https://arm.sputniknews.ru/20221222/taniqnerum-shenq-u-tun-en-karucel-hamatirutjunnery-kqanden-inqnakam-karujcnery-52985801.html
Տանիքներում շենք ու տուն են կառուցել. համատիրությունները կքանդեն ինքնակամ կառույցները
Տանիքներում շենք ու տուն են կառուցել. համատիրությունները կքանդեն ինքնակամ կառույցները
Sputnik Արմենիա
Երևանի ինքնակամ շինությունների հաշվառման վերջնաժամկետը լրանում է 2022թ–ի դեկտեմբերի 31-ին։ Դրանից հետո հայտնաբերված կառույցներն այլևս չեն օրինականացնի։ 22.12.2022, Sputnik Արմենիա
2022-12-22T12:14+0400
2022-12-22T12:14+0400
2022-12-22T12:15+0400
հայաստան
համատիրություն
շենք
բազմաբնակարան շենք
հհ կառավարություն
տիգրան ավինյան
https://cdn.am.sputniknews.ru/img/07e6/0b/05/50906942_0:27:1600:928_1920x0_80_0_0_709fd09a20a209aab5ea87343bf79b18.jpg
ԵՐԵՎԱՆ, 22 դեկտեմբերի – Sputnik. Բազմաբնակարան շենքերի հանրային սեփականություն հանդիսացող ոչ բնակելի տարածքներում` նկուղներում, ձեղնահարկերում, մուտքերում, աստիճանավանդակներում ու վերելակների հորերում, բակերում կառուցված ինքնակամ շինությունները կարող են քանդվել համատիրությունների որոշմամբ։Համատիրություններին ու բազմաբնակարան շենքերի կառավարման մարմիններին այս իրավասությամբ օժտելու մասին որոշումն ընդունվեց այսօր ՀՀ կառավարության հերթական նիստում։«Մենք այս նախագծով փորձում ենք կարգավորումներ տալ, որպեսզի համատիրությունն իրավական առումով ավելի ունակ լինի կանխելու այդ ապօրինի շինարարությունն ու նաև քանդելու և թույլ տալու շինարարական որոշակի միջամտություններ»,– նախագիծը ներկայացնելիս ասաց ՀՀ տարածքային կառավարման և ենթակառուցվածքների նախարար Գնել Սանոսյանը։Երևանի փոխքաղաքապետ Տիգրան Ավինյանն էլ նշեց, որ Երևանում նման ինքնակամ շինությունները բազմաթիվ են։Անշարժ գույքի կադաստրի կոմիտեի նախագահ Սուրեն Թովմասյանը հայտնեց, որ ՀՀ–ում այս պահի դրությամբ արդեն շուրջ 24 000 ինքնակամ կառույց է հաշվառված։ Օրական շուրջ 200 ինքնակամ կառույցի մասին տեղեկություններ են մուտքագրվում համակարգ։Թովմասյանը հիշեցրեց, որ Երևանի ինքնակամ շինությունների հաշվառման վերջնաժամկետը լրանում է 2022թ–ի դեկտեմբերի 31-ին։ Դրանից հետո հայտնաբերված կառույցներն այլևս չեն օրինականացվի։ Կադաստրի կոմիտեի ղեկավարը երևանցիներին կոչ արեց գրանցել իրենց կառույցները` հետագայում դրանք օրինականացնելու հնարավորություն ստանալու համար։«ԺԷԿ»–ից մինչև համատիրություն. 20 տարվա գումարների ու արված գործի մասին տվյալներ չկան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, համատիրություն, շենք, բազմաբնակարան շենք, հհ կառավարություն, տիգրան ավինյան
հայաստան, համատիրություն, շենք, բազմաբնակարան շենք, հհ կառավարություն, տիգրան ավինյան
Տանիքներում շենք ու տուն են կառուցել. համատիրությունները կքանդեն ինքնակամ կառույցները
12:14 22.12.2022 (Թարմացված է: 12:15 22.12.2022) Երևանի ինքնակամ շինությունների հաշվառման վերջնաժամկետը լրանում է 2022թ–ի դեկտեմբերի 31-ին։ Դրանից հետո հայտնաբերված կառույցներն այլևս չեն օրինականացնի։
ԵՐԵՎԱՆ, 22 դեկտեմբերի – Sputnik. Բազմաբնակարան շենքերի հանրային սեփականություն հանդիսացող ոչ բնակելի տարածքներում` նկուղներում, ձեղնահարկերում, մուտքերում, աստիճանավանդակներում ու վերելակների հորերում, բակերում կառուցված ինքնակամ շինությունները կարող են քանդվել համատիրությունների որոշմամբ։
Համատիրություններին ու բազմաբնակարան շենքերի կառավարման մարմիններին այս իրավասությամբ օժտելու մասին որոշումն ընդունվեց այսօր ՀՀ կառավարության հերթական նիստում։
«Մենք այս նախագծով փորձում ենք կարգավորումներ տալ, որպեսզի համատիրությունն իրավական առումով ավելի ունակ լինի կանխելու այդ ապօրինի շինարարությունն ու նաև քանդելու և թույլ տալու շինարարական որոշակի միջամտություններ»,– նախագիծը ներկայացնելիս ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
Երևանի փոխքաղաքապետ Տիգրան Ավինյանն էլ նշեց, որ Երևանում նման ինքնակամ շինությունները բազմաթիվ են։
«Գաղտնիք չէ, որ քաղաքացիներն ինքնակամ շինություններ են կառուցում շենքերի տանիքներին, մանսարդային տարածքներում։ Մենք կարող ենք տեսնել շենքեր, որոնց տանիքներին մի փոքրիկ շենք է կառուցված, տուն է կառուցված։ Եվ այդ կառույցների առումով քաղաքային ու համայնքային ղեկավարների լիազորությունները բավական սահմանափակ են եղել»,– ասաց Ավինյանը` հավելելով, որ նոր կարգավորման արդյունքում համայնքն ու բազմաբնակարան շենքի կառավարիչը նման շինությունները քանդելու կամ նոր կառուցվելու դեպքում կանխելու իրավունք կստանան։
Անշարժ գույքի կադաստրի կոմիտեի նախագահ Սուրեն Թովմասյանը հայտնեց, որ ՀՀ–ում այս պահի դրությամբ արդեն շուրջ 24 000 ինքնակամ կառույց է հաշվառված։ Օրական շուրջ 200 ինքնակամ կառույցի մասին տեղեկություններ են մուտքագրվում համակարգ։
Թովմասյանը հիշեցրեց, որ Երևանի ինքնակամ շինությունների հաշվառման վերջնաժամկետը լրանում է 2022թ–ի դեկտեմբերի 31-ին։ Դրանից հետո հայտնաբերված կառույցներն այլևս չեն օրինականացվի։ Կադաստրի կոմիտեի ղեկավարը երևանցիներին կոչ արեց գրանցել իրենց կառույցները` հետագայում դրանք օրինականացնելու հնարավորություն ստանալու համար։
