Չպետք է նույն կերպ պատասխանենք և պատժենք եվրոպական երկրների բոլոր քաղաքացիներին. Լավրով
15:05 01.09.2022 (Թարմացված է: 16:36 01.09.2022)
Բաժանորդագրվել
Լավրովը նշել է, իրենք արդեն իսկ ունեն «սիրված կերպարներ», որոնք նշված են պատժամիջոցների ցուցակներում։
ՌԴ-ին չպետք է ինքնամեկուսանա՝ ի պատասխան ԵՄ-ի կողմից շենգենյան վիզաների սահմանափակումների։ Ինչպես հաղորդում է RT-ն, այս մասին Մոսկվայի միջազգային հարաբերությունների պետական ինստիտուտի ուսանողների հետ հանդիպման ժամանակ ասել է ՌԴ ԱԳ նախարար Սերգեյ Լավրովը։
«Եթե մուտքը փակեն, գիշեր ու ցերեկ են վատնելու` քննարկելով, թե ում շենգեն վիզա տան, ում` ոչ։ Շենգենյան գոտի մուտք գործելիս նրանք արդեն երեք անգամ են ուզում հարցնել, որ մարդը հաստատ չսխալվի, բայց դա ծիծաղելի է, հասկանո՞ւմ եք։ Այդ մարդիկ խղճուկ են մեծ հաշվով։ Բայց մենք չենք ինքնամեկուսանալու, օրինակ` ես, չնայած որ մենք դա դեռ չենք քննարկել, կարծում եմ, որ ի պատասխան այդ շենգենյան «պատերի», որոնք հիմա փորձում են կառուցել, մենք փակվելու կարիք չունենք, մենք չպետք է նույն կերպ պատասխանենք և պատժենք եվրոպական երկրների բոլոր քաղաքացիներին։ Մենք «սիրված կերպարներ» ունենք, որոնք արդեն իսկ նշված են մեր պատժամիջոցների ցուցակներում», — ասել է Լավրովը։
Ավելի վաղ Եվրամիության դիվանագիտության ղեկավար Ժոզեպ Բորելը հայտարարել էր, որ ԵՄ 27 երկրների ԱԳ նախարարները որոշել են սառեցնել Ռուսաստանի հետ վիզային ռեժիմի պարզեցման մասին համաձայնագիրը:
