https://arm.sputniknews.ru/20220714/hajastani-tshanaparhnerin-ksherqner-kteghadrven-gerbernvats-avtvomeqenanery-pchacnum-en-asfalty-45194426.html
Հայաստանի ճանապարհներին կշեռքներ կտեղադրվեն. գերբեռնված ավտոմեքենաները փչացնում են ասֆալտը
Հայաստանի ճանապարհներին կշեռքներ կտեղադրվեն. գերբեռնված ավտոմեքենաները փչացնում են ասֆալտը
Sputnik Արմենիա
2022թ-ին գերբեռնված երթևեկության 60 իրավախախտման դեպք է արձանագրվել` ընդհանուր 13.6 մլն դրամի չափով։ 14.07.2022, Sputnik Արմենիա
2022-07-14T11:37+0400
2022-07-14T11:37+0400
2022-07-14T11:50+0400
հայաստան
ճանապարհ
բեռնատար
նիկոլ փաշինյան
կշեռք
https://cdn.am.sputniknews.ru/img/07e4/08/0a/24064168_0:38:1600:938_1920x0_80_0_0_ca6c82d9344898df9f84de5533615432.jpg
ԵՐԵՎԱՆ, 14 հուլիսի – Sputnik. Հայաստանում մեծ թափով իրականացվող ճանապարհաշինական ծրագրերին զուգահեռ ճանապարհների որակական խնդիրները չեն լուծվել։ Այս մասին այսօր կառավարության նիստում ճանապարհաշինական հերթական ծրագրի քննարկմանն ասաց ՀՀ վարչապետ Նիկոլ Փաշինյանը։Ճանապարհների որակի վրա, նրա խոսքով, շատ հաճախ ազդում են նաև սահմանվածից ավելի քաշով բեռնված բեռնատարների երթևեկությունը։ Ըստ Փաշինյանի` խնդիրն առավել ակնհայտ է հանքարդյունաբերական օբյեկտների հետ կապող ճանապարհներին, որտեղ բեռնատարները հիմնականում գերբեռնված են լինում։«Մեր քաղաքական որոշումն այն է, որ պետք է պարտադիր ճանապարհային կշեռքների համակարգ ունենանք»,- ասաց նա։Ասում են` ասֆալտի «ատկատի» գործ ենք անում. Փաշինյանը հանձնարարեց հետևել հրապարակումներինԿառավարությանն առընթեր տեսչական մարմինների աշխատանքների համակարգման գրասենյակի տնօրեն Արթուր Ասոյանը հայտնեց, որ նախնական շրջանում Հայաստանում ընդամենը 2 շարժական կշեռք է եղել, որոնք պարբերաբար տեղից տեղ էին տեղափոխում` ճանապահների վրա հսկողություն իրականացնելու նպատակով։Ասոյանը հայտնեց, որ կշեռքների շահագործման ընթացքում տեխնիկական խնդիրներ են առաջացել։ Բանն այն է, որ դրանք ծանր բեռնատարների արագ արգելակման հետևանքով շարքից դուրս են գալիս։Դրանից հետո կառավարության հատկացրած միջոցներով ձեռք են բերվել ևս 3 կշեռքներ։Ստատիկ կշեռքները, նրա խոսքով, առաջիկայում կտեղակայվեն Սիսիանի ու Աշտարակի հատվածներում։ Թեև չի բացառվում, որ որոշումը փոխվի։Ասոյանը հայտնեց, որ միայն 2022թ-ին 60 իրավախախտման դեպք է արձանագրվել` ընդհանուր 13.6 մլն դրամի չափով։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ճանապարհ, բեռնատար, նիկոլ փաշինյան, կշեռք
հայաստան, ճանապարհ, բեռնատար, նիկոլ փաշինյան, կշեռք
Հայաստանի ճանապարհներին կշեռքներ կտեղադրվեն. գերբեռնված ավտոմեքենաները փչացնում են ասֆալտը
11:37 14.07.2022 (Թարմացված է: 11:50 14.07.2022) 2022թ-ին գերբեռնված երթևեկության 60 իրավախախտման դեպք է արձանագրվել` ընդհանուր 13.6 մլն դրամի չափով։
ԵՐԵՎԱՆ, 14 հուլիսի – Sputnik. Հայաստանում մեծ թափով իրականացվող ճանապարհաշինական ծրագրերին զուգահեռ ճանապարհների որակական խնդիրները չեն լուծվել։ Այս մասին այսօր կառավարության նիստում ճանապարհաշինական հերթական ծրագրի քննարկմանն ասաց ՀՀ վարչապետ Նիկոլ Փաշինյանը։
«Անընդհատ, ժամանակ առ ժամանակ որակի հետ կապված պրոբլեմներ են ի հայտ գալիս։ Իհարկե, որոշ դեպքերում լինում են լրացուցիչ գործոններ, որոնք նպաստում են։ Բայց մեր ուշադրության կենտրոնում պետք է լինի աշխատանքի որակական հատվածը»,- ասաց Փաշինյանը։
Ճանապարհների որակի վրա, նրա խոսքով, շատ հաճախ ազդում են նաև սահմանվածից ավելի քաշով բեռնված բեռնատարների երթևեկությունը։ Ըստ Փաշինյանի` խնդիրն առավել ակնհայտ է հանքարդյունաբերական օբյեկտների հետ կապող ճանապարհներին, որտեղ բեռնատարները հիմնականում գերբեռնված են լինում։
«Մեր քաղաքական որոշումն այն է, որ պետք է պարտադիր ճանապարհային կշեռքների համակարգ ունենանք»,- ասաց նա։
Կառավարությանն առընթեր տեսչական մարմինների աշխատանքների համակարգման գրասենյակի տնօրեն Արթուր Ասոյանը հայտնեց, որ նախնական շրջանում Հայաստանում ընդամենը 2 շարժական կշեռք է եղել, որոնք պարբերաբար տեղից տեղ էին տեղափոխում` ճանապահների վրա հսկողություն իրականացնելու նպատակով։
Ասոյանը հայտնեց, որ կշեռքների շահագործման ընթացքում տեխնիկական խնդիրներ են առաջացել։ Բանն այն է, որ դրանք ծանր բեռնատարների արագ արգելակման հետևանքով շարքից դուրս են գալիս։
Դրանից հետո կառավարության հատկացրած միջոցներով ձեռք են բերվել ևս 3 կշեռքներ։
«Այս պահին արդեն ձեռք է բերվել ևս 2 ստատիկ և 1 շարժական կշեռք։ Շարժական կշեռքը արդեն շահագործման մեջ է։ Հստակ տեղը չնշեմ, բայց Արմավիրի մարզում է։ Մենք պարբերաբար փոխում ենք տեղերը` հաշվի առնելով այն հանգամանքը, որ, երբ վարորդները տեղեկանում են դրանց մասին, անմիջապես շրջանցիկ ճանապարհներով են երթևեկում»,- ասաց Ասոյանը։
Ստատիկ կշեռքները, նրա խոսքով, առաջիկայում կտեղակայվեն Սիսիանի ու Աշտարակի հատվածներում։ Թեև չի բացառվում, որ որոշումը փոխվի։
Ասոյանը հայտնեց, որ միայն 2022թ-ին 60 իրավախախտման դեպք է արձանագրվել` ընդհանուր 13.6 մլն դրամի չափով։
