https://arm.sputniknews.ru/20220814/surmalu-i-platakneri-tak-pajtucik-njuter-kan-prkararneric-vomanq-tskhaharvel-en-46680319.html
«Սուրմալու»-ի փլատակների տակ պայթուցիկ նյութեր կան. փրկարարներից ոմանք ծխահարվել են
«Սուրմալու»-ի փլատակների տակ պայթուցիկ նյութեր կան. փրկարարներից ոմանք ծխահարվել են
Sputnik Արմենիա
Փրկարարները փլատակների տակից դուրս են բերել երկու կանանց։ Նրանց վիճակը գնահատվում է բավարար։ 14.08.2022, Sputnik Արմենիա
2022-08-14T18:43+0400
2022-08-14T18:43+0400
2022-08-14T20:30+0400
«սուրմալու» առևտրի կենտրոն
փրկարար
պայթյուն
https://cdn.am.sputniknews.ru/img/07e6/08/0f/46712762_0:131:1600:1031_1920x0_80_0_0_ecc06d21ea6a3b489c046ba6fccc2f7a.jpg
ԵՐԵՎԱՆ, 14 օգոստոսի – Sputnik. «Սուրմալու» առևտրի կենտրոնում հրդեհի հետևանքով առաջացած իրավիճակն ամբողջությամբ վերահսկվում է հրշեջ-փրկարարական ուժերի կողմից։ Հրդեհը, սակայն, դեռ ամբողջությամբ չի տեղայնացվել։Այս մասին Sputnik Արմենիայի հետ զրույցում հայտնեց ՀՀ արտակարգ իրավիճակների նախարարի տեղակալ Դավիթ Համբարյանը։Նման դեպքերում հրդեհն ամբողջությամբ մարելու համար, Համբարյանի խոսքով, որպես կանոն, երկար ժամանակ է պահանջվում։ Իրենց թիվ մեկ խնդիրը, սակայն, ըստ նրա, ոչ թե հրդեհը մարելն է, այլ որոնողափրկարարական աշխատանքները։Տուժածների շարքում նաև փրկարարներ կան, որոնք հրդեհաշիջման աշխատանքների ընթացքում ծխահարվել են։«Մի մասը, ստանալով առաջին բուժօգնություն, վերադարձել են շարք։ Մեկին տեղափոխել ենք հիվանդանոց։ Վիճակը գնահատվում է բավարար, լավ»,- ասաց նա։Դավիթ Համբարյանը հայտնեց, որ փրկարարներն այս պահին փլատակների տակից դուրս են բերել երկու կանանց, որոնց վիճակը գնահատվում է բավարար։Ավելի վաղ հայտնել ենք, որ այսօր ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առևտրի կենտրոնում տեղի է ունեցել պայթյուն, որին հրդեհ է հաջորդել։ Նշվում է 57 տուժածների ու մեկ զոհի մասին։Տուժածներից 36-ի վիճակը մասնագետները միջին ծանրության են գնահատում։ 20 մարդ ստացել է առաջին օգնությունը ու դուրս գրվել բուժհաստատություններից:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«սուրմալու» առևտրի կենտրոն, փրկարար, պայթյուն
«սուրմալու» առևտրի կենտրոն, փրկարար, պայթյուն
«Սուրմալու»-ի փլատակների տակ պայթուցիկ նյութեր կան. փրկարարներից ոմանք ծխահարվել են
18:43 14.08.2022 (Թարմացված է: 20:30 14.08.2022) Փրկարարները փլատակների տակից դուրս են բերել երկու կանանց։ Նրանց վիճակը գնահատվում է բավարար։
ԵՐԵՎԱՆ, 14 օգոստոսի – Sputnik. «Սուրմալու» առևտրի կենտրոնում հրդեհի հետևանքով առաջացած իրավիճակն ամբողջությամբ վերահսկվում է հրշեջ-փրկարարական ուժերի կողմից։ Հրդեհը, սակայն, դեռ ամբողջությամբ չի տեղայնացվել։
Այս մասին
Sputnik Արմենիայի հետ զրույցում հայտնեց ՀՀ արտակարգ իրավիճակների նախարարի տեղակալ Դավիթ Համբարյանը։
«Հրդեհն ամբողջության լոկալիզացված չէ, քանի որ գործ ունենք այնպիսի նյութի հետ, որն իրենից վտանգ է ներկայացնում, ու դեռ մանր օջախներ կան տարածքում։ Դրանք պայթուցիկ նյութեր են, այսպես կոչված` պիրոտեխնիկա, սալյուտներ և այլն։ Հիմնականում դա է եղել պատճառը»,- ասաց փոխնախարարը` հավելելով, որ շենքի տարբեր հատվածներում, այդ թվում` փլատակների տակ դեռ կարող են պայթուցիկ նյութեր մնացած լինել։
Նման դեպքերում հրդեհն ամբողջությամբ մարելու համար, Համբարյանի խոսքով, որպես կանոն, երկար ժամանակ է պահանջվում։ Իրենց թիվ մեկ խնդիրը, սակայն, ըստ նրա, ոչ թե հրդեհը մարելն է, այլ որոնողափրկարարական աշխատանքները։
Տուժածների շարքում նաև փրկարարներ կան, որոնք հրդեհաշիջման աշխատանքների ընթացքում ծխահարվել են։
«Մի մասը, ստանալով առաջին բուժօգնություն, վերադարձել են շարք։ Մեկին տեղափոխել ենք հիվանդանոց։ Վիճակը գնահատվում է բավարար, լավ»,- ասաց նա։
Դավիթ Համբարյանը հայտնեց, որ փրկարարներն այս պահին փլատակների տակից դուրս են բերել երկու կանանց, որոնց վիճակը գնահատվում է բավարար։
Ավելի վաղ հայտնել ենք, որ այսօր ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առևտրի կենտրոնում տեղի է ունեցել պայթյուն, որին հրդեհ է հաջորդել։
Նշվում է 57 տուժածների ու մեկ զոհի մասին։
Տուժածներից 36-ի վիճակը մասնագետները միջին ծանրության են գնահատում։ 20 մարդ ստացել է առաջին օգնությունը ու դուրս գրվել բուժհաստատություններից:
