https://arm.sputniknews.ru/20221028/petq-e-vor-rusastany-chhamadzajni-lgh-harci-vashingtvonjan-tarberakin-vazgen-manukjan-50497395.html
Պետք է որ Ռուսաստանը չհամաձայնի ԼՂ հարցի վաշինգտոնյան տարբերակին. Վազգեն Մանուկյան
Պետք է որ Ռուսաստանը չհամաձայնի ԼՂ հարցի վաշինգտոնյան տարբերակին. Վազգեն Մանուկյան
Sputnik Արմենիա
Վազգեն Մանուկյանն անդրադարձավ նաև Հայաստանում հակառուսական քարոզչությանն ու դրա նպատակներին։ 28.10.2022, Sputnik Արմենիա
2022-10-28T10:53+0400
2022-10-28T10:53+0400
2022-10-28T11:08+0400
վազգեն մանուկյան
ռուսաստան
ամն
ղարաբաղյան հակամարտություն
լեռնային ղարաբաղ
արցախ
վլադիմիր պուտին
https://cdn.am.sputniknews.ru/img/07e5/06/0e/27917802_0:114:1600:1014_1920x0_80_0_0_954c74185c2c29d70cec5a3e9fbd47fa.jpg
ԵՐԵՎԱՆ, 28 հոկտեմբերի – Sputnik. ՀՀ նախկին պաշտպանության նախարար, նախկին վարչապետ Վազգեն Մանուկյանը դրական է համարում այն, որ Ռուսաստանը չի հրաժարվում Արցախի հարցի հետագա քննարկումից։ Այս մասին Մանուկյանն ասաց լրագրողների հետ զրույցում` անդրադառնալով նախօրեին «Վալդայ» միջազգային ակումբի լիագումար նիստում ՌԴ նախագահի արած հայտարարությանը, թե իրենք ՀՀ-ին առաջարկել են վերադարձնել 5 շրջան, սակայն ՀՀ ղեկավարությունը գնաց իր ճանապարհով։Նշենք, որ այսօր Երևանում տեղի է ունենալու «Լազարյան ակումբի» նիստը։ ՀՀ նախկին վարչապետը մասնակցում է «Լազարյան ակումբի» նիստին։Հարցին, արդյոք ռուսական կողմը կարող է վաշինգտոնյան փաստաթղթից տարբերվող այլ փաստաթուղթ առաջարկել, Մանուկյանը շեշտեց` դիրքորոշումները պարզ են, և իր կարծիքով Ռուսաստանը պետք է որ չհամաձայնի։«Եթե խորանանք ԱՄՆ-ի շահերի և Ռուսաստանի շահերի մեջ, ապա այդ շահերը ճանաչելով պետք է որ Ռուսաստանը չհամաձայնի վաշինգտոնյան տարբերակին»,– ընդգծեց նախկին վարչապետը։Անդրադառնալով Հայաստանում հակառուսական քարոզչությանը` Մանուկյանը հիշեցրեց, որ ՀՀ իշխանություններն ասում են, թե Ռուսաստանը վստահելի չէ, քանի որ ինքն ընկերացել է Ադրբեջանի և Թուրքիայի հետ։«Ստացվում է, որ դրանով նրանք ընդունում են` Ադրբեջանն ու Թուրքիան թշնամի են, հետևաբար պետք է Ռուսաստանին հեռացնել, բայց այդ դեպքում էլ մենք կմնանք թուրքերի տիրապետության տակ, միայնակ թշնամիների դեմ։ Ասում են, թե Արևմուտքը կգա ու կզբաղեցնի տեղը։ Բայց այդպես չի կարող լինել»,– նշեց Մանուկյանը։Նրա խոսքով` Թուրքիան շատ վարպետորեն խաղում է Ռուսաստանի և Արևմուտքի մեջտեղում, սակայն ի վերջո հակասությունները լինելու են Ռուսաստանի հետ, որովհետև ծրագրերը, որ ունի Թուրքիան, կապված են այս տարածքի հետ։Նրա կարծիքով` քաղաքականության մեջ պետք է ուժերի բալանս լինի, այսինքն` այնպես ստացվի, որ քո երկիրը դաշնակցություն ունենա տարբեր երկրների հետ, որոնց մեջ հակասություն կա, այդ դեպքում այն ազատ կլինի։Նշենք, որ Պուտինը երեկ տեղի ունեցած «Վալդայ» միջազգային քննարկման ակումբի լիագումար նիստում ասել էր, որ Վաշինգտոնի տարբերակը ենթադրում է Ղարաբաղի ինքնիշխանության ճանաչում Ադրբեջանի կազմում, և ՌԴ–ն կաջակցի հայ ժողովրդի ցանկացած ընտրություն։Հիշեցնենք, որ հոկտեմբերի 6-ին, ՀՀ վարչապետը Պրահայում մասնակցել է Եվրոպական քաղաքական համայնքի գագաթնաժողովին, քառակողմ հանդիպում ունեցել Ֆրանսիայի նախագահ Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի մասնակցությամբ, մասնակցել է Էրդողան–Ալիև ոչ ֆորմալ հանդիպմանը, առանձնազրույց ունեցել Թուրքիայի նախագահ Էրդողանի հետ։Քառակողմ հանդիպման ժամանակ, մասնավորապես, Հայաստանն ու Ադրբեջանը հաստատել են իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը:
ամն
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վազգեն մանուկյան, ռուսաստան, ամն, ղարաբաղյան հակամարտություն, լեռնային ղարաբաղ, արցախ, վլադիմիր պուտին
վազգեն մանուկյան, ռուսաստան, ամն, ղարաբաղյան հակամարտություն, լեռնային ղարաբաղ, արցախ, վլադիմիր պուտին
Պետք է որ Ռուսաստանը չհամաձայնի ԼՂ հարցի վաշինգտոնյան տարբերակին. Վազգեն Մանուկյան
10:53 28.10.2022 (Թարմացված է: 11:08 28.10.2022) Վազգեն Մանուկյանն անդրադարձավ նաև Հայաստանում հակառուսական քարոզչությանն ու դրա նպատակներին։
ԵՐԵՎԱՆ, 28 հոկտեմբերի – Sputnik. ՀՀ նախկին պաշտպանության նախարար, նախկին վարչապետ Վազգեն Մանուկյանը դրական է համարում այն, որ Ռուսաստանը չի հրաժարվում Արցախի հարցի հետագա քննարկումից։ Այս մասին Մանուկյանն ասաց լրագրողների հետ զրույցում` անդրադառնալով նախօրեին «Վալդայ» միջազգային ակումբի լիագումար նիստում ՌԴ նախագահի արած հայտարարությանը, թե իրենք ՀՀ-ին առաջարկել են վերադարձնել 5 շրջան, սակայն ՀՀ ղեկավարությունը գնաց իր ճանապարհով։
Նշենք, որ այսօր Երևանում տեղի է ունենալու «Լազարյան ակումբի» նիստը։ ՀՀ նախկին վարչապետը մասնակցում է «Լազարյան ակումբի» նիստին։
«Այսինքն` մնում է այն հին վիճակը` բոլոր բանակցությունների ժամանակ «տարածքներ Արցախի անկախության ճանաչման դիմաց» սկզբունքն է եղել։ Նրա անդրադարձը նշանակում է, որ համաձայնագրի ռուսական ծրագրում նշվում է, որ Արցախի հարցը հետ է դրվում և չի քննարկվում։ Սա նշանակում է, որ Ռուսաստանը չի հրաժարվում այդ հարցի հետագա քննարկումից, ինչը ես դրական եմ համարում»,–ասաց Մանուկյանը։
Հարցին, արդյոք ռուսական կողմը կարող է
վաշինգտոնյան փաստաթղթից տարբերվող այլ փաստաթուղթ առաջարկել, Մանուկյանը շեշտեց` դիրքորոշումները պարզ են, և իր կարծիքով Ռուսաստանը պետք է որ չհամաձայնի։
«Եթե խորանանք ԱՄՆ-ի շահերի և Ռուսաստանի շահերի մեջ, ապա այդ շահերը ճանաչելով պետք է որ Ռուսաստանը չհամաձայնի վաշինգտոնյան տարբերակին»,– ընդգծեց նախկին վարչապետը։
Անդրադառնալով Հայաստանում հակառուսական քարոզչությանը` Մանուկյանը հիշեցրեց, որ ՀՀ իշխանություններն ասում են, թե Ռուսաստանը վստահելի չէ, քանի որ ինքն ընկերացել է Ադրբեջանի և Թուրքիայի հետ։
«Ստացվում է, որ դրանով նրանք ընդունում են` Ադրբեջանն ու Թուրքիան թշնամի են, հետևաբար պետք է Ռուսաստանին հեռացնել, բայց այդ դեպքում էլ մենք կմնանք թուրքերի տիրապետության տակ, միայնակ թշնամիների դեմ։ Ասում են, թե Արևմուտքը կգա ու կզբաղեցնի տեղը։ Բայց այդպես չի կարող լինել»,– նշեց Մանուկյանը։
Նրա խոսքով` Թուրքիան շատ վարպետորեն խաղում է Ռուսաստանի և Արևմուտքի մեջտեղում, սակայն ի վերջո հակասությունները լինելու են Ռուսաստանի հետ, որովհետև ծրագրերը, որ ունի Թուրքիան, կապված են այս տարածքի հետ։
«Նա ուզում է Թուրանական մեծ պետություն կառուցել, և իր թշնամին այդտեղ դառնալու է Ռուսաստանը, ուշ, թե շուտ բախում է լինելու Ռուսաստանի հետ։ Այդ դեպքում Թուրքիան դառնում է Արևմտյան, Արևմուտքին այս տարածաշրջանը կարող է այնքան չհետաքրքրել, որքան Ռուսաստանին: Ստացվում է, որ դու ռուսներին քշում ես, մնում ես թուրքերի տիրապետության տակ, բայց եթե դու Թուրքիային համարում ես թշնամի, ինչո՞ւ ես այդպես անում»,– ասաց Մանուկյանը:
Նրա կարծիքով` քաղաքականության մեջ պետք է ուժերի բալանս լինի, այսինքն` այնպես ստացվի, որ քո երկիրը դաշնակցություն ունենա տարբեր երկրների հետ, որոնց մեջ հակասություն կա, այդ դեպքում այն ազատ կլինի։
Նշենք, որ Պուտինը երեկ տեղի ունեցած «Վալդայ» միջազգային քննարկման ակումբի լիագումար նիստում ասել էր, որ Վաշինգտոնի տարբերակը ենթադրում է Ղարաբաղի ինքնիշխանության ճանաչում Ադրբեջանի կազմում, և ՌԴ–ն կաջակցի հայ ժողովրդի ցանկացած ընտրություն։
Հիշեցնենք, որ հոկտեմբերի 6-ին, ՀՀ վարչապետը Պրահայում մասնակցել է
Եվրոպական քաղաքական համայնքի գագաթնաժողովին, քառակողմ հանդիպում ունեցել Ֆրանսիայի նախագահ Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի մասնակցությամբ, մասնակցել է
Էրդողան–Ալիև ոչ ֆորմալ հանդիպմանը, առանձնազրույց ունեցել
Թուրքիայի նախագահ Էրդողանի հետ։
Քառակողմ հանդիպման ժամանակ, մասնավորապես,
Հայաստանն ու Ադրբեջանը հաստատել են իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը:
