https://arm.sputniknews.ru/20221207/erevanum-hajrusakan-erkkhvosutjan-hartak-bacvec-qaghaqaciakan-hasarakutjan-hamar-52300627.html

Երևանում «Հայ–ռուսական երկխոսության» հարթակ բացվեց քաղաքացիական հասարակության համար

Երևանում «Հայ–ռուսական երկխոսության» հարթակ բացվեց քաղաքացիական հասարակության համար

Sputnik Արմենիա

Նախաձեռնությունը միավորում է մշակութային և գիտական շրջանակների ներկայացուցիչներին, որոնք արդիական հարցեր են քննարկելու և համատեղ ծրագրեր են իրականացնելու։ 07.12.2022, Sputnik Արմենիա

2022-12-07T16:06+0400

2022-12-07T16:06+0400

2022-12-07T16:16+0400

հայաստան

ռուսաստան

արա խզմալյան

միխայիլ շվիդկոյ

https://cdn.am.sputniknews.ru/img/07e6/0c/07/52276543_0:31:1601:931_1920x0_80_0_0_a60aaaae8bebc8dfb7f2ffe7e5c1bb44.jpg

ԵՐԵՎԱՆ, 7 դեկտեմբերի – Sputnik. Երևանում բացվեց Հայաստանի և Ռուսաստանի մտավորականության ներկայացուցիչների հիմնած «Հայ–ռուսական երկխոսության» հարթակը, որի նպատակն է զարգացնել երկու երկրների քաղաքացիական հասարակությունների միջև հարաբերությունները։Հայկական կողմից համահիմնադիրը կրթության, գիտության, մշակույթի և սպորտի փոխնախարար Արա Խզմալյանն է, ռուսական կողմից` Ռուսաստանի Դաշնության նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը։Ռուսական կողմի համահիմնադիրը, ելույթ ունենալով բացման արարողությանը, նշեց, որ Հայաստանն ու Ռուսաստանը համագործակցում են բոլոր հարթակներում` նախարարությունների, տարբեր համաժողովների և այլ մակարդակներով, սակայն քաղաքացիական հասարակության երկխոսությանն ուղղված հարթակ մինչ օրս չի եղել։Նրա խոսքով` այս հարթակի քաղաքականացումը ցանկալի չէ, և միաժամանակ ընդգծեց, որ նույնիսկ երկրի քաղաքական օրակարգում չկա որևէ բան, որը չի կարող քննարկման առարկա դառնալ։Խզմալյանն իր հերթին հիշեցրեց հայ–ռուսական մշակութային լայն օրակարգի մասին։ 2022 թվականին Ռուսաստանի տարբեր քաղաքներում հայկական մշակույթի օրեր անցկացվեցին, իսկ Հայաստանում` Ռուսաստանի հոգևոր մշակույթի օրեր։ Բացի այդ, եղան նաև տարբեր երաժշտական համույթների և թատերախմբերի փոխադարձ այցեր, ինչը մատնանշեց երկխոսության նոր հարթակ ստեղծելու անհրաժեշտությունը։«Հարթակի ստեղծման գաղափարի հեղինակը ռուսական կողմն է, և մենք հաճույքով համաձայնեցինք։ Մեր շուրջ տեղի ունեցող իրադարձություններն ու միջազգային հարաբերություններում տեղի ունեցող արմատական փոփոխությունները խթանում են բոլոր հնարավոր հարթակների օգտագործումը, որտեղ հնարավոր է հնչեցնել մեզ հետաքրքրող և հուզող հարցերը», – նշեց նա։Փոխնախարարի խոսքով` հայկական կողմն ուզում է և պատրաստ է ռուսաստանցի գործընկերների հետ քննարկել մի շարք հարցեր։ Հայ մտավորականության ներկայացուցիչները պատրաստ են մատնանշել 2023 թվականի մշակութային շփման եզրերը, ինչպես նաև տարբեր ոլորտներում փոխգործակցության հնարավորությունը։Նշենք, որ ռուսական կողմից երկխոսության հարթակի հիմնման արարողությանը մասնակցում էին «Մեծ թատրոնի» գլխավոր տնօրեն Վլադիմիր Ուրինը, մանկաբույժ և ՌԳԱ ակադեմիկոս Ալեքսանդր Ռումյանցևը, ՄՊՀ–ի տիեզերական հետազոտությունների ֆակուլտետի դեկան Վասիլի Սազոնովը, Դալի անվան Ռուսաստանի գրականության պատմության պետական թանգարանի տնօրեն Դմիտրի Բակը, «Կոմերսանտ» հրատարակչական տան ռազմավարության գծով տնօրեն Վիկտոր Լոշակը։ Հայկական կողմից մասնակցում էին ԳԱԱ նախագահ Աշոտ Սաղյանը, Տիկնիկային թատրոնի գեղարվեստական ղեկավար Ռուբեն Բաբայանը, Երևանի պետական բժշկական համալսարանի ռեկտոր Արմեն Մուրադյանը, Ստանիսլավսկու անվան ռուսական դրամատիկական թատրոնի տնօրեն Մարիաննա Մխիթարյանը և «Սարեր» ՀԿ–ի նախագահ Էռնա Ռևազովան, Երևանի կոնսերվատորիայի պրոֆեսոր Իրինա Զոլոտովան։Արշակյանը Շվիդկոյի հետ հայ-ռուսական հարաբերություններին առնչվող հարցեր է քննարկել

https://arm.sputniknews.ru/20221206/dumanjann-yndunel-e-rd-nakhagahi-hatuk-nerkajacucchin-hajtni-e-inch-harcer-en-qnnarkel-52249209.html

2022

Լուրեր

am_HY

հայաստան, ռուսաստան, արա խզմալյան, միխայիլ շվիդկոյ