https://arm.sputniknews.ru/20220608/charchjani-pashtpany-dataranin-mijnvordec-qrgvortsi-apacujcnery-chhamarel-apacujc-43056930.html
Չի կարելի որպես ապացույց օգտագործել. Արմեն Չարչյանի պաշտպանը միջնորդություն ներկայացրեց
Չի կարելի որպես ապացույց օգտագործել. Արմեն Չարչյանի պաշտպանը միջնորդություն ներկայացրեց
Sputnik Արմենիա
Պրոֆեսորի փաստաբանը նշեց, որ գործի վարույթը չի կարող իրավաչափ լինել, իսկ դրա շրջանակում կատարվող գործողությունները` օրինական և թույլատրելի։ 08.06.2022, Sputnik Արմենիա
2022-06-08T16:38+0400
2022-06-08T16:38+0400
2022-06-08T17:08+0400
հայաստան
արմեն չարչյան
դատարան
փաստաբան
դատ
https://cdn.am.sputniknews.ru/img/07e5/0c/0a/36281652_0:84:1600:984_1920x0_80_0_0_867f2a3775e82a3dff2af60def9ad548.jpg
ԵՐԵՎԱՆ, 8 հունիսի – Sputnik. «Հայաստան» խմբակցության պատգամավոր, պրոֆեսոր, «Իզմիրլյան» բժշկական կենտրոնի նախկին տնօրեն Արմեն Չարչյանի պաշտպան Էրիկ Ալեքսանյանը գործում ներկայացված ապացույցները որպես ապացույց չօգտագործելու միջնորդություն ներկայացրեց դատարանին։Նշենք, որ նիստն ընթանում է Երևանի ընդհանուր իրավասության դատարանում՝ դատավոր Վահե Միսակյանի նախագահությամբ։ Չարչյանը ներկա է նիստին։Ալեքսանյանը նշեց, որ Երևանի ընդհանուր իրավասության դատարանի` նախորդ տարվա հունիսի 20-ի որոշմամբ` «Բաղրամյան 26» տելեգրամյան ալիքով տարածված տեսանյութն է որպես ապացույց օգտագործվում։ Մինչդեռ, դատարանի գնահատմամբ, անհայտ աղբյուրի կողմից տրված հայտարարությունը կամ հանցագործության մասին հաղորդումը հիմք չէ անձի ազատության իրավունքը սահմանափակելու։ Դատարանի այս որոշումը չի բողոքարկվել, և ստացվում է, որ, ըստ փաստաբանի, ձայնագրությունը հրապարակած ալիքը համարվում է անհայտ աղբյուր։Նրա խոսքով` գործի վարույթը չի կարող իրավաչափ լինել, իսկ դրա շրջանակում կատարվող գործողությունները` օրինական և թույլատրելի։ Այսպիսով, Ալեքսանյանը միջնորդեց հաստատել քրգործով ողջ ապացույցների` որպես ապացույց օգտագործման անթույլատրելիությունը։Պաշտպանը դատարանի ուշադրությունը հրավիրեց այն փաստի վրա, որ հրապարակված տեսանյութը մոնտաժված է։Գործով դատախազն առարկեց միջնորդությանը` այն անհիմն համարելով։Նշենք, որ այսօրվա նիստում պետք է ուսումնասիրվեին գործում առկա տեսագրությունները, սակայն պարզվեց` համակարգչի հետ կապված խնդիրներ կան։ Դատավորը հայտնեց, որ դատական նիստը հետաձգվում է. հաջորդ նիստը կկայանա հուլիսի 8-ին` ժամը 15։00-ին։Հիշեցնենք` հունիսի 18-ին համացանցում հայտնվեց մի ձայնագրություն, որում լսվում էր, թե ինչպես է Չարչյանը աշխատակիցներին հորդորում ԱԺ ընտրությանը մասնակցել` ակնարկելով չքվեարկել գործող իշխանությունների օգտին։ Նույն օրը Չարչյանը ձերբակալվեց։Հունիսի 21-ին Կենտրոնական ընտրական հանձնաժողովը թույլ տվեց քրեական հետապնդում սկսել Չարչյանի նկատմամբ։ Չարչյանը կալանավորվեց, ապա 15 մլն գրավի դիմաց ազատ արձակվեց։Օգոստոսի 23-ին Չարչյանը կրկին կալանավորվեց։Դեկտեմբերի 10-ին Երևանի ընդհանուր իրավասության դատարանը հրատապ նիստի ժամանակ որոշեց ազատ արձակել Չարչյանին։ Դատավոր Վահե Միսակյանի որոշմամբ` խափանման միջոց ընտրվեց ստորագրությունը չհեռանալու մասին։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արմեն չարչյան, դատարան, փաստաբան, դատ
հայաստան, արմեն չարչյան, դատարան, փաստաբան, դատ
Չի կարելի որպես ապացույց օգտագործել. Արմեն Չարչյանի պաշտպանը միջնորդություն ներկայացրեց
16:38 08.06.2022 (Թարմացված է: 17:08 08.06.2022) Պրոֆեսորի փաստաբանը նշեց, որ գործի վարույթը չի կարող իրավաչափ լինել, իսկ դրա շրջանակում կատարվող գործողությունները` օրինական և թույլատրելի։
ԵՐԵՎԱՆ, 8 հունիսի – Sputnik. «Հայաստան» խմբակցության պատգամավոր, պրոֆեսոր, «Իզմիրլյան» բժշկական կենտրոնի նախկին տնօրեն Արմեն Չարչյանի պաշտպան Էրիկ Ալեքսանյանը գործում ներկայացված ապացույցները որպես ապացույց չօգտագործելու միջնորդություն ներկայացրեց դատարանին։
Նշենք, որ նիստն ընթանում է Երևանի ընդհանուր իրավասության դատարանում՝ դատավոր Վահե Միսակյանի նախագահությամբ։ Չարչյանը ներկա է նիստին։
Ալեքսանյանը նշեց, որ Երևանի ընդհանուր իրավասության դատարանի` նախորդ տարվա հունիսի 20-ի որոշմամբ` «Բաղրամյան 26» տելեգրամյան ալիքով տարածված տեսանյութն է որպես ապացույց օգտագործվում։ Մինչդեռ, դատարանի գնահատմամբ, անհայտ աղբյուրի կողմից տրված հայտարարությունը կամ հանցագործության մասին հաղորդումը հիմք չէ անձի ազատության իրավունքը սահմանափակելու։ Դատարանի այս որոշումը չի բողոքարկվել, և ստացվում է, որ, ըստ փաստաբանի, ձայնագրությունը հրապարակած ալիքը համարվում է անհայտ աղբյուր։
«Վարույթն իրականացնող մարմինը քրգործ է հարուցել բացառապես ՀՔԾ մամուլի քարտուղարի զեկուցագրի հիման վրա։ Այսինքն` ՀՔԾ մամուլի բաժնի աշխատակիցը ՀՔԾ պետին ուղղված զեկուցագիր է կազմել ենթադրյալ հանցանք կատարելու դեպքի վերաբերյալ, որն ամբողջությամբ հիմնված է «Բաղրամյան 26»-ի տարածված տեսանյութի հիման վրա։ Սա վկայում է այն մասին, որ փաստացի քրգործ է հարուցվել ոչ օրինական տարր հանդիսացող զեկուցագրի հիման վրա»,– ասաց Ալեքսանյանը։
Նրա խոսքով` գործի վարույթը չի կարող իրավաչափ լինել, իսկ դրա շրջանակում կատարվող գործողությունները` օրինական և թույլատրելի։ Այսպիսով, Ալեքսանյանը միջնորդեց հաստատել քրգործով ողջ ապացույցների` որպես ապացույց օգտագործման անթույլատրելիությունը։
Պաշտպանը դատարանի ուշադրությունը հրավիրեց այն փաստի վրա, որ հրապարակված տեսանյութը մոնտաժված է։
Գործով դատախազն առարկեց միջնորդությանը` այն անհիմն համարելով։
Նշենք, որ այսօրվա նիստում պետք է ուսումնասիրվեին գործում առկա տեսագրությունները, սակայն պարզվեց` համակարգչի հետ կապված խնդիրներ կան։ Դատավորը հայտնեց, որ դատական նիստը հետաձգվում է. հաջորդ նիստը կկայանա հուլիսի 8-ին` ժամը 15։00-ին։
Հիշեցնենք` հունիսի 18-ին համացանցում հայտնվեց մի ձայնագրություն, որում լսվում էր, թե ինչպես է Չարչյանը աշխատակիցներին հորդորում ԱԺ ընտրությանը մասնակցել` ակնարկելով չքվեարկել գործող իշխանությունների օգտին։ Նույն օրը
Չարչյանը ձերբակալվեց։
Հունիսի 21-ին Կենտրոնական ընտրական հանձնաժողովը թույլ տվեց քրեական
հետապնդում սկսել Չարչյանի նկատմամբ։ Չարչյանը կալանավորվեց, ապա 15 մլն գրավի դիմաց
ազատ արձակվեց։
Դեկտեմբերի 10-ին Երևանի ընդհանուր իրավասության դատարանը հրատապ նիստի ժամանակ
որոշեց ազատ արձակել Չարչյանին։ Դատավոր Վահե Միսակյանի որոշմամբ` խափանման միջոց ընտրվեց ստորագրությունը չհեռանալու մասին։
