https://arm.sputniknews.ru/20220530/chen-qashqshel-kvonkret-khpel-en-saghateljany-vostikanneri-patgamavvornerin-harvatselu-masin-42612269.html
«Ոստիկանները չեն քաշքշել, կոնկրետ խփել են». Սաղաթելյանը` պատգամավորներին հարվածելու մասին
«Ոստիկանները չեն քաշքշել, կոնկրետ խփել են». Սաղաթելյանը` պատգամավորներին հարվածելու մասին
Sputnik Արմենիա
ԱԺ փոխխոսնակն ընդգծեց` ոստիկանությունը մի քանի հարյուր մարդ է բերման ենթարկել։ 30.05.2022, Sputnik Արմենիա
2022-05-30T15:57+0400
2022-05-30T15:57+0400
2022-05-30T17:22+0400
իշխան սաղաթելյան
բողոքի ակցիա
ընդդիմություն
դիմադրություն շարժում
հհ ոստիկանություն
ոստիկան
ծեծ
պատգամավոր
https://cdn.am.sputniknews.ru/img/07e6/05/1e/42604985_0:0:1600:901_1920x0_80_0_0_c3df5c2f45e9495735e00ec9876bb542.jpg
ԵՐԵՎԱՆ, 30 մայիսի – Sputnik. «Դիմադրություն» շարժման անդամ, ՀՀ ԱԺ փոխխոսնակ Իշխան Սաղաթելյանը վստահ է` Կառավարական 3-րդ շենքի մոտ գտնվող ոստիկանական ուժերը հստակ հանձնարարություն են ունեցել` ծեծել պատգամավորներին։ Այս մասին Սաղաթելյանն ասաց ճեպազրույցի ժամանակ։Նա ընդգծեց, որ իրենց համար ակնհայտ է` ոստիկանների մեջ կան համազգեստով հանցագործներ, որոնք ակնհայտ հանձնարարություններով ու հստակ անուններով հարձակվում են քաղաքացիների, այդ թվում՝ պատգամավորների վրա։Սաղաթելյանը շեշտեց, որ ոստիկանությունը մի քանի հարյուր մարդ է բերման ենթարկել, սակայն իրենց պայքարն անկասելի է, մարդիկ էլ վճռական են տրամադրված։ ԱԺ փոխխոսնակի պնդմամբ` ոստիկանության ծառայողների նկատմամբ հարուցված քրեական գործերի առումով հետևողական են լինելու, որպեսզի «ծածկադմփոց» չանեն։«Այսօրվա դեպքերով համապատասխան գրություններ և գործընթաց լինելու է։ Հենց հիմա մեր փաստաբաններն ու պատգամավորներն այդ ուղղությամբ աշխատում են»,- նշեց Սաղաթելյանը։Ընդդիմադիրները վերադարձան նախարարությունների շենքի մոտ. իրավիճակը լարված էՀայտնել ենք, որ այսօր Կառավարության երրորդ մասնաշենքի մոտ «Դիմադրություն» շարժման անհնազանդության ակցիայի ժամանակ ցուցարարների ու ոստիկանների միջև 2 անգամ բախում ու հրմշտոց եղավ։ Ոստիկաններն ուժի կիրառմամբ բերման ենթարկեցին ակցիայի մասնակիցներին։ Կադրերում երևում է, որ պատռվել է Իշխան Սաղաթելյանի վերնաշապիկը։Ինչպես հաղորդել ենք, «Դիմադրություն» շարժման անդամները Ֆրանսիայի հրապարակից քայլերթով հասել էին նախարարությունների այս մասնաշենքի մոտ։Շարժման անդամ Իշխան Սաղաթելյանը տեղեկացրել է, որ այսօրվանից այցելելու են պետական գիտական, կրթական տարբեր հաստատություններ` ներկայացնելու հայ-թուրքական և հայ-ադրբեջանական հարաբերությունների մասին իրենց հայտարարության տեքստը։Հավելենք, որ մայիսի 25-ին հայտնի դարձավ, որ խորհրդարանական երկու ընդդիմադիր՝ «Պատիվ ունեմ» և «Հայաստան» խմբակցությունները, հանդես են եկել արտահերթ նիստ հրավիրելու նախաձեռնությամբ։ Նրանք առաջարկում են, որ ԱԺ-ն հայտարարությամբ հանդես գա, որում, ի թիվս այլ դրույթների, նշվի, որ Արցախը երբեք չի եղել ու չի լինելու Ադրբեջանի կազմում։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իշխան սաղաթելյան, բողոքի ակցիա, ընդդիմություն, դիմադրություն շարժում, հհ ոստիկանություն, ոստիկան, ծեծ, պատգամավոր
իշխան սաղաթելյան, բողոքի ակցիա, ընդդիմություն, դիմադրություն շարժում, հհ ոստիկանություն, ոստիկան, ծեծ, պատգամավոր
«Ոստիկանները չեն քաշքշել, կոնկրետ խփել են». Սաղաթելյանը` պատգամավորներին հարվածելու մասին
15:57 30.05.2022 (Թարմացված է: 17:22 30.05.2022) ԱԺ փոխխոսնակն ընդգծեց` ոստիկանությունը մի քանի հարյուր մարդ է բերման ենթարկել։
ԵՐԵՎԱՆ, 30 մայիսի – Sputnik. «Դիմադրություն» շարժման անդամ, ՀՀ ԱԺ փոխխոսնակ Իշխան Սաղաթելյանը վստահ է` Կառավարական 3-րդ շենքի մոտ գտնվող ոստիկանական ուժերը հստակ հանձնարարություն են ունեցել` ծեծել պատգամավորներին։ Այս մասին Սաղաթելյանն ասաց ճեպազրույցի ժամանակ։
«Նրանք մեզ չեն քաշքշել, կոնկրետ խփել են ինձ, Աշոտ Սիմոնյանին, Գեղամ Մանուկյանին, Արամ Վարդևանյանին, Աղվան Վարդանյանին, Տիգրան Աբրահամյանին։ Ասում եմ նրանց անունները, ում ես տեսել եմ։ Նրանք (ոստիկանները` խմբ.) շատ հստակ հանձնարարություն են ստացել։ «Կարմիրբերետավորներին էլ ղեկավարում են հայտնի օլիգարխները»,- նշեց Սաղաթելյանը։
Նա ընդգծեց, որ իրենց համար ակնհայտ է` ոստիկանների մեջ կան համազգեստով հանցագործներ, որոնք ակնհայտ հանձնարարություններով ու հստակ անուններով հարձակվում են քաղաքացիների, այդ թվում՝ պատգամավորների վրա։
Սաղաթելյանը շեշտեց, որ ոստիկանությունը մի քանի հարյուր մարդ է բերման ենթարկել, սակայն իրենց պայքարն անկասելի է, մարդիկ էլ վճռական են տրամադրված։ ԱԺ փոխխոսնակի պնդմամբ` ոստիկանության ծառայողների նկատմամբ հարուցված քրեական գործերի առումով հետևողական են լինելու, որպեսզի «ծածկադմփոց» չանեն։
«Այսօրվա դեպքերով համապատասխան գրություններ և գործընթաց լինելու է։ Հենց հիմա մեր փաստաբաններն ու պատգամավորներն այդ ուղղությամբ աշխատում են»,- նշեց Սաղաթելյանը։
Հայտնել ենք, որ այսօր Կառավարության երրորդ մասնաշենքի մոտ «Դիմադրություն» շարժման անհնազանդության ակցիայի ժամանակ ցուցարարների ու ոստիկանների միջև 2 անգամ բախում ու հրմշտոց եղավ։ Ոստիկաններն ուժի կիրառմամբ բերման ենթարկեցին ակցիայի մասնակիցներին։ Կադրերում երևում է, որ պատռվել է Իշխան Սաղաթելյանի վերնաշապիկը։
Ինչպես
հաղորդել ենք, «Դիմադրություն» շարժման անդամները Ֆրանսիայի հրապարակից քայլերթով հասել էին նախարարությունների այս մասնաշենքի մոտ։
Շարժման անդամ Իշխան Սաղաթելյանը տեղեկացրել է, որ այսօրվանից այցելելու են պետական գիտական, կրթական տարբեր հաստատություններ` ներկայացնելու հայ-թուրքական և հայ-ադրբեջանական հարաբերությունների մասին իրենց հայտարարության տեքստը։
Հավելենք, որ
մայիսի 25-ին հայտնի դարձավ, որ խորհրդարանական երկու ընդդիմադիր՝ «Պատիվ ունեմ» և «Հայաստան» խմբակցությունները, հանդես են եկել արտահերթ նիստ հրավիրելու նախաձեռնությամբ։ Նրանք առաջարկում են, որ ԱԺ-ն հայտարարությամբ հանդես գա, որում, ի թիվս այլ դրույթների, նշվի, որ Արցախը երբեք չի եղել ու չի լինելու Ադրբեջանի կազմում։
