https://arm.sputniknews.ru/20220520/nikvol-pashinjany-fvorumi-masnakicnerin-arajarkec-tsapaharel-hh-qaghaqacun-42272742.html
Նիկոլ Փաշինյանը ֆորումի մասնակիցներին առաջարկեց ծափահարել ՀՀ քաղաքացուն
Նիկոլ Փաշինյանը ֆորումի մասնակիցներին առաջարկեց ծափահարել ՀՀ քաղաքացուն
Sputnik Արմենիա
«Մարիոթ» հյուրանոցի ներսում շարունակվում է «Ժողովրդավարության հայկական ֆորում» միջոցառումը, բակում քաղաքացիները բողոքի ցույց են անում։ 20.05.2022, Sputnik Արմենիա
2022-05-20T12:40+0400
2022-05-20T12:40+0400
2022-05-20T12:59+0400
նիկոլ փաշինյան
«մարիոթ» հյուրանոց
համաժողով
հայաստան
ժողովրդավարություն
https://cdn.am.sputniknews.ru/img/07e6/05/14/42282015_0:0:1670:940_1920x0_80_0_0_778029e8f526ef8866602909eaf647b2.jpg
ԵՐԵՎԱՆ, 20 մայիսի – Sputnik. ՀՀ վարչապետ Նիկոլ Փաշինյանը Երևանի «Մարիոթ» հյուրանոցում ընթացող «Ժողովրդավարության հայկական ֆորումում» իր ելույթի ժամանակ ներկաներին առաջարկեց ծափահարել ՀՀ քաղաքացուն։ Փաշինյանն իր ելույթում նաև շեշտեց, որ ՀՀ քաղաքացին մանդատ է տվել ՀՀ կառավարությանը, որն իր հերթին որդեգրել է խաղաղության ու անվտանգության օրակարգը։ Այս առումով վարչապետը կարևորեց որոշում կայացնելու հարցում ՀՀ քաղաքացու տեղեկացվածությունը ներքին ու արտաքին հարցերի վերաբերյալ։ ՀՀ վարչապետն իր ելույթում հայտարարեց, որ իշխող քաղաքական ուժը Հայաստանին բերել է ժողովրդավարություն, և հիմա իր առաքելությունն է համարում ՀՀ-ին խաղաղություն բերելը։ Փաշինյանը համոզմունք հայտնեց, որ այդ հարցում իրենք հաջողելու են։«Եվ ես կարծում եմ, որ այս առաքելության շուրջ պետք է համախմբվեն ՀՀ բոլոր ժողովրդավարական ուժերը»,- ասաց նա։Վարչապետը նշեց նաև, որ ժողովրդավարությունը Հայաստանում անամպ չէ և բախվում է մի շարք խնդիրների։ Որպես այդպիսին` Փաշինյանը նշեց «ժողովրդավարության օգտագործումը ժողովրդավարության դեմ»։Մարտահրավերների շարքում Փաշինյանը հիշատակեց նաև դատական համակարգի անկատարությունը` շեշտելով համակարգի բարեփոխումների անհրաժեշտությունը։Նշենք, որ Երևանի «Մարիոթ» հյուրանոցում ընթացող «Ժողովրդավարության հայկական ֆորումին» զուգահեռ՝ հյուրանոցի բակում քաղաքացիները բողոքի ակցիա են իրականացնում։
https://arm.sputniknews.ru/20220520/amvot-marivot-hjuranvoc-ekats-nikvol-pashinjanin-ynddimadirnery-sulvocnervov-dimavvorecin-42271677.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, «մարիոթ» հյուրանոց, համաժողով, հայաստան, ժողովրդավարություն
նիկոլ փաշինյան, «մարիոթ» հյուրանոց, համաժողով, հայաստան, ժողովրդավարություն
Նիկոլ Փաշինյանը ֆորումի մասնակիցներին առաջարկեց ծափահարել ՀՀ քաղաքացուն
12:40 20.05.2022 (Թարմացված է: 12:59 20.05.2022) «Մարիոթ» հյուրանոցի ներսում շարունակվում է «Ժողովրդավարության հայկական ֆորում» միջոցառումը, բակում քաղաքացիները բողոքի ցույց են անում։
ԵՐԵՎԱՆ, 20 մայիսի – Sputnik. ՀՀ վարչապետ Նիկոլ Փաշինյանը Երևանի «Մարիոթ» հյուրանոցում ընթացող «Ժողովրդավարության հայկական ֆորումում» իր ելույթի ժամանակ ներկաներին առաջարկեց ծափահարել ՀՀ քաղաքացուն։
«Ես կուզենայի, որ մենք ծափահարենք ՀՀ քաղաքացուն, ով ՀՀ-ում ժողովրդավարության առանցքն է, հենասյունն է և անկյունաքարն է»,- ասաց Փաշինյանը, և ներկաները ծափահարեցին։
Փաշինյանն իր ելույթում նաև շեշտեց, որ ՀՀ քաղաքացին մանդատ է տվել ՀՀ կառավարությանը, որն իր հերթին որդեգրել է խաղաղության ու անվտանգության օրակարգը։
Այս առումով վարչապետը կարևորեց որոշում կայացնելու հարցում ՀՀ քաղաքացու տեղեկացվածությունը ներքին ու արտաքին հարցերի վերաբերյալ։
«Երբ վերջին շրջանում մենք անդրադառնում ենք խաղաղության օրակարգին վերաբերող հարցերին, բանակցային հարցերին, պատմությանը, ոմանք դա մեկնաբանում են, թե բանավեճ է տեղի ունենում նախկին ու ներկա իշխանությունների միջև։ Դա ամենևին կապ չունի դրա հետ։ Ես և մեր քաղաքական թիմը իր պարտքն է համարում քաղաքացիներին բավարար և պատշաճ տեղեկատվություն տալ մեզ հետ տեղի ունեցածի վերաբերյալ»,- ասաց Փաշինյանը։
ՀՀ վարչապետն իր ելույթում հայտարարեց, որ իշխող քաղաքական ուժը Հայաստանին բերել է ժողովրդավարություն, և հիմա իր առաքելությունն է համարում ՀՀ-ին խաղաղություն բերելը։ Փաշինյանը համոզմունք հայտնեց, որ այդ հարցում իրենք հաջողելու են։
«Եվ ես կարծում եմ, որ այս առաքելության շուրջ պետք է համախմբվեն ՀՀ բոլոր ժողովրդավարական ուժերը»,- ասաց նա։
Վարչապետը նշեց նաև, որ ժողովրդավարությունը Հայաստանում անամպ չէ և բախվում է մի շարք խնդիրների։ Որպես այդպիսին` Փաշինյանը նշեց «ժողովրդավարության օգտագործումը ժողովրդավարության դեմ»։
«Դա այն է, երբ ժողովրդավարության սկզբունքներն օգտագործում են ժողովրդավարության ոչնչացման համար։ Եվ այս ճանապարհին մենք պետք է արձանագրենք մեր ռազմավարությունը, թե ինչպես պետք է հաղթահարենք այս մարտահրավերը, և իմ մեծագույն համոզմունքն է, որ դրա լավագույն ձևը ժողովրդավարական ինստիտուտների կայացումն է և պետական ինստիտուտների ժողովրդավարացումը»,- ասաց նա։
Մարտահրավերների շարքում Փաշինյանը հիշատակեց նաև դատական համակարգի անկատարությունը` շեշտելով համակարգի բարեփոխումների անհրաժեշտությունը։
Նշենք, որ Երևանի «Մարիոթ» հյուրանոցում ընթացող «Ժողովրդավարության հայկական ֆորումին» զուգահեռ՝ հյուրանոցի բակում
քաղաքացիները բողոքի ակցիա են իրականացնում։
