https://arm.sputniknews.ru/20220921/haagaji-dataran-ugharkvats-dimumum-hhn-adrbejani-vajragutjan-tarm-paster-e-nerkajacrel-48690325.html
Հաագայի դատարան ուղարկված դիմումում ՀՀ–ն Ադրբեջանի վայրագության թարմ փաստեր է ներկայացրել
Հաագայի դատարան ուղարկված դիմումում ՀՀ–ն Ադրբեջանի վայրագության թարմ փաստեր է ներկայացրել
Sputnik Արմենիա
Հայաստանը կրկնել է Ադրբեջանի նկատմամբ միջանկյալ միջոց կիրառելու մասին որոշումը փոփոխության ենթարկելու մասին իր հրատապ խնդրանքը։ 21.09.2022, Sputnik Արմենիա
2022-09-21T16:08+0400
2022-09-21T16:08+0400
2022-09-21T16:24+0400
հայաստան
ադրբեջան
նամակ
https://cdn.am.sputniknews.ru/img/1485/41/14854192_0:130:3179:1918_1920x0_80_0_0_69776ae78778d61dcbe5c20f06b96021.jpg
ԵՐԵՎԱՆ, 21 սեպտեմբերի – Sputnik. Միջազգային իրավական հարցերով ՀՀ ներկայացուցչի գրասենյակը Հայաստանի անունից Արդարադատության միջազգային դատարանին (Հաագա) է փոխանցել Ադրբեջանի կողմից Ռասայական խտրականության բոլոր ձևերի վերացման միջազգային կոնվենցիայի շրջանակում քննվող Հայաստանն ընդդեմ Ադրբեջանի գործով հաջորդող նամակը։Ինչպես հայտնում են ՀՀ ներկայացուցչի գրասենյակից, նամակում Հայաստանը նոր փաստեր է ներկայացրել Ադրբեջանի կողմից հայ ռազմագերիների նկատմամբ բռնության և զոհված հայ զինծառայողների պղծման վերաբերյալ` ներառյալ հայ ռազմագերի Դավիթ Գիշյանի խոշտանգումների ու սպանության ենթարկվելու մասին տեղեկությունը։Դատարանին ներկայացնելով Ադրբեջանում հակահայկական համատարած ատելության պատկերավոր օրինակներ` Հայաստանը կրկնել է իր հրատապ խնդրանքը, այն է` Ադրբեջանի նկատմամբ միջանկյալ միջոց կիրառելու մասին որոշումը փոփոխության ենթարկել։Հիշեցնենք` Հայաստանը Հաագայի դատարան էր դիմել դեռ 2020թ–ի 44-օրյա պատերազմից հետո։ 2021թ–ի դեկտեմբերի 7-ին դատարանը որոշում էր կայացրել Ադրբեջանի նկատմամբ միջանկյալ միջոց կիրառելու մասին։Միջազգային իրավական հարցերով ՀՀ ներկայացուցիչ Եղիշե Կիրակոսյանը օրեր առաջ Sputnik Արմենիային տված հարցազրույցում պարզաբանել էր, որ նոր դիմումը վերաբերում է Ադրբեջանի կողմից Հայաստանի տարածքի նկատմամբ նոր հարձակմանը, բայց այն ներկայացվում է 2021թ–ի դեկտեմբերի 7-ին ընդունած որոշման շրջանակում։«Մենք կարծում ենք, որ սեպտեմբերի 13-ի ագրեսիան և դրան զուգահեռ ընթացող պատերազմական հանցագործությունները, քաղաքացիական օբյեկտների թիրախավորումն ի թիվս այլնի` հանգեցնում են նաև այս որոշման խախտման, և այս մասին մենք, բնականաբար, պետք է ծանուցենք Արդարադատության միջազգային դատարանին` ներկայացնելով մեր ձեռքի տակ եղած բոլոր ապացույցները»,– ասել էր Կիրակոսյանը։Ադրբեջանում տասնամյակներով իրականացվող ռասայական խտրականության ու ատելության քարոզի ֆոնին միջազգային դատարանի մեկ որոշմամբ իրավիճակ փոխելը, ըստ նրա, դժվար է։ Բայց մյուս կողմից` նման որոշումներն ազդում են երկրի միջազգային հեղինակության վրա ու կարող են որոշիչ ազդեցություն ունենալ թեկուզ հայ գերիների նկատմամբ պատշաճ վերաբերմունքի, նրանց կյանքի իրավունքի պաշպանության հարցում։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, նամակ
հայաստան, ադրբեջան, նամակ
Հաագայի դատարան ուղարկված դիմումում ՀՀ–ն Ադրբեջանի վայրագության թարմ փաստեր է ներկայացրել
16:08 21.09.2022 (Թարմացված է: 16:24 21.09.2022) Հայաստանը կրկնել է Ադրբեջանի նկատմամբ միջանկյալ միջոց կիրառելու մասին որոշումը փոփոխության ենթարկելու մասին իր հրատապ խնդրանքը։
ԵՐԵՎԱՆ, 21 սեպտեմբերի – Sputnik. Միջազգային իրավական հարցերով ՀՀ ներկայացուցչի գրասենյակը Հայաստանի անունից Արդարադատության միջազգային դատարանին (Հաագա) է փոխանցել Ադրբեջանի կողմից Ռասայական խտրականության բոլոր ձևերի վերացման միջազգային կոնվենցիայի շրջանակում քննվող Հայաստանն ընդդեմ Ադրբեջանի գործով հաջորդող նամակը։
Ինչպես հայտնում են
ՀՀ ներկայացուցչի գրասենյակից, նամակում Հայաստանը նոր փաստեր է ներկայացրել Ադրբեջանի կողմից հայ ռազմագերիների նկատմամբ բռնության և զոհված հայ զինծառայողների պղծման վերաբերյալ` ներառյալ հայ ռազմագերի Դավիթ Գիշյանի խոշտանգումների ու սպանության ենթարկվելու մասին տեղեկությունը։
Դատարանին ներկայացնելով Ադրբեջանում հակահայկական համատարած ատելության պատկերավոր օրինակներ` Հայաստանը կրկնել է իր հրատապ խնդրանքը, այն է` Ադրբեջանի նկատմամբ միջանկյալ միջոց կիրառելու մասին որոշումը փոփոխության ենթարկել։
Հիշեցնենք` Հայաստանը Հաագայի դատարան էր դիմել դեռ 2020թ–ի 44-օրյա պատերազմից հետո։ 2021թ–ի դեկտեմբերի 7-ին դատարանը որոշում էր կայացրել Ադրբեջանի նկատմամբ միջանկյալ միջոց կիրառելու մասին։
Միջազգային իրավական հարցերով ՀՀ ներկայացուցիչ Եղիշե Կիրակոսյանը օրեր առաջ
Sputnik Արմենիային տված հարցազրույցում պարզաբանել էր, որ նոր դիմումը վերաբերում է Ադրբեջանի կողմից Հայաստանի տարածքի նկատմամբ նոր հարձակմանը, բայց այն ներկայացվում է 2021թ–ի դեկտեմբերի 7-ին ընդունած որոշման շրջանակում։
«Մենք կարծում ենք, որ սեպտեմբերի 13-ի ագրեսիան և դրան զուգահեռ ընթացող պատերազմական հանցագործությունները, քաղաքացիական օբյեկտների թիրախավորումն ի թիվս այլնի` հանգեցնում են նաև այս որոշման խախտման, և այս մասին մենք, բնականաբար, պետք է ծանուցենք Արդարադատության միջազգային դատարանին` ներկայացնելով մեր ձեռքի տակ եղած բոլոր ապացույցները»,– ասել էր Կիրակոսյանը։
Ադրբեջանում տասնամյակներով իրականացվող ռասայական խտրականության ու ատելության քարոզի ֆոնին միջազգային դատարանի մեկ որոշմամբ իրավիճակ փոխելը, ըստ նրա, դժվար է։ Բայց մյուս կողմից` նման որոշումներն ազդում են երկրի միջազգային հեղինակության վրա ու կարող են որոշիչ ազդեցություն ունենալ թեկուզ հայ գերիների նկատմամբ պատշաճ վերաբերմունքի, նրանց կյանքի իրավունքի պաշպանության հարցում։
