանը։ Տեղեկությունը հայտնում է Հայաստանի գրողների միությունը։«Հայաստանի գրողների միությունն իր խորին ցավակցությունն է հայտնում սիրված բանաստեղծ, մանկագիր Լիպարիտ Սարգսյանի մահվան կապակցությամբ և ցավակցում է նրա հարազատներին ու ընկերներին»,–նշված է հաղորդագրության մեջ։Լիպարիտ Սարգսյանը ծնվել է ՀՀ Գուգարքի շրջանի Վահագնի գյուղում (այժմ` ՀՀ Լոռու մարզում): Ավարտել է Երևանի Խ.Աբովյանի անվան պետական մանկավարժական ինստիտուտի պատմալեզվագրական ֆակուլտետը: Աշխատել է Կիրովականի (այժմ՝ Վանաձոր) միջշրջանային «Փարոս» թերթում` որպես սրբագրիչ, ապա գրական աշխատող, Երևանի Հայէլեկտրագործարանի «Էլեկտրամեքենաշինարար» բազմատպաքանակ թերթում, «Պիոներ կանչ» թերթում:1977թ-ից աշխատել է «Սովետական գրող» հրատարակչությունում` որպես մանկապատանեկան գրականության խմբագրության ավագ խմբագիր: 1974թ-ից եղել է Հայաստանի գրողների միության անդամ: Հեղինակել է շուրջ 40 գիրք՝ բանաստեղծություններ, տրիոլետներ, պատմվածքներ, վիպակներ, որոնք պարբերաբար տպագրվել են հայաստանյան մամուլում:Թարգմանվել է ռուսերեն, անգլերեն, բելառուսերեն, լիտվերեն, սերբերեն և այլ լեզուներով: Հրատարակվել են նրա «Սպասումներ» (1967թ.), «Մի բուռ ցորեն», «Մարդ և հող», «Ակոս», «Վահագնի» (վիպակ պատանիների համար, 1986թ.), «Արմատահան ծառեր», «Սիրտս ձեզ եմ բացում», «Խաչված ճակատագիր», «Հող և հաց», «Հիշողության արահետներով», «Արարման խորհուրդ» (բանաստեղծություններ, 2013թ.) և այլ գրքեր:1992թ. «Արմատահան ծառեր» վիպակների և պատմվածքների ժողովածուի համար արժանացել է ՀԳՄ Ստեփան Զորյանի անվան մրցանակի: Արժանացել է նաև Ֆրիտյոֆ Նանսենի անվան մեդալի, 2008թ.՝ ՀԳՄ «Գրական վաստակի համար» մեդալի, ՀՀ մշակույթի նախարարության ոսկե մեդալի, ՀՀ վարչապետի հուշամեդալին։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մահ, բանաստեղծություն, գրող
մահ, բանաստեղծություն, գրող
Մահացել է բանաստեղծ, մանկագիր Լիպարիտ Սարգսյանը
11:01 08.01.2023 (Թարմացված է: 11:02 08.01.2023) Լիպարիտ Սարգսյանի հոգեհանգիստը տեղի կունենա այսօր Շահումյանի գերեզմանատանը կից «Սան Լազարո» սգո սրահում։
ԵՐԵՎԱՆ, 8 հունվարի – Sputnik. 85 տարեկանում մահացել է բանաստեղծ, մանկագիր Լիպարիտ Սարգսյանը։ Տեղեկությունը հայտնում է Հայաստանի գրողների միությունը։
«Հայաստանի գրողների միությունն իր խորին ցավակցությունն է հայտնում սիրված բանաստեղծ, մանկագիր Լիպարիտ Սարգսյանի մահվան կապակցությամբ և ցավակցում է նրա հարազատներին ու ընկերներին»,–նշված է հաղորդագրության մեջ։
Լիպարիտ Սարգսյանի հոգեհանգիստը տեղի կունենա այսօր` հունվարի 8-ին, ժամը 17-ից 20։00, Շահումյանի գերեզմանատանը կից «Սան Լազարո» սգո սրահում։ Վերջին հրաժեշտը ՝ հունվարի 9-ին, նույն տեղից՝ ժամը 14-ին։
Լիպարիտ Սարգսյանը ծնվել է ՀՀ Գուգարքի շրջանի Վահագնի գյուղում (այժմ` ՀՀ Լոռու մարզում): Ավարտել է Երևանի Խ.Աբովյանի անվան պետական մանկավարժական ինստիտուտի պատմալեզվագրական ֆակուլտետը: Աշխատել է Կիրովականի (այժմ՝ Վանաձոր) միջշրջանային «Փարոս» թերթում` որպես սրբագրիչ, ապա գրական աշխատող, Երևանի Հայէլեկտրագործարանի «Էլեկտրամեքենաշինարար» բազմատպաքանակ թերթում, «Պիոներ կանչ» թերթում:
1977թ-ից աշխատել է «Սովետական գրող» հրատարակչությունում` որպես մանկապատանեկան գրականության խմբագրության ավագ խմբագիր: 1974թ-ից եղել է Հայաստանի գրողների միության անդամ: Հեղինակել է շուրջ 40 գիրք՝ բանաստեղծություններ, տրիոլետներ, պատմվածքներ, վիպակներ, որոնք պարբերաբար տպագրվել են հայաստանյան մամուլում:
Թարգմանվել է ռուսերեն, անգլերեն, բելառուսերեն, լիտվերեն, սերբերեն և այլ լեզուներով: Հրատարակվել են նրա «Սպասումներ» (1967թ.), «Մի բուռ ցորեն», «Մարդ և հող», «Ակոս», «Վահագնի» (վիպակ պատանիների համար, 1986թ.), «Արմատահան ծառեր», «Սիրտս ձեզ եմ բացում», «Խաչված ճակատագիր», «Հող և հաց», «Հիշողության արահետներով», «Արարման խորհուրդ» (բանաստեղծություններ, 2013թ.) և այլ գրքեր:
1992թ. «Արմատահան ծառեր» վիպակների և պատմվածքների ժողովածուի համար արժանացել է ՀԳՄ Ստեփան Զորյանի անվան մրցանակի: Արժանացել է նաև Ֆրիտյոֆ Նանսենի անվան մեդալի, 2008թ.՝ ՀԳՄ «Գրական վաստակի համար» մեդալի, ՀՀ մշակույթի նախարարության ոսկե մեդալի, ՀՀ վարչապետի հուշամեդալին։
