https://arm.sputniknews.ru/20220531/viravvorvel-e-vranum-qnaparkvov-en-ijecrel-gjugh-inchu-e-votqic-viravvor-zinvvory-mahacel-42635091.html
Վիրավորվել է վրանում, քնապարկով են իջեցրել գյուղ. ինչո՞ւ է ոտքից վիրավոր զինվորը մահացել
Վիրավորվել է վրանում, քնապարկով են իջեցրել գյուղ. ինչո՞ւ է ոտքից վիրավոր զինվորը մահացել
Sputnik Արմենիա
ԱԺ պատգամավոր Տիգրան Աբրահամյանը և «5165» շարժման առաջնորդ Կարին Տոնոյանը մանրամասներ են հայտնել զոհված զինծառայողի մահվան դեպքի վերաբերյալ։ Տեղեկությունները... 31.05.2022, Sputnik Արմենիա
2022-05-31T10:41+0400
2022-05-31T10:41+0400
2022-05-31T11:14+0400
զինծառայող
տիգրան աբրահամյան
կարին տոնոյան
մահ
զոհ
սահման
https://cdn.am.sputniknews.ru/img/07e4/0a/18/25049373_0:0:1600:901_1920x0_80_0_0_d99762036945e9c38e57d16bea0081b2.jpg
ԵՐԵՎԱՆ, 31 մայիսի – Sputnik. ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը «Ֆեյսբուքի» իր էջում մանրամասներ է հայտնել մայիսի 28-ին պարտադիր ժամկետային զինծառայող, շարքային Դավիթ Վարդանյանի` թշնամու գնդակից վիրավորվելու և մահվան դեպքով։Նշենք, որ Վարդանյանը մարտական հերթապահություն իրականացնելու ընթացքում հակառակորդի դիպուկահարի արձակած կրակոցների արդյունքում ձախ ոտքի աճուկային շրջանում ստացել էր հրազենագնդակային վիրավորում և տեղափոխվել Կապանի բժշկական կենտրոն, որտեղ մայիս 29-ին, ժամը 03:47-ին արձանագրվել է նրա մահը:Աբրահամյանը գրել է, որ ադրբեջանական լրատվամիջոցները լուսանկարներ են տարածում, որոնք ներկայացնում են Դավիթ Վարդանյանին խոցելու պահը։ Ըստ Աբրահամյանի՝ Վարդանյանը վիրավորումը ստացել է, երբ գտնվում էր վրանում։Իր հերթին, Արցախյան 44-օրյա պատերազմում զոհված Մենուա Հովհաննիսյանի մայրը՝ «5165» շարժման առաջնորդ Կարին Տոնոյանը, նշել է, որ տղան զոհվել է, քանի որ քնապարկի մեջ են իջեցրել մինչև գյուղ:«Պատկերացրե՛ք՝ ինչքան արյուն կորցրած կլինի ճանապարհին, մինչդեռ վիրավորված է եղել ընդամենը ոտքից, հանգիստ պիտի փրկեին...Անմխիթար ճանապարհներ, հերթապահ մեքենա չկա հեռու դիրքերում....Ո՞նց, ո՞նց կարող եք այսքան դաժան վարվել սեփական ժողովրդի հետ...»,- գրել է նա։Նշենք, որ ՀՀ քննչական կոմիտեում զինծառայողի մահվան դեպքի առթիվ ՀՀ քրեական օրենսգրքի 104-րդ 2-րդ մասի 7-րդ և 13-րդ կետով (ազգային, ռասայական կամ կրոնական ատելության կամ կրոնական մոլեռանդության շարժառիթով սպանությունը) նախատեսված հատկանիշներով հարուցվել է քրեական գործ:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
զինծառայող, տիգրան աբրահամյան, կարին տոնոյան, մահ, զոհ, սահման
զինծառայող, տիգրան աբրահամյան, կարին տոնոյան, մահ, զոհ, սահման
Վիրավորվել է վրանում, քնապարկով են իջեցրել գյուղ. ինչո՞ւ է ոտքից վիրավոր զինվորը մահացել
10:41 31.05.2022 (Թարմացված է: 11:14 31.05.2022) ԱԺ պատգամավոր Տիգրան Աբրահամյանը և «5165» շարժման առաջնորդ Կարին Տոնոյանը մանրամասներ են հայտնել զոհված զինծառայողի մահվան դեպքի վերաբերյալ։ Տեղեկությունները հաստատում են նաև ադրբեջանական լրատվամիջոցներում հայտնված լուսանկարները։
ԵՐԵՎԱՆ, 31 մայիսի – Sputnik. ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը
«Ֆեյսբուքի» իր էջում մանրամասներ է հայտնել մայիսի 28-ին պարտադիր ժամկետային զինծառայող, շարքային Դավիթ Վարդանյանի` թշնամու գնդակից վիրավորվելու և մահվան դեպքով։
Նշենք, որ Վարդանյանը մարտական հերթապահություն իրականացնելու ընթացքում հակառակորդի դիպուկահարի արձակած կրակոցների արդյունքում ձախ ոտքի աճուկային շրջանում ստացել էր հրազենագնդակային վիրավորում և տեղափոխվել Կապանի բժշկական կենտրոն, որտեղ մայիս 29-ին, ժամը 03:47-ին
արձանագրվել է նրա մահը:
Աբրահամյանը գրել է, որ ադրբեջանական լրատվամիջոցները լուսանկարներ են տարածում, որոնք ներկայացնում են Դավիթ Վարդանյանին խոցելու պահը։ Ըստ Աբրահամյանի՝ Վարդանյանը վիրավորումը ստացել է, երբ գտնվում էր վրանում։
«Լուսանկարներում տեսանելի է վրան, որը ենթադրաբար, մեր զինծառայողների կացարանն է։ Երբ մեր զինծառայողի զոհվելու օրն ինձ ասացին, որ խոցման պահին զինծառայողը գտնվել է վրանում (առհասարակ զորքերի պահպանության այդ հատվածում զինծառայողները վրանում են ծառայություն կրում), հիշեցի այս իշխանությունների հավաստիացումները, որ առաջնագիծն ապահովված է համապատասխան կացարաններով։ Եթե նույնիսկ վրան տեղադրվել է, ապա ի՞նչ որոշումների հիման վրա է այն տեղադրվել խոցելի, տեսանելի, թշնամու կրակի համար հասանելի հատվածում»,- գրել է պատգամավորը։
Իր հերթին, Արցախյան 44-օրյա պատերազմում զոհված Մենուա Հովհաննիսյանի մայրը՝ «5165» շարժման առաջնորդ Կարին
Տոնոյանը, նշել է, որ տղան զոհվել է, քանի որ քնապարկի մեջ են իջեցրել մինչև գյուղ:
«Պատկերացրե՛ք՝ ինչքան արյուն կորցրած կլինի ճանապարհին, մինչդեռ վիրավորված է եղել ընդամենը ոտքից, հանգիստ պիտի փրկեին...Անմխիթար ճանապարհներ, հերթապահ մեքենա չկա հեռու դիրքերում....Ո՞նց, ո՞նց կարող եք այսքան դաժան վարվել սեփական ժողովրդի հետ...»,- գրել է նա։
Նշենք, որ ՀՀ քննչական կոմիտեում
զինծառայողի մահվան դեպքի առթիվ ՀՀ քրեական օրենսգրքի 104-րդ 2-րդ մասի 7-րդ և 13-րդ կետով (ազգային, ռասայական կամ կրոնական ատելության կամ կրոնական մոլեռանդության շարժառիթով սպանությունը) նախատեսված հատկանիշներով հարուցվել է քրեական գործ:
