https://arm.sputniknews.ru/20220708/chalabjani-kalanqy-erkaracnelu-veraberjal-datakan-nisty-hetadzgvec-44962403.html
«Վարույթն իրականացնող մարմինը պատշաճ չէր ներկայացել». Չալաբյանի գործով նիստը հետաձգվեց
«Վարույթն իրականացնող մարմինը պատշաճ չէր ներկայացել». Չալաբյանի գործով նիստը հետաձգվեց
Sputnik Արմենիա
Հուլիսի 1–ից ուժի մեջ է մտել նոր Քրեական օրենսգիրքը, ըստ նոր կարգավորումների՝ Ավետիք Չալաբյանի մեղադրանքը գոյություն չունի։ 08.07.2022, Sputnik Արմենիա
2022-07-08T21:39+0400
2022-07-08T21:39+0400
2022-07-08T21:46+0400
ավետիք չալաբյան
կալանք
քրեական գործ
փաստաբան
դատարան
https://cdn.am.sputniknews.ru/img/07e6/06/18/44113352_0:26:1600:926_1920x0_80_0_0_da30dfe00de9072124d2e465c2c9221b.jpg
ԵՐԵՎԱՆ, 8 հուլիսի – Sputnik. Երևանի ընդհանուր իրավասության դատարանը հետաձգեց «Համախմբում» շարժման անդամ, հասարակական-քաղաքական գործիչ Ավետիք Չալաբյանի կալանքը երկարացնելու հարցի վերաբերյալ դատական նիստը։ Այս մասին լրագրողների հետ ճեպազրույցում ասաց փաստաբան Արթուր Հարությունյանը։Նրա խոսքով` վարույթն իրականացնող մարմինը միջնորդել է դատական նիստը նախ 1, ապա 2 ժամով հետաձգելու մասին, ինչին իրենք առարկել են։ Սակայն դատարանը, լսելով կողմերի կարծիքը, որոշել է նիստը հետաձգել։Դատական հաջորդ նիստը տեղի կունենա վաղը՝ հուլիսի 9–ին, ժամը 12։00–ին։Չալաբյանի անմեղությունը հավաստող բազմաթիվ փաստական տվյալներ կան. փաստաբաններԱնդրադառնալով հարցին, թե դատախազը չի հաստատել Ավետիք Չալաբյանի մեղադրական եզրակացությունը և վարույթի նյութերը վերադարձրել է նախաքննության մարմնին՝ նախաքննությունը շարունակելու ցուցումով, փաստաբանն ասաց` նախաքննության ավարտ հայտարարելով՝ վարույթն իրականացնող մարմինը շտապողական որոշում էր կայացրել։Հիշեցնենք, որ Չալաբյանի կալանքը երկարացնելու համար հապճեպ միջնորդություն էր ներկայացվել դատարան։ Դատավարական ղեկավարում իրականացնող դատախազը չէր հաստատել գործի մեղադրական եզրակացությունը և վարույթի նյութերը վերադարձրել էր նախաքննության մարմին` նախաքննությունը շարունակելու ցուցումով։Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։Մայիսի 14-ին նա 2 ամսով կալանավորվեց։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ավետիք չալաբյան, կալանք, քրեական գործ, փաստաբան, դատարան
ավետիք չալաբյան, կալանք, քրեական գործ, փաստաբան, դատարան
«Վարույթն իրականացնող մարմինը պատշաճ չէր ներկայացել». Չալաբյանի գործով նիստը հետաձգվեց
21:39 08.07.2022 (Թարմացված է: 21:46 08.07.2022) Հուլիսի 1–ից ուժի մեջ է մտել նոր Քրեական օրենսգիրքը, ըստ նոր կարգավորումների՝ Ավետիք Չալաբյանի մեղադրանքը գոյություն չունի։
ԵՐԵՎԱՆ, 8 հուլիսի – Sputnik. Երևանի ընդհանուր իրավասության դատարանը հետաձգեց «Համախմբում» շարժման անդամ, հասարակական-քաղաքական գործիչ Ավետիք Չալաբյանի կալանքը երկարացնելու հարցի վերաբերյալ դատական նիստը։ Այս մասին լրագրողների հետ ճեպազրույցում ասաց փաստաբան Արթուր Հարությունյանը։
«Վարույթն իրականացնող մարմինը պատշաճ չէր ներկայացել նիստին (այն դռնփակ էր անցնում,– խմբ.)։ Հուլիսի 1–ից ուժի մեջ է մտել նոր Քրեական օրենսգիրքը, և ըստ նոր կարգավորումների՝ Ավետիք Չալաբյանի մեղադրանքը գոյություն չունի։ Վարույթն իրականացնող մարմինը կալանքի ժամկետը 1 ամսով երկարացնելու համար դատարան միջնորդություն ներկայացնելով` խախտել է քրեադատավարական բոլոր ընթացակարգերը։ Այս խայտառակ վիճակը չվրիպեց ո՛չ մեր, ո՛չ դատարանի աչքից, ինչի մասին բարձրաձայնվեց»,– ասաց Հարությունյանը։
Նրա խոսքով` վարույթն իրականացնող մարմինը միջնորդել է դատական նիստը նախ 1, ապա 2 ժամով հետաձգելու մասին, ինչին իրենք առարկել են։ Սակայն դատարանը, լսելով կողմերի կարծիքը, որոշել է նիստը հետաձգել։
Դատական հաջորդ նիստը տեղի կունենա վաղը՝ հուլիսի 9–ին, ժամը 12։00–ին։
Անդրադառնալով հարցին, թե դատախազը չի հաստատել Ավետիք Չալաբյանի մեղադրական եզրակացությունը և վարույթի նյութերը վերադարձրել է նախաքննության մարմնին՝ նախաքննությունը շարունակելու ցուցումով, փաստաբանն ասաց` նախաքննության ավարտ հայտարարելով՝ վարույթն իրականացնող մարմինը շտապողական որոշում էր կայացրել։
«Վարույթն իրականացնող մարմինը ցանկանում էր մինչև հուլիսի 1–ը, այսինքն՝ նոր Քրեական օրենսգրքի ուժի մեջ մտնելը, լուծել այս գործի հարցը։ Դատախազն այս իրավիճակում չէր կարող մեղադրական եզրակացությունը հաստատել և ուղարկել դատարան։ Նախաքննությունը շարունակելու հիմքերից մեկն այն էր, որ ընդամենը մեկ վկայի հարցաքննություն պետք է իրականացվի»,– նշեց Հարությունյանը։
Հիշեցնենք, որ Չալաբյանի կալանքը երկարացնելու համար հապճեպ միջնորդություն էր ներկայացվել դատարան։ Դատավարական ղեկավարում իրականացնող դատախազը չէր հաստատել գործի մեղադրական եզրակացությունը և վարույթի նյութերը վերադարձրել էր նախաքննության մարմին` նախաքննությունը շարունակելու ցուցումով։
Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։
Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։
