https://arm.sputniknews.ru/20221201/vandalizm-e-tshartarapetn-arajarkum-e-patzhel-hraparaki-shenqeri-zardarman-pataskhanatunerin-52059148.html

Վանդալիզմ է. ճարտարապետն առաջարկում է պատժել հրապարակի շենքերի զարդարման պատասխանատուներին

Վանդալիզմ է. ճարտարապետն առաջարկում է պատժել հրապարակի շենքերի զարդարման պատասխանատուներին

Sputnik Արմենիա

Ճարտարապետ Սարհատ Պետրոսյանը Sputnik Արմենիայի հետ զրույցում հայտնել է, որ հուշարձան շենքերի ֆասադների վրա արված ծակերը գործնականում անհնար է փակել։ 01.12.2022, Sputnik Արմենիա

2022-12-01T16:06+0400

2022-12-01T16:06+0400

2022-12-02T13:31+0400

հանրապետության հրապարակ

երևան

երևանի քաղաքապետարան

ճարտարապետ

https://cdn.am.sputniknews.ru/img/07e6/0c/01/52059593_0:83:1600:983_1920x0_80_0_0_1f6013330368f7ef1efdd047a9c97db1.jpg

ԵՐԵՎԱՆ, 1 դեկտեմբերի – Sputnik. Ամանորյա զարդարման աշխատանքների արդյունքում հրապարակի պատմական շենքերին հասցված վնասը միջազգային պրակտիկայում որակվում է որպես «հուշարձանի նկատմամբ վանդալիզմ»։ Երևանի Հանրապետության հրապարակի շենքերի ֆասադների ավերման մասին համացանցում տարածված լուսանկարներն ու տեսանյութերը Sputnik Արմենիայի հետ զրույցում այս կերպ մեկնաբանեց ճարտարապետ, քաղաքային պլանավորող Սարհատ Պետրոսյանը։Նշենք, որ պատասխանատուներից 2-ը` Երևանի քաղաքապետարանն ու ԿԳՄՍ–ն, արդեն հայտարարել են իրենց մեղքի բացակայության մասին։Քաղաքապետարանը մամուլի հրապարակումներից հետ հայտարարեց, որ նախքան նախագծի իրականացումը տեղի է ունեցել աշխատանքային քննարկում ԿԳՄՍ գործընկերների հետ, որոնց կողմից ընդգծվել է նշված շենքերի վրա կատարվելիք աշխատանքների հետևանքների հետագա վերացման, ինչպես նաև աշխատանքների հետևանքները նվազագույնի հասցնելու կարևորությունը։ «Հաշվի առնելով նշվածը, Երևանի քաղաքապետարանի և «Սինեմարտ» ՍՊԸ-ի միջև կնքված պայմանագրով, ընկերությունը ստանձնել է պարտավորություն տոնական լուսավորության ենթակառուցվածքի ապամոնտաժումից հետո վերականգնել շենքի արտաքին տեսքն անցքերի լցման միջոցով»,– ասված է քաղաքապետարանի տարածած հաղորդագրության մեջ։ԿԳՄՍ նախարարն էլ իր հերթին էր հայտարարել, որ խնդիրը բացառապես քաղաքապետարանի դաշտում է, և որ քաղաքապետարանը պարտավորվել է, որ եթե որևէ վնաս լինի, հարյուր տոկոսով կվերականգնի։Ճարտարապետ Սարհատ Պետրոսյանը հարցին մասնագիտական տեսանկյունից է մոտենում ու լուրջ կասկածներ ունի, որ աշխատանքների ընթացքում շենքի ֆասադի վրա արված անցքերը հնարավոր է լինելու փակել։«Ինձ շատ հետաքրքիր է, թե ինչով են փակելու, որովհետև քարով այլևս հնարավոր չէ փակել։ Այսօր միակ տեխնոլոգիան քարի փոշին է, որը չունի այն երկարակեցությունը, որն ունի քարը»,– ասաց Պետրոսյանը` հավելելով, որ հուշարձան շենքի նախկին տեսքը վերականգնելն անհնար է, հուշարձանն անդառնալիորեն կորած է։Որպես խնդրի լուծում Սարհատ Պետրոսյանն առաջարկում ստեղծել անկախ մասնագետներից կազմված խումբ, ովքեր տեղում կուսումնասիրեն կատարված ու կատարվող աշխատանքները, կհաշվառեն հասցված վնասները ու նաև կբացահայտեն այն անձանց անունները, որոնց անմիջական հրամանով ու թույլտվությամբ է հուշարձան շենքի նկատմամբ այդօրինակ վերաբերմունք դրսևորվել։Դեկտեմբերի 5-ին՝ ժամը 19:00-ին, Հանրապետության հրապարակում նախանշված է «Մանկական Եվրատեսիլի» բացման արարողությունը, որի ընթացքում վառվելու են Հանրապետության գլխավոր տոնածառի լույսերը։ Այդ օրվան ընդառաջ Երևանի գլխավոր հրապարակում արդեն շուրջ 1 ամիս ամանորյա լուսավորության մեծամասշտաբ նախագիծ է իրականացվում, որի շրջանակներում լուսավորում են հրապարակի բոլոր շենքերը, մասնավորապես` կառավարության վարչական շենքը։ Հանրապետության հրապարակի ու կառավարության շենքի հեղինակն է ճարտարապետ Ալեքսանդր Թամանյանը։ 1920-ականներին մեկնարկած շինարարությունը հաջողվել է ավարտին հասցնել միայն 1952թ.–ին։ Հոր սկսած աշխատանքն ավարտել է Թամանյանի որդին՝ ճարտարապետ Գևորգ Թամանյանը` որոշ փոփոխություններ անելով կառավարության շենքի նախնական նախագծում։Շենքի դեկորատիվ մշակումներում Թամանյանն օգտագործվել է հայկական միջնադարյան ճարտարապետության (Տեկոր, Դվին) և մոնումենտալ քանդակագործության տարրեր:Շենքը կառուցված է վարդագույն ֆելզիտային տուֆով՝ բազալտե գետնախարիսխի վրա:

հանրապետության հրապարակ

երևան

2022

Լուրեր

am_HY

հանրապետության հրապարակ, երևան, երևանի քաղաքապետարան, ճարտարապետ