https://arm.sputniknews.ru/20220614/zbvosashrjikneri-nerhvosq-klini-bajc-hajastann-u-vrastany-nujn-khndirnerin-en-bakhvel-43434536.html

Զբոսաշրջիկների ներհոսք կլինի, բայց... Հայաստանն ու Վրաստանը նույն խնդիրներին են բախվել

Զբոսաշրջիկների ներհոսք կլինի, բայց... Հայաստանն ու Վրաստանը նույն խնդիրներին են բախվել

Sputnik Արմենիա

Sputnik Արմենիա մուլտիմեդիոն մամուլի կենտրոնի հյուրերը խոսել են զբոսաշրջության ոլորտի հիմնական խնդիրների մասին։ 14.06.2022, Sputnik Արմենիա

2022-06-14T16:28+0400

2022-06-14T16:28+0400

2022-06-14T16:29+0400

հայաստան

զբոսաշրջություն

վրաստանի հանրապետություն

https://cdn.am.sputniknews.ru/img/07e6/05/1b/42530201_0:109:1600:1009_1920x0_80_0_0_4581b0620c674c37d4c5816b3d700f57.jpg

ԵՐԵՎԱՆ, 14 հունիսի – Sputnik. Զբոսաշրջային ոլորտի մասնագետները Հայաստանում ու Վրաստանում ցուցանիշների 90%-անոց վերականգնում են կանխատեսում` միաժամանակ նշելով, որ երկու երկրներում էլ նույն խնդիրներն են առաջացել Ռուսաստանի, Բելառուսի և Ուկրաինայի քաղաքացիների ներհոսքի հետևանքով:Զբոսաշրջության փորձագետ, «Vizit Արմենիա» զբոսաշրջային ընկերության տնօրեն Վլադիմիր Գևորգյանը Sputnik Արմենիա մամուլի կենտրոնում հրավիրված ասուլիսում խոսեց բնակարանների մեծ պահանջարկի մասին, ինչը բառի բուն իմաստով գների «տիեզերական» աճի է հանգեցրել, այդ թվում` տեղի բնակիչների համար:Նա դրական գնահատեց այն փաստը, որ ոչ զբոսաշրջային նպատակով եկող անձինք գումար են ծախսում մեր երկրում, ինչը դրական է ազդում ՀՆԱ-ի վրա։ Գևորգյանը հույս հայտնեց, որ մինչև տարեվերջ Հայաստանը կկարողանա հասնել զբոսաշրջության` գոնե 2018-ի ակտիվության ցուցանիշներին, քանի որ այս տարի ԱՊՀ երկրների զբոսաշրջիկների շրջանում պահանջված ուղղություններից մեկն է դարձել։ Նա նաև նշեց, որ Վրաստանի ուղղությամբ զբոսաշրջային փաթեթների վերաբերյալ հարցումների աճ կա։Վրաստանի GTA զբոսաշրջության ասոցիացիայի հասարակայնության հետ կապերի դեպարտամենտի պետ, Վրաստանի կոնվենցիայի բյուրոյի անդամ, «Check-in Travel» տուրիստական ընկերության սեփականատեր Իյա Գեդևանիշվիլին էլ ասաց, որ Վրաստանում իրավիճակը նույնն է, ինչ Հայաստանում, միայն մեկ վերապահումով, որ ՀՀ–ում սպասարկման մակարդակն ավելի լավն է:Նրա խոսքով՝ այցելուների նման հոսքը բարդացնում է զբոսաշրջության ոլորտի վիճակը։ Բանն այն է, որ երկիր են ժամանել վճարունակ քաղաքացիները, որոնք տներ, հոսթելներ, հյուրանոցներ են ամրագրել, ամեն օր ռեստորաններ և սրճարաններ են այցելում։Գեդևանիշվիլին պարզաբանեց, որ դա լավ է երկրի ու տնտեսության համար, բայց ենթակառուցվածքների հարցում որոշակի դժվարություններ է առաջացնում: Բացի այդ, օտարերկրացիների նման ներհոսքն ազդում է ծառայությունների ոլորտի գների վրա։Նա նշեց, որ Վրաստանի սևծովյան ափի հայտնի հանգստավայրերի գրեթե բոլոր հյուրանոցներն ու տներն արդեն լեփ–լեցուն են: Նա որպես այլընտրանք առաջարկեց օգտվել վրացական այն հանգստավայրերից, որտեղ զբոսաշրջիկների հոսքը քիչ է, կամ էլ հանգստանալ Կվարիատիում, Գոնիոյում, Շեկվեթիլում։Ինչ վերաբերում է համավարակային սահմանափակումներին, ապա Վրաստանն արդեն հանել է դրանք։ Գլխավորը պարտադիր պահանջը մեկն է` դիմակ դնել բժշկական կենտրոններում և հասարակական տրանսպորտում։Հիշեցնենք, որ 2022 թվականի առաջին եռամսյակում մեր երկիր է ժամանել 250 798 զբոսաշրջիկ, ինչը 3 անգամ շատ է 2021 թվականի նույն ժամանակահատվածի ցուցանիշից։ 2021 թվականի արդյունքներով` Հայաստան է ժամանել ընդամենը 816 660 զբոսաշրջիկ։ Հիմնական հոսքը ձևավորել են Ռուսաստանից (375 930), Իրանից (85 310), Վրաստանից (57 713) և ԱՄՆ-ից (30 494) եկած զբոսաշրջիկները։ Զբոսաշրջային ակտիվության տեսանկյունից ամենահաջող ամիսը օգոստոսն է եղել. այդ ժամանակ Հայաստան է այցելել 143 168 զբոսաշրջիկ։ Ամենապասիվ ամիսը հունվարն է եղել, երբ մեր երկիր է այցելել ընդամենը 23 345 մարդ։2016թ-ին Հայաստան է ժամանել 1 290 810 մարդ, 2017թ-ին այդ ցուցանիշն ավելացել է՝ հասնելով 1 565 167-ի ։ 2018թ-ին ՀՀ է այցելել 1 687 285, 2019-ին՝ 1 926 353 մարդ։2020 թ-ին կորոնավիրուսային համավարակի պատճառով այցելուների թիվը կրճատվել էր 6 անգամ՝ ընդամենը 375 216 մարդ:

վրաստանի հանրապետություն

2022

Լուրեր

am_HY

հայաստան, զբոսաշրջություն , վրաստանի հանրապետություն