https://arm.sputniknews.ru/20220718/gshum-kashkhatenq-kvolegial-skzbunqnervov-pashinjany-nerkajacrel-e-nvor-petin-45405733.html

ԳՇ–ում կաշխատենք կոլեգիալ սկզբունքներով. Փաշինյանը ներկայացրել է նոր պետին

ԳՇ–ում կաշխատենք կոլեգիալ սկզբունքներով. Փաշինյանը ներկայացրել է նոր պետին

Sputnik Արմենիա

Նիկոլ Փաշինյանի կարծիքով` ճիշտ որոշում էր ԳՇ պետին նաև պաշտպանության նախարարի առաջին տեղակալ նշանակելը։ 18.07.2022, Sputnik Արմենիա

2022-07-18T17:00+0400

2022-07-18T17:00+0400

2022-07-18T17:07+0400

տեսանյութեր

տեսանյութ

նիկոլ փաշինյան

էդվարդ ասրյան

զինված ուժեր

հհ զու գլխավոր շտաբ

https://cdn.am.sputniknews.ru/img/07e6/07/12/45405707_0:0:1280:720_1920x0_80_0_0_b83e3f99095dc3c5b76d4ad6535b95ca.jpg

ԵՐԵՎԱՆ, 18 հուլիսի – Sputnik. ՀՀ վարչապետ Նիկոլ Փաշինյանը ԶՈւ բարձրագույն սպայակազմին է ներկայացրել ԶՈւ գլխավոր շտաբի նորանշանակ պետ, պաշտպանության նախարարի առաջին տեղակալ Էդվարդ Ասրյանին։ Տեղեկությունը հայտնում է ՀՀ վարչապետի մամուլի ծառայությունը։ Վարչապետը շնորհակալություն է հայտնել գեներալ–լեյտենանտ Կամո Քոչունցին` վերջին 6 ամիսների ընթացքում ԳՇ պետի պարտականությունները կատարելու համար, իսկ Ասրյանին հաջողություն մաղթել։«Գիտեք, որ որոշակի օրենսդրական փոփոխություններ են տեղի ունեցել և ԳՇ–ի պետը նաև պաշտպանության նախարարի առաջին տեղակալ է` դրանից բխող բոլոր հետևանքներով։ Նման որոշում ենք կայացրել` վերլուծելով վերջին տարիներին տեղի ունեցած մի շարք իրադարձություններ, այդ թվում` ՊՆ-ԳՇ աշխատանքային գործակցության հարցերը։ Կարծում եմ` ճիշտ որոշում է կայացված։ Ուզում եմ հույս հայտնել, որ որոշման կատարման արդյունքում աշխատանքի արդյունավետությունը ԶՈւ–ի և բանակի բարեփոխումների ոլորտում ավելի արդյունավետ կլինի»,–ասել է Փաշինյանը։Ի պատասխան Ասրյանն ասել է, որ ԶՈւ-ի գերակա խնդիրն է պետության ռազմական անվտանգությունը, ուստի ԳՇ–ում կաշխատեն կոլեգիալ սկզբունքներով։Ասրյանն ասել է, որ պարտավորվում է կատարել իր առջև դրված բոլոր խնդիրները։Նշենք, որ ՀՀ պաշտպանության նախարար Սուրեն Պապիկյանը նույնպես մասնակցել է իրադարձությանը։Հավելենք, որ հուլիսի 14-ին ՀՀ նախագահ Վահագն Խաչատուրյանի հրամանագրով ԶՈւ գլխավոր շտաբի պետ է նշանակվել Էդվարդ Ասրյանը։ Ասրյանը մինչ այդ զբաղեցնում էր ՀՀ ԶՈւ ԳՇ օպերատիվ գլխավոր վարչության պետի-ԶՈւ ԳՇ պետի տեղակալի պաշտոնը (նշանակվել էր 2021թ. մայիսի 21-ին)։Հիշեցնենք, որ 2022թ-ի փետրվարի 24-ից ՀՀ ԶՈւ ԳՇ պետի պաշտոնը թափուր էր։ Այդ օրը Արտակ Դավթյանը երկրորդ անգամ ազատվեց ԳՇ պետի պաշտոնից։ Նա այդ պաշտոնում նշանակվել էր 2021-ի մարտի 22-ին՝ փոխարինելով Օնիկ Գասպարյանին։ Իսկ մինչ այդ Դավթյանը ԳՇ պետի պաշտոնը զբաղեցրել էր նաև 2018-ի մայիսից մինչև 2020-ի հունիսն ընկած ժամանակահատվածում։Փետրվարի 28-ից ԳՇ պետի պարտականությունները կատարում էր ԳՇ պետի առաջին տեղակալ, գեներալ-լեյտենանտ Կամո Քոչունցը։Նշենք, որ ԱԺ-ն հուլիսի 7-ին ամբողջությամբ ընդունեց «Պաշտպանության մասին» ՀՀ օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը, որով ՀՀ զինված ուժերի գլխավոր շտաբի պետն ի պաշտոնե կլինի պաշտպանության նախարարի առաջին տեղակալը:

2022

Լուրեր

am_HY

տեսանյութեր, տեսանյութ, նիկոլ փաշինյան, էդվարդ ասրյան, զինված ուժեր, հհ զու գլխավոր շտաբ