https://arm.sputniknews.ru/20220811/aghvan-hvovsepjani-pashtpannery-khndrum-en-artahert-nist-hravirel-u-pvokhel-khapanman-mijvocy-46524597.html
Աղվան Հովսեփյանի պաշտպանները խնդրել են դատական արտահերթ նիստ հրավիրել. նոր փաստաթղթեր կան
Աղվան Հովսեփյանի պաշտպանները խնդրել են դատական արտահերթ նիստ հրավիրել. նոր փաստաթղթեր կան
Sputnik Արմենիա
Նախկին գլխավոր դատախազի առողջական վիճակի վերաբերյալ նոր փաստաթղթեր են ներկայացվել դատարան։ 11.08.2022, Sputnik Արմենիա
2022-08-11T11:15+0400
2022-08-11T11:15+0400
2022-08-11T12:54+0400
հայաստան
աղվան հովսեփյան
դատարան
պաշտպան
https://cdn.am.sputniknews.ru/img/396/36/3963698_0:0:1600:901_1920x0_80_0_0_21ae9d5999b4b01e5f1a40317d0e0869.jpg
ԵՐԵՎԱՆ, 11 օգոստոսի – Sputnik. ՀՀ նախկին գլխավոր դատախազ, քննչական կոմիտեի նախկին նախագահ Աղվան Հովսեփյանի պաշտպանները խնդրում են, որ դատարանը կրկին քննարկի նրա խափանման միջոցի փոփոխման հարցը։Հրատապ դատական նիստ է նշանակվել այսօր` ժամը 16:30-ին։Ավելի վաղ պաշտպանները վերաքննիչ քրեական դատարանում բողոքարկել էին առաջին ատյանի դատարանի` Հովսեփյանի կալանքն անփոփոխ թողնելու որոշումը և խափանման միջոցը գրավով փոխարինելու միջնորդություն էին ներկայացրել։Սակայն վերաքննիչ քրեական դատարանի դատավոր Ռուբիկ Մխիթարյանն անփոփոխ էր թողել առաջին ատյանի դատարանի որոշումը։Նշենք, որ Հովսեփյանը տառապում է շաքարային դիաբետով, որն ընթանում է ծանր ձևով։Հիշեցնենք` Հատուկ քննչական ծառայությունը 2021-ի սեպտեմբերի 7-ին հայտնեց, որ Հովսեփյանը մեղադրվում է առանձնապես խոշոր չափերով` 190 մլն դրամ կաշառք ստանալու և խարդախության եղանակով 800 մլն դրամ գույքի հափշտակություն կատարելու մեջ: Նա մեղադրվում է նաև հանցավոր ճանապարհով ստացված 1 միլիարդ 299 միլիոն դրամի գույքը (փողերի լվացում) օրինականացնելու համար: Ավելի ուշ ՀՔԾ-ն Հովսեփյանին կալանավորելու միջնորդություն ներկայացրեց։Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով (ձեռնարկատիրական գործունեությանն ապօրինի մասնակցելը), 311-րդ հոդվածի 4-րդ մասի 2-րդ կետով (կաշառք ստանալը), 178-րդ հոդվածի 3-րդ մասի 1-ին կետով (խարդախությունը) և 190-րդ հոդվածի 3-րդ մասի 1-ին կետով (հանցավոր ճանապարհով ստացված եկամուտներն օրինականացնելը` փողերի լվացումը): Նա 2021թ-ի սեպտեմբերի 7-ին ձերբակալվել է, ապա կալանավորվել։Աղվան Հովսեփյանը ՔԿ նախագահ է եղել 2014-18 թվականներին, իսկ մինչ այդ 9 տարի` 2004-13 թվականներին, զբաղեցրել է ՀՀ գլխավոր դատախազի պաշտոնը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աղվան հովսեփյան, դատարան, պաշտպան
հայաստան, աղվան հովսեփյան, դատարան, պաշտպան
Աղվան Հովսեփյանի պաշտպանները խնդրել են դատական արտահերթ նիստ հրավիրել. նոր փաստաթղթեր կան
11:15 11.08.2022 (Թարմացված է: 12:54 11.08.2022) Նախկին գլխավոր դատախազի առողջական վիճակի վերաբերյալ նոր փաստաթղթեր են ներկայացվել դատարան։
ԵՐԵՎԱՆ, 11 օգոստոսի – Sputnik. ՀՀ նախկին գլխավոր դատախազ, քննչական կոմիտեի նախկին նախագահ Աղվան Հովսեփյանի պաշտպանները խնդրում են, որ դատարանը կրկին քննարկի նրա խափանման միջոցի փոփոխման հարցը։
«Քիչ առաջ Աղվան Հովսեփյանի գործով միջնորդություն ենք ներկայացրել դատարան, որով խնդրել ենք հրավիրել արտահերթ դատական նիստ և, վերջինիս առողջական վիճակով պայմանավորված, կրկին քննարկել խափանման միջոցի փոփոխման հարցը։ Հովսեփյանի առողջական վիճակի վերաբերյալ նոր փաստաթղթեր են ներկայացվել»,–
ֆեյսբուքյան իր էջում գրել է Հովսեփյանի պաշտպան Էրիկ Ալեքսանյանը։
Հրատապ դատական նիստ է նշանակվել այսօր` ժամը 16:30-ին։
Ավելի վաղ պաշտպանները վերաքննիչ քրեական դատարանում բողոքարկել էին առաջին ատյանի դատարանի` Հովսեփյանի կալանքն անփոփոխ թողնելու որոշումը և
խափանման միջոցը գրավով փոխարինելու միջնորդություն էին ներկայացրել։
Սակայն վերաքննիչ քրեական դատարանի դատավոր Ռուբիկ Մխիթարյանն
անփոփոխ էր թողել առաջին ատյանի դատարանի որոշումը։
Նշենք, որ Հովսեփյանը տառապում է շաքարային դիաբետով, որն ընթանում է ծանր ձևով։
Հիշեցնենք`
Հատուկ քննչական ծառայությունը 2021-ի սեպտեմբերի 7-ին հայտնեց, որ Հովսեփյանը մեղադրվում է առանձնապես խոշոր չափերով` 190 մլն դրամ կաշառք ստանալու և խարդախության եղանակով 800 մլն դրամ գույքի հափշտակություն կատարելու մեջ: Նա մեղադրվում է նաև հանցավոր ճանապարհով ստացված 1 միլիարդ 299 միլիոն դրամի գույքը (փողերի լվացում) օրինականացնելու համար: Ավելի ուշ ՀՔԾ-ն Հովսեփյանին կալանավորելու միջնորդություն ներկայացրեց։
Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով (ձեռնարկատիրական գործունեությանն ապօրինի մասնակցելը), 311-րդ հոդվածի 4-րդ մասի 2-րդ կետով (կաշառք ստանալը), 178-րդ հոդվածի 3-րդ մասի 1-ին կետով (խարդախությունը) և 190-րդ հոդվածի 3-րդ մասի 1-ին կետով (հանցավոր ճանապարհով ստացված եկամուտներն օրինականացնելը` փողերի լվացումը): Նա 2021թ-ի սեպտեմբերի 7-ին ձերբակալվել է, ապա կալանավորվել։
Աղվան Հովսեփյանը ՔԿ նախագահ է եղել 2014-18 թվականներին, իսկ մինչ այդ 9 տարի` 2004-13 թվականներին, զբաղեցրել է ՀՀ գլխավոր դատախազի պաշտոնը։
