https://arm.sputniknews.ru/20220528/rusastany-hiperdzajnajin-zenqvov-shat-araj-e-ancel-amn-ic-rd-agn-42563694.html
Ռուսաստանը գերձայնային զենքով շատ առաջ է անցել ԱՄՆ-ից. ՌԴ ԱԳՆ
Ռուսաստանը գերձայնային զենքով շատ առաջ է անցել ԱՄՆ-ից. ՌԴ ԱԳՆ
Sputnik Արմենիա
Վաշինգտոնը փորձում է վերականգնել բարձր տեխնոլոգիական զենքի ռազմական տերության՝ իր նկատելիորեն խարխլված վարկանիշը։ 28.05.2022, Sputnik Արմենիա
2022-05-28T14:28+0400
2022-05-28T14:28+0400
2022-05-28T14:54+0400
ռուսաստան
ամն
զենք
https://cdn.am.sputniknews.ru/img/1109/97/11099758_0:0:3111:1751_1920x0_80_0_0_5211bf6343bd7e0871128098c865659b.jpg
ԵՐԵՎԱՆ, 28 մայիսի – Sputnik. Գերձայնային զենքի մշակման հարցում Ռուսաստանը շատ առաջ է անցել ԱՄՆ-ից։ ՏԱՍՍ-ի հետ զրույցում այս մասին ասել է ՌԴ ԱԳՆ սպառազինությունների չտարածման և վերահսկողության հարցերի դեպարտամենտի տնօրեն Վլադիմիր Երմակովը:Երմակովի խոսքով` Վաշինգտոնը, ըստ ամենայնի, փորձում է վերականգնել բարձր տեխնոլոգիական զենքի ռազմական տերության՝ իր նկատելիորեն խարխլված վարկանիշը։ Նա հատկանշական է համարել այն, որ չնայած հսկայական ֆինանսական ներդրումներին` ԱՄՆ-ում գերձայնային որևէ լիարժեք համակարգ մինչ օրս չի ներառվել սպառազինության մեջ։Դիվանագետը նշել է, որ հաշվի առնելով վերջին տասնամյակներում միջազգային անվտանգության ոլորտում ԱՄՆ-ի ապակառուցողական գործողությունները` չափազանցություն չի լինի ասել, որ նրանց կողմից սպառազինությունների ցանկացած նոր համակարգի ստեղծումն ինքնին ռիսկեր է ծնում այն երկրների համար, որոնք ամերիկացիները դասում են իրենց ընդդիմախոսների և հակառակորդների շարքը։«Նման սպառազինությունները նշանակում են, որ ԱՄՆ-ի տրամադրության տակ հերթական գործիքն է հայտնվում նրանց համար, ովքեր չեն ուզում հետևել Վաշինգտոնի եսասիրական նկրտումներին», - նշել է Երմակովը:Ըստ նրա` Մոսկվան, այդուհանդերձ, հուսով է, որ կշարունակի Ռազմավարական հարձակողական զենքի հետագա կրճատման և սահմանափակման միջոցառումների մասին պայմանագրի շրջանակում աշխատել Վաշինգտոնի հետ։ Նա հստակեցրել է, որ Ռուսաստանի ու ԱՄՆ-ի միջև փոխգործակցությունը այդ պայմանագրի շրջանակում չի ընդհատվել: Դրա համար նախատեսված ձևաչափերով շարունակվում է կատարման հետ կապված հարցերի քննարկումը, փոխանակվում են անհրաժեշտ տվյալները։«Մենք հույս ունենք, որ այս աշխատանքը կշարունակվի ընդհուպ մինչև պայմանագրի գործողության ժամկետի ավարտը, որը, ինչպես հայտնի է, երկարաձգվել է մինչև 2026 թվականի փետրվարը», - ասել է Երմակովը:Սակայն սպառազինությունների շուրջ երկխոսությունն անհնար կդառնա, եթե ԱՄՆ-ն ընտրի իրադրությունը սրելու ճանապարհը։ Երմակովն ընդգծել է, որ Ռուսաստանը բազմիցս հաստատել է ռազմավարական ոլորտում ռուս-ամերիկյան հնարավոր պայմանավորվածությունների համատեքստում Ռուսաստանի հեռանկարային սպառազինության (որոնք ստեղծվում են ի պատասխան ԱՄՆ-ի ապակայունացնող գործողությունների) առարկայական քննարկման պատրաստակամությունը:Հիշեցնենք` մայիսի 17-ին ԱՄՆ ՌՕՈւ-ն հայտարարել է, որ «ARRW» ծրագրի շրջանակում գերձայնային զենքի նախատիպ է փորձարկել: ԱՄՆ-ի ռազմաօդային ուժերի «Boeing B-52H» ռազմավարական ռմբակոծիչը մայիսի 14-ին Կալիֆոռնիայի նահանգի հարավային ափերի մոտ հաջողությամբ արձակել է «AGM-183A» գերձայնային հրթիռը։ Ինքնաթիռից առանձնանալուց հետո հրթիռը ձայնի արագությունը հինգ անգամ գերազանցող արագություն է զարգացրել։ ԱՄՆ-ի ՌՕՈւ-ում նշել են, որ փորձարկումն անթերի է անցել։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ամն, զենք
Ռուսաստանը գերձայնային զենքով շատ առաջ է անցել ԱՄՆ-ից. ՌԴ ԱԳՆ
14:28 28.05.2022 (Թարմացված է: 14:54 28.05.2022) Վաշինգտոնը փորձում է վերականգնել բարձր տեխնոլոգիական զենքի ռազմական տերության՝ իր նկատելիորեն խարխլված վարկանիշը։
ԵՐԵՎԱՆ, 28 մայիսի – Sputnik. Գերձայնային զենքի մշակման հարցում Ռուսաստանը շատ առաջ է անցել ԱՄՆ-ից։
ՏԱՍՍ-ի հետ զրույցում այս մասին ասել է ՌԴ ԱԳՆ սպառազինությունների չտարածման և վերահսկողության հարցերի դեպարտամենտի տնօրեն Վլադիմիր Երմակովը:
«Ամերիկացիներին իրենք են հայտարարում, որ արդեն քանի տարի է` գերձայնային համակարգերի ստեղծման գործում փորձում են հասնել Ռուսաստանին։ Մեր դեպքում դա անխուսափելի քայլ էր, որի նպատակն էր ապահովել ԱՄՆ-ի գլոբալ ՀՀՊ համակարգի երաշխավորված հաղթահարման հնարավորությունները, ինչպես նաև հուսալիորեն պահպանել ռազմավարական կայունությունը», - ասել է նա՝ մեկնաբանելով ԱՄՆ-ի այն հայտարարությունները, թե Կալիֆոռնիայում հաջողությամբ փորձարկվել է գերձայնային զենքի նախատիպը։
Երմակովի խոսքով` Վաշինգտոնը, ըստ ամենայնի, փորձում է վերականգնել բարձր տեխնոլոգիական զենքի ռազմական տերության՝ իր նկատելիորեն խարխլված վարկանիշը։ Նա հատկանշական է համարել այն, որ չնայած հսկայական ֆինանսական ներդրումներին` ԱՄՆ-ում գերձայնային որևէ լիարժեք համակարգ մինչ օրս չի ներառվել սպառազինության մեջ։
Դիվանագետը նշել է, որ հաշվի առնելով վերջին տասնամյակներում միջազգային անվտանգության ոլորտում ԱՄՆ-ի ապակառուցողական գործողությունները` չափազանցություն չի լինի ասել, որ նրանց կողմից սպառազինությունների ցանկացած նոր համակարգի ստեղծումն ինքնին ռիսկեր է ծնում այն երկրների համար, որոնք ամերիկացիները դասում են իրենց ընդդիմախոսների և հակառակորդների շարքը։
«Նման սպառազինությունները նշանակում են, որ ԱՄՆ-ի տրամադրության տակ հերթական գործիքն է հայտնվում նրանց համար, ովքեր չեն ուզում հետևել Վաշինգտոնի եսասիրական նկրտումներին», - նշել է Երմակովը:
Ըստ նրա` Մոսկվան, այդուհանդերձ, հուսով է, որ կշարունակի Ռազմավարական հարձակողական զենքի հետագա կրճատման և սահմանափակման միջոցառումների մասին պայմանագրի շրջանակում աշխատել Վաշինգտոնի հետ։
Նա հստակեցրել է, որ Ռուսաստանի ու ԱՄՆ-ի միջև փոխգործակցությունը այդ պայմանագրի շրջանակում չի ընդհատվել: Դրա համար նախատեսված ձևաչափերով շարունակվում է կատարման հետ կապված հարցերի քննարկումը, փոխանակվում են անհրաժեշտ տվյալները։
«Մենք հույս ունենք, որ այս աշխատանքը կշարունակվի ընդհուպ մինչև պայմանագրի գործողության ժամկետի ավարտը, որը, ինչպես հայտնի է, երկարաձգվել է մինչև 2026 թվականի փետրվարը», - ասել է Երմակովը:
Սակայն սպառազինությունների շուրջ երկխոսությունն անհնար կդառնա, եթե ԱՄՆ-ն ընտրի իրադրությունը սրելու ճանապարհը։ Երմակովն ընդգծել է, որ Ռուսաստանը բազմիցս հաստատել է ռազմավարական ոլորտում ռուս-ամերիկյան հնարավոր պայմանավորվածությունների համատեքստում Ռուսաստանի հեռանկարային սպառազինության (որոնք ստեղծվում են ի պատասխան ԱՄՆ-ի ապակայունացնող գործողությունների) առարկայական քննարկման պատրաստակամությունը:
Հիշեցնենք` մայիսի 17-ին ԱՄՆ ՌՕՈւ-ն հայտարարել է, որ «ARRW» ծրագրի շրջանակում գերձայնային զենքի նախատիպ է փորձարկել: ԱՄՆ-ի ռազմաօդային ուժերի «Boeing B-52H» ռազմավարական ռմբակոծիչը մայիսի 14-ին Կալիֆոռնիայի նահանգի հարավային ափերի մոտ հաջողությամբ արձակել է «AGM-183A» գերձայնային հրթիռը։ Ինքնաթիռից առանձնանալուց հետո հրթիռը ձայնի արագությունը հինգ անգամ գերազանցող արագություն է զարգացրել։ ԱՄՆ-ի ՌՕՈւ-ում նշել են, որ փորձարկումն անթերի է անցել։
