https://arm.sputniknews.ru/20220603/hajkakan-drami-amrapndumy-kkvortsani-artahanumy-gvortsararnern-ahazangum-en-42780432.html
Հայկական դրամի ամրապնդումը կկործանի արտահանումը. գործարարներն ահազանգում են
Հայկական դրամի ամրապնդումը կկործանի արտահանումը. գործարարներն ահազանգում են
Sputnik Արմենիա
Գործարարները կարծում են, որ պետությունն անհրաժեշտության դեպքում պետք է ներդրումներ կատարի առաջնահերթ ոլորտներում և օգնի հայկական արտադրանքին պահպանել... 03.06.2022, Sputnik Արմենիա
2022-06-03T15:59+0400
2022-06-03T15:59+0400
2022-06-03T16:28+0400
ասուլիս
դրամ
արտահանում
հայաստան
տնտեսություն
գործարար
https://cdn.am.sputniknews.ru/img/1376/82/13768203_0:41:1600:941_1920x0_80_0_0_c0975c5625cbf81280c632497b596796.jpg
ԵՐԵՎԱՆ, 3 հունիսի – Sputnik. Հայ արտահանողները կորուստներ են կրում ազգային արժույթի փոխարժեքի ամրապնդման պատճառով, և շուտով նրանք լուրջ խնդիրների առջև կարող են կանգնել։ Այս մասին այսօր հրավիրված ասուլիսում հայտարարել է «Արարատի Աբրիկոն» ոգելից խմիչքների գործարանի տնօրեն Կարեն Խաչիկյանը։Խաչիկյանի հաշվարկներով` վերջին ամսվա ընթացքում դրամն արժևորվել է մոտ 15%-ով։ Նրա համար հասկանալի չեն դրա պատճառները, քանի որ երկրում վերջին ամսվա ընթացքում տնտեսական ակտիվությունն այդքան էլ չի աճել, բացի այդ, երկիր այդքան շատ արժույթ չի մտել, որ դրամի փոխարժեքն էապես բարձրանա։Գործարարը չի բացառում, որ արժևորումը արհեստածին է, և ազգային արժույթի փոխարժեքը կարելի է կայունացնել։Բացի այդ, արտահանողները ստիպված կլինեն շահութահարկ վճարել, թեև վնասներ են կրում։ Բանն այն է, որ հաշիվ-ապրանքագրերում նշվում է ապրանքի արժութային արժեքը, իսկ դրամի փոխարժեքը հաշվի չի առնվում, և փաստաթղթերով ստացվում է, որ գործարարները շահույթ են ստանում, ինչն իրականում այդպես չէ։Գործարարը չի բացառում, որ ընկերություններից մի քանիսը ստիպված կլինեն կրճատել աշխատատեղերն ու ծախսերը։ Նրա խոսքով` գործարարները դեռ պետական մարմիններին կամ ԿԲ չեն դիմել, սակայն հույս ունեն, որ խնդիրը շուտով կլուծվի։«ԱրմԲազալտ» ընկերության հիմնադիր Սոկրատ Գրիգորյանն իր հերթին պատմեց, որ դեռ 2014 թվականին է վնաս կրել և գրեթե զրկվում էր գործարանից՝ արժույթների անկայուն փոխարժեքի պատճառով։ Մասնավորապես, նա Ռուսաստան բազալտե մանրաթել էր արտահանում, և ռուբլու արժեզրկման հետևանքով ստիպված եղավ պարտքեր կուտակել։ Հետագայում հաջողվեց աստիճանաբար վերականգնել գործարանի աշխատանքը, բայց միջազգային շուկայում նոր արտադրողներ հայտնվեցին, որոնք կարող են դուրս մղել հայկական արտադրանքը։Ընկերության ղեկավարը կարծում է, որ 1-3%-ի մակարդակում փոխարժեքի տատանումներն ընդունելի են, սակայն ներկայիս 15% ցուցանիշն էապես ազդում է արտահանման վրա, և անհրաժեշտ է արագ կերպով արձագանքել իրավիճակին։Գրիգորյանը կարծում է, որ պետությունն անհրաժեշտության դեպքում պետք է ներդրումներ կատարի առաջնահերթ ոլորտներում և հայկական արտադրանքին օգնի պահպանել մրցունակությունը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ասուլիս, դրամ, արտահանում, հայաստան, տնտեսություն, գործարար
ասուլիս, դրամ, արտահանում, հայաստան, տնտեսություն, գործարար
Հայկական դրամի ամրապնդումը կկործանի արտահանումը. գործարարներն ահազանգում են
15:59 03.06.2022 (Թարմացված է: 16:28 03.06.2022) Գործարարները կարծում են, որ պետությունն անհրաժեշտության դեպքում պետք է ներդրումներ կատարի առաջնահերթ ոլորտներում և օգնի հայկական արտադրանքին պահպանել մրցունակությունը։
ԵՐԵՎԱՆ, 3 հունիսի – Sputnik. Հայ արտահանողները կորուստներ են կրում ազգային արժույթի փոխարժեքի ամրապնդման պատճառով, և շուտով նրանք լուրջ խնդիրների առջև կարող են կանգնել։ Այս մասին այսօր հրավիրված ասուլիսում հայտարարել է «Արարատի Աբրիկոն» ոգելից խմիչքների գործարանի տնօրեն Կարեն Խաչիկյանը։
Խաչիկյանի հաշվարկներով` վերջին ամսվա ընթացքում դրամն արժևորվել է մոտ 15%-ով։ Նրա համար հասկանալի չեն դրա պատճառները, քանի որ երկրում վերջին ամսվա ընթացքում տնտեսական ակտիվությունն այդքան էլ չի աճել, բացի այդ, երկիր այդքան շատ արժույթ չի մտել, որ դրամի փոխարժեքն էապես բարձրանա։
Գործարարը չի բացառում, որ արժևորումը արհեստածին է, և ազգային արժույթի փոխարժեքը կարելի է կայունացնել։
«Օրինակ, մեկ դոլարի դիմաց 520 դրամի դեպքում մենք դեռ կարող էինք շահույթ ստանալ` վաճառելով ապրանքը 500 դրամ ինքնարժեքով։ Այժմ նույն ինքարժեքով ապրանքը մենք ստիպված ենք վաճառել 430 դրամով կամ բարձրացնել գինը։ Դա նշանակում է, որ մեր ապրանքները շուտով չեն կարողանա մրցակցել այլ երկրների արտադրանքի հետ»,- պարզաբանել է նա։
Բացի այդ, արտահանողները ստիպված կլինեն շահութահարկ վճարել, թեև վնասներ են կրում։ Բանն այն է, որ հաշիվ-ապրանքագրերում նշվում է ապրանքի արժութային արժեքը, իսկ դրամի փոխարժեքը հաշվի չի առնվում, և փաստաթղթերով ստացվում է, որ գործարարները շահույթ են ստանում, ինչն իրականում այդպես չէ։
Գործարարը չի բացառում, որ ընկերություններից մի քանիսը ստիպված կլինեն կրճատել աշխատատեղերն ու ծախսերը։ Նրա խոսքով` գործարարները դեռ պետական մարմիններին կամ ԿԲ չեն դիմել, սակայն հույս ունեն, որ խնդիրը շուտով կլուծվի։
«Բացառապես մեր բոլոր արտահանողները վնասներ են կրում։ Եթե այդ գործընթացը չդադարի, հայկական արտադրանքը ոչ մրցունակ կդառնա, և շուկաներում դրան կփոխարինեն Ղազախստանից, Ուզբեկստանից արտահանվող ապրանքները»,- նախազգուշացրեց Խաչիկյանը։
«ԱրմԲազալտ» ընկերության հիմնադիր Սոկրատ Գրիգորյանն իր հերթին պատմեց, որ դեռ 2014 թվականին է վնաս կրել և գրեթե զրկվում էր գործարանից՝ արժույթների անկայուն փոխարժեքի պատճառով։
Մասնավորապես, նա Ռուսաստան բազալտե մանրաթել էր արտահանում, և ռուբլու արժեզրկման հետևանքով ստիպված եղավ պարտքեր կուտակել։ Հետագայում հաջողվեց աստիճանաբար վերականգնել գործարանի աշխատանքը, բայց միջազգային շուկայում նոր արտադրողներ հայտնվեցին, որոնք կարող են դուրս մղել հայկական արտադրանքը։
«Մենք ևս վնաս ենք կրում, քանի որ ապրանքը Եվրոպա ենք արտահանում։ Մեր գործընկերները հաճախ անլուրջ են համարում գների բարձրացումը՝ ազգային արժույթի արժևորման պատճառով։ Ակնկալում ենք, որ պետությունը կկայունացնի իրավիճակը, և արտահանողները կշարունակեն աշխատել, ինչը նպաստում է հայկական տնտեսության զարգացմանը»,- նշեց Գրիգորյանը։
Ընկերության ղեկավարը կարծում է, որ 1-3%-ի մակարդակում փոխարժեքի տատանումներն ընդունելի են, սակայն ներկայիս 15% ցուցանիշն էապես ազդում է արտահանման վրա, և անհրաժեշտ է արագ կերպով արձագանքել իրավիճակին։
Գրիգորյանը կարծում է, որ պետությունն անհրաժեշտության դեպքում պետք է ներդրումներ կատարի առաջնահերթ ոլորտներում և հայկական արտադրանքին օգնի պահպանել մրցունակությունը։
