https://arm.sputniknews.ru/20220617/hakakvorupcivon-kvomitei-nvor-shenqy-karvogh-e-karucvel-dambaranadashti-vra-43690159.html
Հակակոռուպցիոն կոմիտեի նոր շենքը կարող է կառուցվել դամբարանադաշտի վրա
Հակակոռուպցիոն կոմիտեի նոր շենքը կարող է կառուցվել դամբարանադաշտի վրա
Sputnik Արմենիա
Տարածքում հուշարձաններ չհայտնաբերելու դեպքում տարածքը կհանվի հուշարձանների պետական ցանկից, որից հետո հնարավոր կլինի սկսել շինարարական աշխատանքները։ 17.06.2022, Sputnik Արմենիա
2022-06-17T13:14+0400
2022-06-17T13:14+0400
2022-06-17T13:31+0400
հակակոռուպցիոն կոմիտե
դամբարան
դամբարանադաշտ
շինարարություն
https://cdn.am.sputniknews.ru/img/1979/94/19799438_0:0:1600:901_1920x0_80_0_0_8eb6023548c3d003af3b8499a4fc6f69.jpg
ԵՐԵՎԱՆ, 17 հունիսի - Sputnik. Երևան քաղաքի Աջափնյակ համայնքի Սիլիկյան թաղամաս 12-րդ փողոց N 86 հասցեում Հակակոռուպցիոն կոմիտեի նոր շենքի կառուցումը հետաձգվում է։ Ինչպես տեղեկանում ենք ՀՀ կառավարության այսօրվա նիստում առանց զեկուցման ու քննարկման ընդունված նախագծից, պարզվել է, որ այդ տարածքում դամբարանադաշտ է եղել։ Եվ կառավարությունը որոշել է հետաձգել շենքի կառուցումը մինչև փորձաքննությունների ավարտը։«Փորձաքննության շրջանակներում պարզվել է, որ Երևան քաղաքի Աջափնյակ համայնքի Սիլիկյան թաղամաս 12-րդ փողոց N 86 հասցեի շուրջ 15 հեկտար հողամասը հանդիսանում է հուշարձանային գոտի (համաձայն առկա քարտեզների տարածքը հանդիսանում է դամբարանադաշտ)»,- նշված է որոշման նախագծում։Նախարարությունը դիմել է ՀՀ գիտությունների ազգային ակադեմիայի «Երկրաբանական գիտությունների ինստիտուտ» ՊՈԱԿ-ին։ Վերջինս կատարել է տարածքի նախնական ուսումնասիրություն, և տարածքում դամբարանների առկայությունը պարզելու նպատակով առաջարկել է կատարել գեոռադարային հանույթ։ 2022 թվականի մարտի 24-ին ընդունած որոշմամբ, կառավարությունն այդ նպատակով 10 մլն դրամ է հատկացրել: Այս լրացուցիչ ուսումնասիրությունը կտևի շուրջ 3 ամիս, որից հետո ևս 1 ամսվա ընթացքում կիրականացվի վերլուծություն։Տարածքում հուշարձաններ չհայտնաբերելու դեպքում նշված տարածքը կառավարության որոշմամբ կհանվի հուշարձանների պետական ցանկից, ինչից հետո միայն հնարավոր կլինի ստանալ շինարարության թույլտվությունը և սկսել շինարարական աշխատանքները։Այդ ամբողջ գործընթացը, կառավարության նախնական գնահատմամբ, կտևի ընդհանուր շուրջ 6 ամիս:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հակակոռուպցիոն կոմիտե, դամբարան, դամբարանադաշտ, շինարարություն
հակակոռուպցիոն կոմիտե, դամբարան, դամբարանադաշտ, շինարարություն
Հակակոռուպցիոն կոմիտեի նոր շենքը կարող է կառուցվել դամբարանադաշտի վրա
13:14 17.06.2022 (Թարմացված է: 13:31 17.06.2022) Տարածքում հուշարձաններ չհայտնաբերելու դեպքում տարածքը կհանվի հուշարձանների պետական ցանկից, որից հետո հնարավոր կլինի սկսել շինարարական աշխատանքները։
ԵՐԵՎԱՆ, 17 հունիսի - Sputnik. Երևան քաղաքի Աջափնյակ համայնքի Սիլիկյան թաղամաս 12-րդ փողոց N 86 հասցեում Հակակոռուպցիոն կոմիտեի նոր շենքի կառուցումը հետաձգվում է։ Ինչպես տեղեկանում ենք ՀՀ կառավարության այսօրվա նիստում առանց զեկուցման ու քննարկման ընդունված նախագծից, պարզվել է, որ այդ տարածքում դամբարանադաշտ է եղել։ Եվ կառավարությունը որոշել է հետաձգել շենքի կառուցումը մինչև փորձաքննությունների ավարտը։
«Փորձաքննության շրջանակներում պարզվել է, որ Երևան քաղաքի Աջափնյակ համայնքի Սիլիկյան թաղամաս 12-րդ փողոց N 86 հասցեի շուրջ 15 հեկտար հողամասը հանդիսանում է հուշարձանային գոտի (համաձայն առկա քարտեզների տարածքը հանդիսանում է դամբարանադաշտ)»,- նշված է որոշման նախագծում։
Խնդրի պարզաբանման, անհրաժեշտ ուսումնասիրություն կատարելու և կարգավորման ուղիներ փնտրելու նպատակով Հակակոռուպցիոն կոմիտեն հարցը քննարկել է ՀՀ կրթության, գիտության, մշակույթի և սպորտի նախարարության հետ։
Նախարարությունը դիմել է ՀՀ գիտությունների ազգային ակադեմիայի «Երկրաբանական գիտությունների ինստիտուտ» ՊՈԱԿ-ին։ Վերջինս կատարել է տարածքի նախնական ուսումնասիրություն, և տարածքում դամբարանների առկայությունը պարզելու նպատակով առաջարկել է կատարել գեոռադարային հանույթ։ 2022 թվականի մարտի 24-ին ընդունած որոշմամբ, կառավարությունն այդ նպատակով 10 մլն դրամ է հատկացրել: Այս լրացուցիչ ուսումնասիրությունը կտևի շուրջ 3 ամիս, որից հետո ևս 1 ամսվա ընթացքում կիրականացվի վերլուծություն։
Տարածքում հուշարձաններ չհայտնաբերելու դեպքում նշված տարածքը կառավարության որոշմամբ կհանվի հուշարձանների պետական ցանկից, ինչից հետո միայն հնարավոր կլինի ստանալ շինարարության թույլտվությունը և սկսել շինարարական աշխատանքները։
Այդ ամբողջ գործընթացը, կառավարության նախնական գնահատմամբ, կտևի ընդհանուր շուրջ 6 ամիս:
