https://arm.sputniknews.ru/20220617/voske-tsiran-kinvoparatvony-kbacvi-u-kpakvi-hajkakan-filmervov-ajd-tvum-paterazmi-masin-43715028.html
«Ոսկե ծիրան» կինոփառատոնը կբացվի ու կփակվի հայկական ֆիլմերով, այդ թվում՝ պատերազմի մասին
«Ոսկե ծիրան» կինոփառատոնը կբացվի ու կփակվի հայկական ֆիլմերով, այդ թվում՝ պատերազմի մասին
Sputnik Արմենիա
Կինոփառատոնն այս տարի կրկին առանձնանում է լավ ֆիլմերով, բարձրակարգ ռեժիսորներով ու պրոդյուսերներով։ 17.06.2022, Sputnik Արմենիա
2022-06-17T16:37+0400
2022-06-17T16:37+0400
2022-06-17T17:48+0400
«ոսկե ծիրան» կինոփառատոն
կարեն ավետիսյան
երևան
ֆիլմ
https://cdn.am.sputniknews.ru/img/07e6/06/11/43699447_0:0:1600:901_1920x0_80_0_0_643dcbb758c2847046fe4cd052f6de34.jpg
ԵՐԵՎԱՆ, 17 հունիսի – Sputnik. «Ոսկե ծիրան» կինոփառատոնն այս տարի կբացվի ու կփակվի հայկական ֆիլմերով։ Փառատոնի վերջում կցուցադրվի Արցախյան պատերազմի մասին ֆիլմաշար՝ նկարված հետպատերազմյան շրջանում, ու ոչ միայն հայ ռեժիսորների կողմից։ Այս մասին այսօր Երևանի «Ոսկե ծիրան» միջազգային 19-րդ կինոփառատոնին ընդառաջ հրավիրված առաջին ասուլիսում հայտնեց փառատոնի գեղարվեստական տնօրեն Կարեն Ավետիսյանը։«Հայկական կինոյի ներկայությունը փառատոնում շատ ընգծված է, մենք փորձում ենք այն բերել մրցութային դաշտ, որտեղ արդեն անկախ միջազգային ժյուրին կգնահատի՝ որքանով են դրանք մրցունակ։ Ամեն դեպքում, մենք մեր գործառույթներից մեկն ենք համարում ջանք գործադրել, որ մրցույթի կոնտեքստում հայտնվի հայկական կինոն»,- ասաց Կարեն Ավետիսյանը։ՀՀ ԿԳՄՍՆ տեղակալ Արա Խզմալյանը հատուկ ընգծեց, որ փառատոնին հայկական կինոյի ներգրավվածությունը որակապես այլ հարթության վրա է, ինչը շատ կարևոր ձեռքբերում է։ Ավետիսյանն էլ հավելեց՝ շատ երկար ժամանակ է, ինչ կինոն զարգանում է համարտադրության սկզբունքով, և Հայաստանը փորձում է տարեցտարի ներթափանցել այդ ոլորտ։Փառատոնի հիմնադիր նախագահ Հարություն Խաչատրյանը նշեց, որ այս տարի փառատոնը առանձնանում է իր հյուրերով։«Այսպիսի փառատոն վաղուց չէինք ունեցել, այսքան լավ ֆիլմեր, այսպիսի բարձրակարգ ռեժիսորներ ու պրոդյուսերներ, և այսպիսի մեծ ու լուրջ ծրագիր։ Փառատոնի սկիզբը դրված է, շարունակությունը կլինի տարվա վերջին»,- ասաց Հարություն Խաչատրյանը։Ասուլիսի ընթացքում կազմակերպչական թիմը ներկայացրեց փառատոնային ժյուրիի կազմը, բացման և փակման ֆիլմերը, պատվավոր հյուրերին, ինչպես նաև այլ մանրամասներ։ Կինոփառատոնը պատերազմից ու համավարակային սահմանափակումներից հետո առաջին անգամ ներկայացուցչական, միջազգային հյուրերի այցելության և կարգավիճակային հյուրերի ներկայության տեսակետից նորից փորձելու է լիարժեք ներկայանալ։Կարեն Ավետիսյանի բնորոշմամբ՝ «Ոսկե ծիրանը» ավելին է, քան անհատները, այսինքն, այն վաղուց արդեն չի պատկանում որևէ ինստիտուտի կամ ինչ-որ անձանց, անկախությունից ի վեր եզակի մշակութային իրադարձություններից մեկն է, որը պետք է անսակարկելի մշակութային արժեք ու ձեռքբերում մնա Հայաստանի համար։Այս տարի փառատոնը հյուրընկալելու է «Լոկառնոյի», «Սան Սեբաստիանի» նման կինոփառատոնների գլխավոր մրցանակակիրների, «Ոսկե Արմավենու ճյուղի» դափնեկրի ու օսակարակիր հյուրերի։Ասուլիսի ընթացքում բանախոսները թվեցին մի քանի այդպիսի նշանավոր անուններ։ Նախ՝ միջազգային մրցույթի ժյուրիի նախագահն է իռլանդացի օսկարակիր սցենարիստ, ռեժիսոր Թերի Ջորջը։ Փառատոնի ընթացքում լինելու է նրա խաղարկային ֆիլմերի ցուցադրությունը։ Ավետիսյանը նշեց, որ Թերի Ջորջն իր ֆիլմոգրաֆիայում անդրադարձել է շատ կարևոր օրակարգի՝ կոնֆլիկտների ու ցեղասպանությունների, որոնց թվում է նաև Հայոց ցեղասպանությունը։Փառատոնի մեկ այլ կարևոր հյուր է հռչակավոր պրոդյուսեր Ֆիլիպ Բոբերը, որի ավանդը համաշխարհային կինոյում այնքան մեծ է, որ «Ոսկե ծիրանի» ընթացքում սովորաբար ռեժիսորներին տրվող «Փարաջանովյան թալեր» մրցանակն այս տարի նախատեսվում է տալ նաև Բոբերին։ Փառատոնին ներկա կլինի նաև DAU բազմապլատֆորմ մարդաբանական կինոնախագծի հեղինակ Իլյա Խրժանովսկին, որի կինոնախագիծը հասել է մինչև 700 ժամ ժապավենային նկարահանումների, որից 6-ը Երևանում հենց իր՝ ռեժիսորի ներկայությամբ, կցուցադրվի փառատոնի ընթացքում։Խոսելով բացման ու փակման ֆիլմերի մասին, փառատոնի գեղարվեստական տնօրենը հայտնեց, որ բացումը լինելու է ամերիկահայ ռեժիսոր Մայքլ Գյուրջյանի «Ամերիկացի» ֆիլմով, որը Հայոց ցեղասպանության թեմատիկ գիծ ունի, իսկ փակումը՝ Գարին Հովհաննիսյանի «Չտեսնված Հանրապետություն» վավերագրական ֆիլմով, որը նվիրված է Արցախի պատերազմին։«Աղետից հետո, բնականաբար, ի հայտ են գալիս այդ ամենի արտահայտումները նաև կինոյի լեզվով, և ոչ միայն հայ ռեժիսորների կողմից»,- նշեց Կարեն Ավետիսյանը։Փառատոնը այս տարի կունենա մրցութային երեք ծրագիր, որոնց թվում լիամետրաժ ու կարճամետրած ֆիլմերի համար նախատեսված ծրագրերն են։ 19 երկրների մասնակցությամբ տարածաշրջանային մրցույթի մեկնարկը կրկին տրվելու է հայկական ֆիլմով։ Փառատոնի միջազգային բաժնի ղեկավար Վարվարա Հովհաննիսյանը հայտնեց, որ «Երևանյան պրեմիերաների» շրջանակում այս տարի 16 ֆիլմ կներկայացվի։ Դրանց շրջանակում հայ հանդիսատեսի դատին կհանձնվեն ֆիլմեր Կաննի, Բեռլինի և այլ միջազգային կինոփառատոններից։«Ոսկե ծիրանը» միայն այս տարի է, որ առաջին անգամ ֆինանսավորվելու է Երևանի քաղաքապետարանի կողմից։ Քաղաքապետի տեղակալ Լևոն Հովհաննիսյանը նշեց՝ շատ տրամաբանական է, որ քաղաքապետարանը նույնպես իր մասնակցությունն է ունենում։ Ըստ նրա՝ «Ոսկե ծիրանը» Երևանի մշակութային կյանքում առանձնահատուկ տեղ է զբաղեցնում։«Ոսկե ծիրան» կինոփառատոնի հիմնադիր Հարություն Խաչատրյանը հայտնեց, որ «Ոսկե ծիրանի» ու կինոմատոգրաֆների միության ջանքերով վերազինվել է Կինոյի տունը, որը, նպատակ կա՝ կամաց-կամաց վերածելու փառատոնային կենտրոնի, ու այս տարի փառատոնի միջոցառումների կեսը հենց այդտեղ է անցկացվելու։Նախկինում փառատոնի հովանավորն էր «Վիվասել ՄՏՍ» ընկերությունը, սակայն Խաչատրյանը նշեց, որ 3 տարի առաջ ընկերության ղեկավարության որոշմամբ փառատոնի ամբողջ ֆինանսավորումը հանվել է։Հիշեցնենք, որ այս տարի «Ոսկե ծիրան» միջազգային կինոփառատոնը կանցկացվի հուլիսի 10-17-ը։ Փառատոնի բացումն ու փակումը կանացկացվի «Արամ Խաչատրյան» համերգասրահում։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«ոսկե ծիրան» կինոփառատոն, կարեն ավետիսյան, երևան, ֆիլմ
«ոսկե ծիրան» կինոփառատոն, կարեն ավետիսյան, երևան, ֆիլմ
«Ոսկե ծիրան» կինոփառատոնը կբացվի ու կփակվի հայկական ֆիլմերով, այդ թվում՝ պատերազմի մասին
16:37 17.06.2022 (Թարմացված է: 17:48 17.06.2022) Կինոփառատոնն այս տարի կրկին առանձնանում է լավ ֆիլմերով, բարձրակարգ ռեժիսորներով ու պրոդյուսերներով։
ԵՐԵՎԱՆ, 17 հունիսի – Sputnik. «Ոսկե ծիրան» կինոփառատոնն այս տարի կբացվի ու կփակվի հայկական ֆիլմերով։ Փառատոնի վերջում կցուցադրվի Արցախյան պատերազմի մասին ֆիլմաշար՝ նկարված հետպատերազմյան շրջանում, ու ոչ միայն հայ ռեժիսորների կողմից։ Այս մասին այսօր Երևանի «Ոսկե ծիրան» միջազգային 19-րդ կինոփառատոնին ընդառաջ հրավիրված առաջին ասուլիսում հայտնեց փառատոնի գեղարվեստական տնօրեն Կարեն Ավետիսյանը։
«Հայկական կինոյի ներկայությունը փառատոնում շատ ընգծված է, մենք փորձում ենք այն բերել մրցութային դաշտ, որտեղ արդեն անկախ միջազգային ժյուրին կգնահատի՝ որքանով են դրանք մրցունակ։ Ամեն դեպքում, մենք մեր գործառույթներից մեկն ենք համարում ջանք գործադրել, որ մրցույթի կոնտեքստում հայտնվի հայկական կինոն»,- ասաց Կարեն Ավետիսյանը։
ՀՀ ԿԳՄՍՆ տեղակալ Արա Խզմալյանը հատուկ ընգծեց, որ փառատոնին հայկական կինոյի ներգրավվածությունը որակապես այլ հարթության վրա է, ինչը շատ կարևոր ձեռքբերում է։ Ավետիսյանն էլ հավելեց՝ շատ երկար ժամանակ է, ինչ կինոն զարգանում է համարտադրության սկզբունքով, և Հայաստանը փորձում է տարեցտարի ներթափանցել այդ ոլորտ։
Փառատոնի հիմնադիր նախագահ Հարություն Խաչատրյանը նշեց, որ այս տարի փառատոնը առանձնանում է իր հյուրերով։
«Այսպիսի փառատոն վաղուց չէինք ունեցել, այսքան լավ ֆիլմեր, այսպիսի բարձրակարգ ռեժիսորներ ու պրոդյուսերներ, և այսպիսի մեծ ու լուրջ ծրագիր։ Փառատոնի սկիզբը դրված է, շարունակությունը կլինի տարվա վերջին»,- ասաց Հարություն Խաչատրյանը։
Ասուլիսի ընթացքում կազմակերպչական թիմը ներկայացրեց փառատոնային ժյուրիի կազմը, բացման և փակման ֆիլմերը, պատվավոր հյուրերին, ինչպես նաև այլ մանրամասներ։ Կինոփառատոնը պատերազմից ու համավարակային սահմանափակումներից հետո առաջին անգամ ներկայացուցչական, միջազգային հյուրերի այցելության և կարգավիճակային հյուրերի ներկայության տեսակետից նորից փորձելու է լիարժեք ներկայանալ։
Կարեն Ավետիսյանի բնորոշմամբ՝ «Ոսկե ծիրանը» ավելին է, քան անհատները, այսինքն, այն վաղուց արդեն չի պատկանում որևէ ինստիտուտի կամ ինչ-որ անձանց, անկախությունից ի վեր եզակի մշակութային իրադարձություններից մեկն է, որը պետք է անսակարկելի մշակութային արժեք ու ձեռքբերում մնա Հայաստանի համար։
Այս տարի փառատոնը հյուրընկալելու է «Լոկառնոյի», «Սան Սեբաստիանի» նման կինոփառատոնների գլխավոր մրցանակակիրների, «Ոսկե Արմավենու ճյուղի» դափնեկրի ու օսակարակիր հյուրերի։
Ասուլիսի ընթացքում բանախոսները թվեցին մի քանի այդպիսի նշանավոր անուններ։ Նախ՝ միջազգային մրցույթի ժյուրիի նախագահն է իռլանդացի օսկարակիր սցենարիստ, ռեժիսոր Թերի Ջորջը։ Փառատոնի ընթացքում լինելու է նրա խաղարկային ֆիլմերի ցուցադրությունը։ Ավետիսյանը նշեց, որ Թերի Ջորջն իր ֆիլմոգրաֆիայում անդրադարձել է շատ կարևոր օրակարգի՝ կոնֆլիկտների ու ցեղասպանությունների, որոնց թվում է նաև Հայոց ցեղասպանությունը։
Փառատոնի մեկ այլ կարևոր հյուր է հռչակավոր պրոդյուսեր Ֆիլիպ Բոբերը, որի ավանդը համաշխարհային կինոյում այնքան մեծ է, որ «Ոսկե ծիրանի» ընթացքում սովորաբար ռեժիսորներին տրվող «Փարաջանովյան թալեր» մրցանակն այս տարի նախատեսվում է տալ նաև Բոբերին։ Փառատոնին ներկա կլինի նաև DAU բազմապլատֆորմ մարդաբանական կինոնախագծի հեղինակ Իլյա Խրժանովսկին, որի կինոնախագիծը հասել է մինչև 700 ժամ ժապավենային նկարահանումների, որից 6-ը Երևանում հենց իր՝ ռեժիսորի ներկայությամբ, կցուցադրվի փառատոնի ընթացքում։
Խոսելով բացման ու փակման ֆիլմերի մասին, փառատոնի գեղարվեստական տնօրենը հայտնեց, որ բացումը լինելու է ամերիկահայ ռեժիսոր
Մայքլ Գյուրջյանի «Ամերիկացի» ֆիլմով, որը Հայոց ցեղասպանության թեմատիկ գիծ ունի, իսկ փակումը՝ Գարին Հովհաննիսյանի «Չտեսնված Հանրապետություն» վավերագրական ֆիլմով, որը նվիրված է Արցախի պատերազմին։
«Աղետից հետո, բնականաբար, ի հայտ են գալիս այդ ամենի արտահայտումները նաև կինոյի լեզվով, և ոչ միայն հայ ռեժիսորների կողմից»,- նշեց Կարեն Ավետիսյանը։
Փառատոնը այս տարի կունենա մրցութային երեք ծրագիր, որոնց թվում լիամետրաժ ու կարճամետրած ֆիլմերի համար նախատեսված ծրագրերն են։ 19 երկրների մասնակցությամբ տարածաշրջանային մրցույթի մեկնարկը կրկին տրվելու է հայկական ֆիլմով։ Փառատոնի միջազգային բաժնի ղեկավար Վարվարա Հովհաննիսյանը հայտնեց, որ «Երևանյան պրեմիերաների» շրջանակում այս տարի 16 ֆիլմ կներկայացվի։ Դրանց շրջանակում հայ հանդիսատեսի դատին կհանձնվեն ֆիլմեր Կաննի, Բեռլինի և այլ միջազգային կինոփառատոններից։
«Ոսկե ծիրանը» միայն այս տարի է, որ առաջին անգամ ֆինանսավորվելու է Երևանի քաղաքապետարանի կողմից։ Քաղաքապետի տեղակալ Լևոն Հովհաննիսյանը նշեց՝ շատ տրամաբանական է, որ քաղաքապետարանը նույնպես իր մասնակցությունն է ունենում։ Ըստ նրա՝ «Ոսկե ծիրանը» Երևանի մշակութային կյանքում առանձնահատուկ տեղ է զբաղեցնում։
«Ոսկե ծիրան» կինոփառատոնի հիմնադիր Հարություն Խաչատրյանը հայտնեց, որ «Ոսկե ծիրանի» ու կինոմատոգրաֆների միության ջանքերով վերազինվել է Կինոյի տունը, որը, նպատակ կա՝ կամաց-կամաց վերածելու փառատոնային կենտրոնի, ու այս տարի փառատոնի միջոցառումների կեսը հենց այդտեղ է անցկացվելու։
Նախկինում փառատոնի հովանավորն էր «Վիվասել ՄՏՍ» ընկերությունը, սակայն Խաչատրյանը նշեց, որ 3 տարի առաջ ընկերության ղեկավարության որոշմամբ փառատոնի ամբողջ ֆինանսավորումը հանվել է։
Հիշեցնենք, որ այս տարի «Ոսկե ծիրան» միջազգային կինոփառատոնը կանցկացվի հուլիսի 10-17-ը։ Փառատոնի բացումն ու փակումը կանացկացվի «Արամ Խաչատրյան» համերգասրահում։
