https://arm.sputniknews.ru/20220617/garegin-bn-burichin-hvogevvormshakutajin-zharangutjan-pahpanutjan-khndirnern-e-nerkajacrel-43725305.html
Գարեգին Բ–ն Բուրիչին հոգևոր–մշակութային ժառանգության պահպանության խնդիրներն է ներկայացրել
Գարեգին Բ–ն Բուրիչին հոգևոր–մշակութային ժառանգության պահպանության խնդիրներն է ներկայացրել
Sputnik Արմենիա
Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության... 17.06.2022, Sputnik Արմենիա
2022-06-17T18:43+0400
2022-06-17T18:43+0400
2022-06-17T18:48+0400
մարիա պեյչինովիչ բուրիչ
կաթողիկոս
արցախ
ադրբեջան
https://cdn.am.sputniknews.ru/img/07e6/06/11/43723551_0:32:1400:820_1920x0_80_0_0_b4aeddf219b38641e6e28baaa34a5d47.jpg
ԵՐԵՎԱՆ, 17 հունիսի – Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ԵԽ գլխավոր քարտուղար Մարիա Պեյչինովիչ Բուրիչի հետ զրույցում անդրադարձել է 44-օրյա պատերազմին և դրա հետևանքներին, Ադրբեջանում մինչև օրս պահվող ռազմագերիներին և հոգևոր–մշակութային ժառանգության պահպանության խնդիրներին։ Տեղեկությունը հայտնում է Մայր Աթոռի տեղեկատվական համակարգը` հավելելով, որ Գարեգին Բ–ն էջմիածնում է ընդունել Բուրիչին։«Հայոց Հովվապետը կարևորել է միջազգային հանրության աջակցությունը։ Այս առիթով նա խոսել է Ադրբեջանի իշխանությունների կողմից հայկական կրոնամշակութային արժեքների ոչնչացման քաղաքականության մասին, որի հետևանքով դեռևս 1998-2005 թթ. Ադրբեջանում և Նախիջևանի Ինքնավար Հանրապետությունում քանդվեցին ու փոշիացվեցին հայկական քրիստոնեական հնագույն մշակույթի շուրջ յոթ հազար պատմական հուշարձաններ՝ խաչքարեր, եկեղեցիներ ու պաշտամունքային այլ շինություններ»,–ասված է հաղորդագրության մեջ։Խոսելով տարածաշրջանում խաղաղության և կայունության հաստատման կարևորության մասին՝ Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության հնարավորության առնչությամբ։ Ամենայն Հայոց Կաթողիկոսը հույս է հայտնել, որ բարեկամ երկրները, միջազգային հանրությունը և ԵԽ–ն հստակ կեցվածք կդրսևորեն այս ամենի վերաբերյալ և քայլեր կձեռնարկեն նման երևույթների զսպման, Արցախի ժողովրդի ազատ, անկախ ու անվտանգ կյանքի ապահովման ուղղությամբ։Իր հերթին Բուրիչը հաստատել է, որ Վեհափառ Հայրապետի մատնանշած խնդիրներն ԵԽ–ի ուշադրության կենտրոնում են։ Վերջինս հատկապես կարևորել է սահմանների անվտանգության, գերիների վերադարձման, հոգևոր–մշակութային ժառանգության պահպանման և Արցախի ժողովրդի անվտանգության առաջնահերթությունները։ Նա ընդգծել է, որ իր հիմնական նպատակն է երկխոսության և փոխըմբռնման միջոցով ժողովուրդների ու պետությունների միջև հաստատել տևական խաղաղություն և վերացնել առկա հակամարտությունները։Հավելենք, որ ավելի վաղ ԵԽ գլխավոր քարտուղար Մարիա Պեյչինովիչ Բուրիչը հանդիպել էր ՀՀ վարչապետ Նիկոլ Փաշինյանի ու ՀՀ արտգործնախարար Արարատ Միրզոյանի հետ։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մարիա պեյչինովիչ բուրիչ, կաթողիկոս, արցախ, ադրբեջան
մարիա պեյչինովիչ բուրիչ, կաթողիկոս, արցախ, ադրբեջան
Գարեգին Բ–ն Բուրիչին հոգևոր–մշակութային ժառանգության պահպանության խնդիրներն է ներկայացրել
18:43 17.06.2022 (Թարմացված է: 18:48 17.06.2022) Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության հնարավորության առնչությամբ։
ԵՐԵՎԱՆ, 17 հունիսի – Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ԵԽ գլխավոր քարտուղար Մարիա Պեյչինովիչ Բուրիչի հետ զրույցում անդրադարձել է 44-օրյա պատերազմին և դրա հետևանքներին, Ադրբեջանում մինչև օրս պահվող ռազմագերիներին և հոգևոր–մշակութային ժառանգության պահպանության խնդիրներին։ Տեղեկությունը հայտնում է
Մայր Աթոռի տեղեկատվական համակարգը` հավելելով, որ Գարեգին Բ–ն էջմիածնում է ընդունել Բուրիչին։
«Հայոց Հովվապետը կարևորել է միջազգային հանրության աջակցությունը։ Այս առիթով նա խոսել է Ադրբեջանի իշխանությունների կողմից հայկական կրոնամշակութային արժեքների ոչնչացման քաղաքականության մասին, որի հետևանքով դեռևս 1998-2005 թթ. Ադրբեջանում և Նախիջևանի Ինքնավար Հանրապետությունում քանդվեցին ու փոշիացվեցին հայկական քրիստոնեական հնագույն մշակույթի շուրջ յոթ հազար պատմական հուշարձաններ՝ խաչքարեր, եկեղեցիներ ու պաշտամունքային այլ շինություններ»,–ասված է հաղորդագրության մեջ։
Խոսելով տարածաշրջանում խաղաղության և կայունության հաստատման կարևորության մասին՝ Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության հնարավորության առնչությամբ։ Ամենայն Հայոց Կաթողիկոսը հույս է հայտնել, որ բարեկամ երկրները, միջազգային հանրությունը և ԵԽ–ն հստակ կեցվածք կդրսևորեն այս ամենի վերաբերյալ և քայլեր կձեռնարկեն նման երևույթների զսպման, Արցախի ժողովրդի ազատ, անկախ ու անվտանգ կյանքի ապահովման ուղղությամբ։
Իր հերթին Բուրիչը հաստատել է, որ Վեհափառ Հայրապետի մատնանշած խնդիրներն ԵԽ–ի ուշադրության կենտրոնում են։ Վերջինս հատկապես կարևորել է սահմանների անվտանգության, գերիների վերադարձման, հոգևոր–մշակութային ժառանգության պահպանման և Արցախի ժողովրդի անվտանգության առաջնահերթությունները։ Նա ընդգծել է, որ իր հիմնական նպատակն է երկխոսության և փոխըմբռնման միջոցով ժողովուրդների ու պետությունների միջև հաստատել տևական խաղաղություն և վերացնել առկա հակամարտությունները։
Հավելենք, որ ավելի վաղ ԵԽ գլխավոր քարտուղար Մարիա Պեյչինովիչ Բուրիչը հանդիպել էր
ՀՀ վարչապետ Նիկոլ Փաշինյանի ու
ՀՀ արտգործնախարար Արարատ Միրզոյանի հետ։
