https://arm.sputniknews.ru/20220714/herteri-pattshary-nujnakanacman-qarteri-partadir-pajmani-orensdrakan-popokhutjunn-e-45159730.html
Հերթերի պատճառը նույնականացման քարտերի պարտադիր պայմանի օրենսդրական փոփոխությունն է
Հերթերի պատճառը նույնականացման քարտերի պարտադիր պայմանի օրենսդրական փոփոխությունն է
Sputnik Արմենիա
ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը Sputnik Արմենիայի եթերում անդրադարձել է անձնագրային բաժանմունքներում վերջին... 14.07.2022, Sputnik Արմենիա
2022-07-14T08:55+0400
2022-07-14T08:55+0400
2022-07-14T12:02+0400
անձնագիր
հերթեր
երևան
հայաստան
մնացական բիչախչյան
հհ ոստիկանություն
ռադիո
պոդկաստ
https://cdn.am.sputniknews.ru/img/07e6/07/0d/45158872_0:168:1600:1068_1920x0_80_0_0_1a7ec9b9487dbe92d8b6df5271d2ff57.jpg
Հերթերի պատճառը նույնականացման քարտերի պարտադիր պայմանի օրենսդրական փոփոխությունն է
Sputnik Արմենիա
Հերթերի պատճառը նույնականացման քարտերի պարտադիր պայմանի օրենսդրական փոփոխությունն է
Հաշվի առնելով ամռան ամիսներին անձնագրային բաժանմունքներում գոյացող աննախադեպ հերթերը` կարելի է մինչև կենսաչափական համակարգին ամբողջությամբ անցնելը կատարել օրենսդրական փոփոխություն` ուժի մեջ թողնելով նախկին կարգավորումները, բացի դրանից, չարժե անձնագրի տրամադրումը պայմանավորել նույնականացման քարտ ստանալով, ինչն անպայման կնվազեցնի հերթերը, Sputnik Արմենիայի հետ զրույցում ասաց ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը։Նրա համոզմամբ` կարելի է անձնագրից ընդհանրապես հանել օտարերկրյա պետության վավերականության նշումը` պատվիրելով նոր բլանկներ, որոնցում չի լինի գրառում վերոհիշյալ դաշտի վերաբերյալ, որովհետև հերթերում կանգնած քաղաքացիների հիմնական մասը դիմում է անձնագրում վավերականության նշում կատարելու համար։Մամուլում շրջանառվող տեղեկատվության համաձայն` վերջին օրերին անձնագրային բաժանմունքներում գրանցվել են աննախադեպ կուտակումներ։ Անձնագրային բաժանմունքների ոչ բոլոր պատուհաններն են սպասարկում, իսկ առցանց հերթագրման հավելվածը գործում է խաթարումներով։ Առավել մեծ հերթեր գոյացել են մայրաքաղաքի Ավանի, Նոր Նորքի, Շենգավիթի և Կենտրոնական անձնագրային բաժանմունքներում։Նրա խոսքով` այս տարի նշված հանգամանքներին ավելացել է աննախադեպ միգրացիոն հոսքը Ռուսաստանից և Ուկրաինայից դեպի Հայաստան, ինչը պայմանմավորված է ռուս-ուկրաինական հակամարտությամբ։ Ոստիկանության անձնագրային բաժանմունքներն աշխատում են գերծանրաբեռնվածությամբ։ Եթե նախկինում քաղաքացիություն ստացած անձանց քանակը տարվա կտրվածքով կազմում էր մոտ 12 հազար, ապա միայն վերջին երեք ամիսներին այդ ցուցանիշը կազմել է մոտ 10 հազար։«Անձնագրային բաժանմունքների աշխատանքը ծանրաբեռնվել է նաև նույնականացման քարտերի պարտադիր պայմանի օրենսդրական փոփոխության պատճառով, ըստ որի` եթե անձը չունի նույնականացման քարտ, ապա նրան հին նմուշի անձնագիրը տրամադրվում է երկամյա վավերականության ժամկետով։ Երբ անձը մոտենում է անձնագիր ստանալու, նրան առաջարկում են կամ հին նմուշի անձնագիր կամ տասը տարվա վավերականությամբ անձնագիր նույնականացման քարտով, ուստի երկար ժամանակով երկրից բացակայող կամ ճամփորդող անձանց ձեռնտու է ստանալ տասը տարվա վավերականությամբ անձնագիր»,- ասաց Բիչախչյանը։ Անձնագրային և վիզաների վարչության «Զվարթնոցի» բաժինն աշխատում է շուրջօրյա. ոստիկանությունՆրա տեղեկացմամբ` անձնագիր ստանալու համար գործում է սովորաբար 5-6 պատուհան, մինչդեռ նույնականացման քարտերի լուսանկարող սարքավորումը մեկ պատուհանով է, հետևաբար, շատ մարդիկ դիմում են այդտեղ, իսկ երբ գործողությունները ձգձգվում են, առաջանում են բարդություններ, քաղաքացիները ստիպված սպասում են և հավելյալ պատուհանի բացակայության պատճառով երկար ժամանակ մնում անձնագրային բաժանմունքում։Նշենք, որ ՀՀ ոստիկանությունը նույնպես անդրադարձել է խնդրին` հրապարակելով պարզաբանում, ըստ որի` հերթերի հանգամանքը հիմնավորվում է սեզոնային առանձնահատկություններով։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անձնագիր, հերթեր, երևան, հայաստան, մնացական բիչախչյան, հհ ոստիկանություն, аудио, պոդկաստ
անձնագիր, հերթեր, երևան, հայաստան, մնացական բիչախչյան, հհ ոստիկանություն, аудио, պոդկաստ
Հերթերի պատճառը նույնականացման քարտերի պարտադիր պայմանի օրենսդրական փոփոխությունն է
08:55 14.07.2022 (Թարմացված է: 12:02 14.07.2022) ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը Sputnik Արմենիայի եթերում անդրադարձել է անձնագրային բաժանմունքներում վերջին օրերի աննախադեպ կուտակումների խնդրին։
Հաշվի առնելով ամռան ամիսներին անձնագրային բաժանմունքներում գոյացող աննախադեպ հերթերը` կարելի է մինչև կենսաչափական համակարգին ամբողջությամբ անցնելը կատարել օրենսդրական փոփոխություն` ուժի մեջ թողնելով նախկին կարգավորումները, բացի դրանից, չարժե անձնագրի տրամադրումը պայմանավորել նույնականացման քարտ ստանալով, ինչն անպայման կնվազեցնի հերթերը,
Sputnik Արմենիայի հետ զրույցում ասաց ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը։
Նրա համոզմամբ` կարելի է անձնագրից ընդհանրապես հանել օտարերկրյա պետության վավերականության նշումը` պատվիրելով նոր բլանկներ, որոնցում չի լինի գրառում վերոհիշյալ դաշտի վերաբերյալ, որովհետև հերթերում կանգնած քաղաքացիների հիմնական մասը դիմում է անձնագրում վավերականության նշում կատարելու համար։
Մամուլում շրջանառվող տեղեկատվության համաձայն` վերջին օրերին անձնագրային բաժանմունքներում գրանցվել են աննախադեպ կուտակումներ։ Անձնագրային բաժանմունքների ոչ բոլոր պատուհաններն են սպասարկում, իսկ առցանց հերթագրման հավելվածը գործում է խաթարումներով։ Առավել մեծ հերթեր գոյացել են մայրաքաղաքի Ավանի, Նոր Նորքի, Շենգավիթի և Կենտրոնական անձնագրային բաժանմունքներում։
«Անձնագրային հերթերը միշտ եղել են և պայմանավորված են հիմնականում քաղաքացիների ամռան հանգստի հետ, երբ նրանք նախապես պլանավորում են իրենց ուղևորությունները։ Այդ ընթացքում առաջանում է նոր անձնագիր ստանալու կամ անձնագրում օտարերկրյա պետության վավերականության նշում կատարելու անհրաժեշտություն։ Ավելորդ գործողությունների համար անձնագրում նորից կրկնակի վավերականության նշում ամրագրելն այլևս արդիական չէ, առավել ևս, որ միջազգային փորձի համաձայն` վերոհիշյալ նշումն արտասահմանյան շատ երկրներում չի կիրառվում»,- հայտնեց Բիչախչյանը։
Նրա խոսքով` այս տարի նշված հանգամանքներին ավելացել է աննախադեպ միգրացիոն հոսքը Ռուսաստանից և Ուկրաինայից դեպի Հայաստան, ինչը պայմանմավորված է ռուս-ուկրաինական հակամարտությամբ։ Ոստիկանության անձնագրային բաժանմունքներն աշխատում են գերծանրաբեռնվածությամբ։ Եթե նախկինում քաղաքացիություն ստացած անձանց քանակը տարվա կտրվածքով կազմում էր մոտ 12 հազար, ապա միայն վերջին երեք ամիսներին այդ ցուցանիշը կազմել է մոտ 10 հազար։
«Անձնագրային բաժանմունքների աշխատանքը ծանրաբեռնվել է նաև նույնականացման քարտերի պարտադիր պայմանի օրենսդրական փոփոխության պատճառով, ըստ որի` եթե անձը չունի նույնականացման քարտ, ապա նրան հին նմուշի անձնագիրը տրամադրվում է երկամյա վավերականության ժամկետով։ Երբ անձը մոտենում է անձնագիր ստանալու, նրան առաջարկում են կամ հին նմուշի անձնագիր կամ տասը տարվա վավերականությամբ անձնագիր նույնականացման քարտով, ուստի երկար ժամանակով երկրից բացակայող կամ ճամփորդող անձանց ձեռնտու է ստանալ տասը տարվա վավերականությամբ անձնագիր»,- ասաց Բիչախչյանը։
Նրա տեղեկացմամբ` անձնագիր ստանալու համար գործում է սովորաբար 5-6 պատուհան, մինչդեռ նույնականացման քարտերի լուսանկարող սարքավորումը մեկ պատուհանով է, հետևաբար, շատ մարդիկ դիմում են այդտեղ, իսկ երբ գործողությունները ձգձգվում են, առաջանում են բարդություններ, քաղաքացիները ստիպված սպասում են և հավելյալ պատուհանի բացակայության պատճառով երկար ժամանակ մնում անձնագրային բաժանմունքում։
Նշենք, որ ՀՀ ոստիկանությունը նույնպես անդրադարձել է խնդրին`
հրապարակելով պարզաբանում, ըստ որի` հերթերի հանգամանքը հիմնավորվում է սեզոնային առանձնահատկություններով։
