https://arm.sputniknews.ru/20220808/sho-haj-shakhmatistnern-ajsor-uzhery-kchapen-adrbejancineri-het-46363358.html

ՇՕ. հայ շախմատիստներն այսօր ուժերը կչափեն ադրբեջանցիների հետ

ՇՕ. հայ շախմատիստներն այսօր ուժերը կչափեն ադրբեջանցիների հետ

Sputnik Արմենիա

Նախքան 10-րդ տուրը Հայաստանի տղամարդկանց հավաքականն ու Հնդկաստանի երկրորդ թիմը 15 միավորով կիսում են 2-3-րդ տեղերը: 08.08.2022, Sputnik Արմենիա

2022-08-08T12:51+0400

2022-08-08T12:51+0400

2022-08-08T17:41+0400

շախմատ

օլիմպիադա

հայաստան

https://cdn.am.sputniknews.ru/img/07e6/08/08/46362491_0:13:1024:589_1920x0_80_0_0_dde392f0a48e4b3586ad002980f01d44.jpg

ԵՐԵՎԱՆ, 8 օգոստոսի - Sputnik. Հնդկաստանի Չեննայ քաղաքում ավարտին է մոտենում Շախմատի համաշխարհային 44-րդ օլիմպիադան, հայտնում են ԿԳՄՍ նախարարությունից:Կայացած 9 տուրերից հետո Հայաստանի տղամարդկանց հավաքականը 15 միավորով կիսում է երկրորդ հորիզոնականը, իսկ կանանց ընտրանին 14 միավորով բաժանում է 5-9-րդ տեղերը։10-րդ տուրում Հայաստանի կանանց և տղամարդկանց հավաքականներն այսօր կմրցեն Ադրբեջանի հետ:Հիշեցնենք՝ Հայաստանի հավաքականը նախորդ՝ 9-րդ տուրում, կրել է առաջին պարտությունը՝ 1:3 հաշվով զիջելով Ուզբեկստանին:Հայաստանի հավաքականը նախորդ տուրերում հաղթել էր Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) և ոչ-ոքի էր խաղացել ԱՄՆ-ի հետ:9 տուրերից հետո մրցաշարային աղյուսակը 16 միավորով գլխավորում է Ուզբեկստանի ընտրանին, Հնդկաստանի երկրորդ թիմն ու Հայաստանի հավաքականը 15 միավորով կիսում են 2-3-րդ տեղերը:Կանանց հավաքականի կազմում Էլինա Դանիելյանը կմրցի Գյունայ Մամեձադեի, Լիլիթ Մկրտչյանը՝ Խանիմ Բալաջաևի, Աննա Սարգսյանը՝ Գովհար Բեյդուլաևայի, Սուսաննա Գաբոյանը՝ Գյուլնար Մամեդովայի հետ:Նախորդ՝ 9-րդ տուրում, կանայք մրցել են ռումինացիների հետ և 3:1 հաշվով հաղթանակ տարել։Ադրբեջանցիների տղամարդկանց ու կանանց հավաքականներն ունեն 14-ական միավոր։10-րդ տուրի պարտիաները կմեկնարկեն ժամը 13:30-ից: Օլիմպիադայում կկայանա 11 տուր, այն կավարտվի օգոստոսի 10-ին։

2022

Լուրեր

am_HY

շախմատ, օլիմպիադա, հայաստան