https://arm.sputniknews.ru/20221128/charenci-hvogu-lujsy-erevanum-teghadrvec-metsanun-banasteghtsin-nvirvats-hushatakhtaky-51918709.html

Չարենցի հոգու լույսը. Երևանում տեղադրվեց մեծանուն բանաստեղծին նվիրված հուշատախտակը

Չարենցի հոգու լույսը. Երևանում տեղադրվեց մեծանուն բանաստեղծին նվիրված հուշատախտակը

Sputnik Արմենիա

1937 թվականի հուլիսի 26–ին հենց այս հասցեից են Պետական անվտանգության կոմիտեի աշխատակիցները Չարենցին բանտ տարել։ 28.11.2022, Sputnik Արմենիա

2022-11-28T15:31+0400

2022-11-28T15:31+0400

2022-11-28T15:33+0400

եղիշե չարենց

հուշատախտակ

երևան

բնակարան

https://cdn.am.sputniknews.ru/img/07e6/0b/1c/51913621_0:0:1600:901_1920x0_80_0_0_09868b2842c6e1c6a6b047fe882c3e43.jpg

Ինչ որ լավ է՝ վառվում է ու վառում,Ինչ որ լավ է՝ միշտ վառ կմնա.Այս արև, այս վառ աշխարհումՔանի կաս՝ վառվի՛ր ու գնա՛։Մոխրացի՛ր արևի հրում,Արևից թող ոչինչ չմնա,–Այս արև, այս վառ աշխարհումՔանի կաս՝ վառվի՛ր ու գնա՛։Հայ մեծանուն բանաստեղծ, գրող և թարգմանիչ Եղիշե Չարենցի (Եղիշե Աբգարի Սողոմոնյան) թոռնուհին` Գոհար Չարենցն այս խոսքերով ողջունեց Երևանի Մաշտոցի 17 շենքի մոտ հավաքված քաղաքացիներին, որոնք եկել էին մասնակցելու բանաստեղծին նվիրված հուշատախտակի բացման արարողությանը։Հենց այս հասցեում գտնվող բնակարանում է 1935-1937 թվականներին ապրել Չարենցը։ Այս տարի նշվում է բանաստեղծի ծննդյան 125–ամյակը, իսկ երեկ` նոյեմբերի 27–ին, նրա մահվան 85–րդ տարելիցն էր։Խորհրդանշական է, որ Չարենցն ինքն է այս տունն ընտրել։ Մի օր, երբ անցնելիս է եղել Մաշտոցի պողոտայով, տեսել է, որ շինարարները կարմիր տուֆով շենք են կառուցում, մոտեցել է ու իրեն բնորոշ անմիջականությամբ ասել. «Պետք է խնդրեմ մի բնակարան այս կարմիր տանը»։Այն ժամանակ Հայաստանի կենտկոմի առաջին քարտուղարը Աղասի Խանջյանն էր։ Հենց նրա կարգադրությամբ էլ շենքի երրորդ հարկի երեքսենյականոց թիվ 12 բնակարանը տրվում է Չարենցին։1937 թվականի հուլիսի 26–ին հենց այստեղից են Պետական անվտանգության կոմիտեի աշխատակիցները Չարենցին բանտ տարել։ Դրանից հետո նա այլևս այս տուն չի մտել։Որոշ ժամանակ անց դատապարտվել է նաև Չարենցի կինը` Իզաբելլան, իսկ երկու դուստրերը մնացել են մանկատների ու հարազատների հույսին։1954 թվականին` Կոմունիստական կուսակցության առաջնորդ Իոսիֆ Ստալինի մահից հետո, Չարենցն արդարացվեց։ Իսկ տարիներ անց` 1964 թ. փետրվարի 8-ի որոշմամբ, ՀՍՍՀ Հայաստանի նախարարների խորհրդի որոշմամբ այս բնակարանը վերածվեց Չարենցի տուն-թանգարանի։ Տասը տարվա հավաքչական աշխատանքներից հետո այն իր դռները բացեց 1975 թվականի հունվարին։ Այդ տարիներին շենքի վրա տեղադրվել էր Չարենցի հուշատախտակը, որը, սակայն, հանվեց 2016 թվականին, քանի որ տարեթվերի մեջ սխալ կար։Քանդակագործ Արմենակ Վարդանյանի հեղինակած հուշատախտակի մտահղացման հիմքում ընկած է Չարենցի դեպի արև, դեպի լույս , դեպի անհուն տիեզերք ձգտելու գաղափարը։Բանաստեղծին նվիրված հուշատախտակը բացվեց աղոթք դարձած «Ես իմ անուշ Հայաստանի» բանաստեղծության հնչյունների ներքո, որը ներկաները միաձայն արտասանեցին։

երևան

2022

Լուրեր

am_HY

եղիշե չարենց, հուշատախտակ, երևան, բնակարան