https://arm.sputniknews.ru/20221125/nujnisk-irenq-en-tsitsaghum-evrvopan-gazi-stvaratghte-arastagh-e-arajarkel-51851514.html

Նույնիսկ իրենք են ծիծաղում. Եվրոպան գազի «ստվարաթղթե» առաստաղ է առաջարկել

Նույնիսկ իրենք են ծիծաղում. Եվրոպան գազի «ստվարաթղթե» առաստաղ է առաջարկել

Sputnik Արմենիա

Եվրահանձնաժողովի վերջնական որոշումը բոլորին զարմացրեց. գնային առաստաղն այնքան բարձր էր, որ ոմանք վրդովվեցին, իսկ մյուսները ծիծաղում են։ 25.11.2022, Sputnik Արմենիա

2022-11-25T23:43+0400

2022-11-25T23:43+0400

2022-11-25T23:44+0400

գազ

եվրոպա

ռուսաստան

նավթ

պատժամիջոցներ

https://cdn.am.sputniknews.ru/img/07e6/01/09/37316515_0:0:3181:1790_1920x0_80_0_0_4d1e7630bf0350df48d356866109cdbe.jpg

Նատալյա Դեմբինսկայա, ՌԻԱ ՆովոստիԵվրամիությունը համառորեն փորձում է համաձայնեցնել ռուսական ռեսուրսների գնային սահմանները։ Մի կողմից հարկավոր է Մոսկվային զրկել եկամուտներից, մյուս կողմից՝ չմնալ առանց էներգակիրների։ Այլապես ստիպված կլինեն երեք անգամ թանկ գնել նրանցից, ովքեր կհամաձայնեն «օգնել»: Վերին շեմըԳների սահմանափակման մասին արևմտյան երկրների առաջնորդները պայմանավորվել էին դեռևս հունիսին՝ G7-ի գագաթնաժողովի ընթացքում։ Դեկտեմբերից ուժի մեջ են մտնում նավթի, փետրվարից՝ նավթամթերքների սահմանաչափերը։ Գազի վերաբերյալ դեռ հստակություն չկա։Բայց Եվրահանձնաժողովն արդեն առաջարկել է. առավելագույնը 275 եվրո` մեկ Մվտ/ժամի դիմաց Title Transfer Facility (TTF) վիրտուալ հանգույցում։Փաստաթուղթը հստակեցնում է, որ մեխանիզմը գործարկվում է երկու պայմանների միաժամանակյա կատարման դեպքում։ Առաջին՝ TTF ածանցյալի մեկ ամսվա հաշվարկային գինը երկու շաբաթվա ընթացքում գերազանցում է 1 Մվտ/ժամի դիմաց 275 եվրոն: Երկրորդ՝ այս ցուցանիշը երկու շաբաթվա ընթացքում տասը առևտրային օր անընդմեջ բարձր է հեղուկացված բնական գազի բազային գնից։Սա նշանակում է մոտ 3000 ԱՄՆ դոլար սահմանաչափ 1000 խորանարդ մետր գազի դիմաց` հաջորդ մեկ ամսվա պայմանագրով։«Դատարկ բան է»Այդպիսի «տառապալից» որոշումը քննադատության ալիք առաջացրեց. առաստաղը գրեթե երկու անգամ գերազանցում է ընթացիկ գները, թեև ամառային գագաթնակետերից ցածր է։«Սա կատակ է։ Սա ոչ մեկին ոչ մի օգուտ չի բերի, նույնիսկ օգոստոսին պատահած ծայրահեղ սցենարի դեպքում։ Անհեթեթություն է, ոչ թե սահմանափակում»,-վրդովվել է բրյուսելյան Bruegel վերլուծական կենտրոնի ավագ գիտաշխատող Սիմոնա Տալյապետրան։Օգոստոսին Լոնդոնի ICE բորսայում գնանշումները «Հյուսիսային հոսքով» մատակարարումների դադարեցումից հետո բարձրացել էին մինչև 1 Մվտ/ժամի դիմաց 300 եվրո։ Բայց այդ գինն ընդամենը մեկ շաբաթ մնաց։ «Գազային ջեքփոթ». Ռուսաստանի և Թուրքիայի հավակնոտ նախագծում ի՞նչն է վախեցրել ԵվրոպայինԳերմանիայում բացատրեցին. «դեկորատիվ առաստաղը» քաղաքական քայլ է, որն անհրաժեշտ է հակասությունները թուլացնելու համար։ Այսինքն` Բրյուսելն արձագանքել է թե՛ գները կարգավորելու պահանջին, թե՛ շուկայական համակարգին չխառնվելու կոչերին։«Վեճն ավելի ու ավելի է սրվում: Բելգիան, Հունաստանը, Իտալիան և Լեհաստանը սպառնացել են արգելափակել գազի շուկայի վերաբերյալ այլ որոշումները էներգետիկայի նախարարների հանդիպման ժամանակ»,-գրում է Die Welt-ը։Առաստաղին կողմ է ԵՄ-ի առնվազն 15 երկիր, այդ թվում Իսպանիան և Հունաստանը։ Հաշվարկում են այնպես, որ ձմռան ընթացքում նվազեցնեն գները սպառողների համար և խուսափեն սոցիալական հուզումներից։ Գերմանիան, Նիդեռլանդները և Դանիան ընդհակառակը՝ կարծում են, որ սահմանափակումները կհանգեցնեն միայն գազի սպառման ավելացման, իսկ թրեյդերները կզբաղվեն վերավաճառքով։«Հուսահատության ժեստ»Մեկ այլ՝ առավել ծանրակշիռ պատճառ էլ կա. Ռուսաստանից գազային կախվածությունը չափազանց ուժեղ է։ Պետք է միջոցներ ձեռնարկել ձեռնարկություններն ու տնային տնտեսությունները էներգառեսուրսների գների աճից պաշտպանելու համար, բայց առանց առհասարակ գազից զրկվելու։«Սահմանափակումները ձևակերպվել են այնպես, որ դրանց հավանականությունը նվազագույն լինի։ Եվրահանձնաժողովը չէր կարող հրաժարվել` քաղաքական-գաղափարական նկատառումներով։ Այդ պատճառով նրանք հորինեցին մի մեխանիզմ, որն իրագործելի է միայն հանգամանքների ֆանտաստիկ համադրության դեպքում։ Մեխանիզմը կա, իսկ առաստաղ չկա»,-նշում է Ազգային էներգետիկ անվտանգության հիմնադրամի գլխավոր տնօրենի տեղակալ Ալեքսեյ Գրիվաչը։«Որոշման քաղաքական բնույթն ակնհայտ է. Եվրամիության իշխանությունները ցանկանում են մանևրելու տեղ թողնել ԱՄՆ-ի և Ռուսաստանի հետ հարաբերություններում։ Մյուս կողմից, դա հուսահատության ժեստ է. Բրյուսելում պաշտոնյաները հստակ հասկանում են Ռուսաստանին պատժամիջոցներով ճնշելու փորձերի ապարդյունությունը»,-ավելացնում է անկախ արդյունաբերական փորձագետ Լեոնիդ Խազանովը։Կապույտ վառելիքի և ամերիկյան հեղուկացված բնական գազի արդեն կուտակված պաշարներով եվրոպացիները ծայրը-ծայրին կգոյատևեն ձմռանը: Բայց Մոսկվայի հետ հերթական սրացում ներկայիս իրավիճակում նրանց ամենևին էլ պետք չէ։

https://arm.sputniknews.ru/20220929/artakarg-iravitshak-hjusisajin-hosqum-evropan-patrastvum-e-vatagujnin-49070690.html

եվրոպա

2022

Լուրեր

am_HY

գազ, եվրոպա, ռուսաստան, նավթ, պատժամիջոցներ