Հրաշալի քաղաք է, ես սիրահարվեցի. Գյումրին ու Վոլոգդան դարձան քույր քաղաքներ
13:27 21.12.2022 (Թարմացված է: 13:28 21.12.2022)
© Sputnik / Armenuhi Mkhoyan ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր
![ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր - Sputnik Արմենիա, 1920, 21.12.2022](https://cdn.am.sputniknews.ru/img/07e6/0c/15/52931091_0:191:1600:1091_1920x0_80_0_0_72ada3e055aaf8c8640c304583924b43.jpg)
ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր
© Sputnik / Armenuhi Mkhoyan
Բաժանորդագրվել
Վոլոգդայի քաղաքապետն առաջարկեց մոտ ապագայում հանդիպում կազմակերպել գործարար շրջանակների համար, ինչը ոլորտի զարգացմանն ուղղված հիմք կարող է դառնալ։
ԵՐԵՎԱՆ, 21 դեկտեմբերի – Sputnik. ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր: Այն ստորագրեցին Գյումրու քաղաքապետ Վարդգես Սամսոնյանը և Վոլոգդայի քաղաքապետ Սերգեյ Վորոպանովը։
Գյումրու քաղաքապետը, կարևորելով այս համագործակցությունը, հույս հայտնեց, որ փաստաթղթային այդ վավերացումը գործնական քայլերի նախահիմք կդառնա։ Ի դեպ, Վոլոգդան դարձավ Գյումրու 20-րդ քույր քաղաքը:
«Գյումրին մշակութային հետաքրքիր դիմագիծ ունեցող, սպորտի ու զբոսաշրջության, ՏՏ քաղաք է: Հուսով եմ, որ այս համաձայնագիրը կնպաստի հայ-ռուսական հարաբերությունների շարունակականությանը: Հուսով եմ նաև, որ ակտիվ համագործակցություն կստեղծվի տնտեսական, առևտրի, կրթության, քաղաքաշինության և ճարտարապետության ոլորտներում»,-իր խոսքում նշեց Վարդգես Սամսոնյանը:
Վոլոգդայի քաղաքապետ Սերգեյ Վորոպանովն իր և պատվիրակության անունից շնորհակալություն հայտնելով` ասաց, որ ուրախ կլինի հյուրընկալել Գյումրիի պատվիրակությանը Վոլոգդայում: «Գյումրիին մեզ հիացրեց իր գեղեցկությամբ, մաքրությամբ ու մարդկանցով: Սա հրաշալի քաղաք է: Ես սիրահարվեցի այս քաղաքին: Վոլոգդան ևս մշակութային ու պատմական քաղաք է: Վստահ եմ, որ տնտեսական լավ համագործակցության հիմք ենք դնում այս հուշագրով»,-նշեց Սերգեյ Վորոպանովը։
© Sputnik / Armenuhi Mkhoyan ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր:
![Мэры Гюмри и Вологды Вардгес Самсонян и Сергей Воропанов подписали соглашение о городах-побратимах (21 декабря 2022). Гюмри Мэры Гюмри и Вологды Вардгес Самсонян и Сергей Воропанов подписали соглашение о городах-побратимах (21 декабря 2022). Гюмри - Sputnik Արմենիա, 1920, 21.12.2022](https://cdn.am.sputniknews.ru/img/07e6/0c/15/52931090_0:0:1600:1200_1920x0_80_0_0_76ced72b3937b991d0a9c6d6b780b9bc.jpg)
ՀՀ Գյումրի և ՌԴ Վոլոգդա քաղաքների միջև այսօր ստորագրվեց քույր քաղաքների համաձայնագիր:
© Sputnik / Armenuhi Mkhoyan
Նա առաջարկեց մոտ ապագայում հանդիպում կազմակերպել գործարար շրջանակների համար, ինչը ոլորտի զարգացմանն ուղղված հրաշալի հիմք կարող է լինել։