https://arm.sputniknews.ru/20220516/dahuk-kqshen-tesarzhan-vajr-kgnan-nvor-sarqy-sajlakvov-mardkanc-kazati-30-hivandutjunic-41979763.html
Դահուկ կքշեն, տեսարժան վայր կգնան. նոր սարքը սայլակով մարդկանց կազատի 30 հիվանդությունից
Դահուկ կքշեն, տեսարժան վայր կգնան. նոր սարքը սայլակով մարդկանց կազատի 30 հիվանդությունից
Sputnik Արմենիա
Երբ մարդու քայլքի ֆունկցիան խանգարված է` ողնուղեղի վնասվածքի, ուղեղային կաթվածի կամ ցրված սկլերոզի պարագայում, սարքը օգնում է վերականգնվել։ 16.05.2022, Sputnik Արմենիա
2022-05-16T08:45+0400
2022-05-16T08:45+0400
2022-05-16T09:40+0400
հաշմանդամ
https://cdn.am.sputniknews.ru/img/07e6/05/0d/42014627_0:140:1600:1040_1920x0_80_0_0_bbb9d396ba419ccaf83fc20fb5b45d5a.jpg
ԵՐԵՎԱՆ, 15 մայիսի – Sputnik, Լիլիթ Դեմուրյան. Հայ մասնագետները հենաշարժողական խնդիրներ ունեցող, հիմնականում՝ նստակյաց անձանց համար, կարևոր սարք են ստեղծել «MetaGait» նախագծի շրջանակում։Նոր սարքը հնարավորություն կտա ազատվելու շուրջ 30 հիվանդություններից, որոշ դեպքերում` նաև ոտքի կանգնել։Sputnik Արմենիան զրուցել է գաղափարի հեղինակ, կինեզիոլոգ, «QaylTech» ընկերության հիմնադիր Դավիթ Արսենյանի հետ։Պարզվել է, որ տվյալ տեխնոլոգիան մասնագետները սկսել են մշակել 2016 թվականին։ Իսկ հիմա նորաստեղծ սարքն արդեն սկսել են գործածել, և արդյունքները շուտով տեսանելի կլինեն։«Նման սարք ստեղծելու միտքն առաջացել է Ապրիլյան պատերազմից մոտ 2 տարի հետո, երբ ընկերներով աշխատում էինք զինհաշմանդամների հետ։ Այն տղաները, որոնք տեղաշարժվում են սայլակով, նստակյաց կյանքի պատճառով առողջական բազմաթիվ այլ խնդիրներ են ձեռք բերում։ Վերականգնողական բուժման հաջորդ փուլերում արդեն անհրաժեշտություն է առաջանում այդ հիվանդություններն էլ բուժել։ Հենց այս ամենից ելնելով` առաջացավ այս սարքը ստեղծելու գաղափարը։ Այն հնարավորություն կտա հաշմանդամություն ունեցող բոլոր անձանց հեռավար ռեաբիլիտացիա անցնելու»,- նշեց Արսենյանը։Նորաստեղծ սարքի մի կարևոր հատվածն է վիրտուալ իրականության ակնոցը (VR)։ Կանգնելով սարքին և դնելով ակնոցը` մարդիկ տեսնում են իրենց ոտքերը, և ուղեղն ազդակներ է ստանում և ընկալում, թե իրենք իրականում են քայլում։ Սարքի հատուկ մեխանիզմն աշխատեցնում է ոտքերի, ձեռքերի ու մարմնի այլ մկաններ։ Ակնոցն էլ նրանց տեղափոխում է տեսարժան վայրերով շրջելու (Տաթև վանական համալիր, Շուշիի Ղազանչեցոց եկեղեցի) կամ լեռներ՝ դահուկ քշելու։ Սարքը ստեղծվել է այն անձանց համար, որոնք ողնուղեղի վնասվածք, ուղեղային կաթված (ինսուլտ) են ստացել կամ ախտորոշվել է ցրված սկլերոզ։Ներկայում այս սարքի 1 օրինակ կա, սակայն այժմ սկսվել է դրամահավաք, որի միջոցով նախատեսվում է ստեղծել 35 հատ, որից 25-ը զինհաշմանդամների, մյուս 10-ն էլ՝ մանկական ուղեղային կաթվածով անձանց համար։«Այս անձանց առաջնահերթությունները տրված են ըստ տրավմաների, ցուցումների կամ հակացուցումների։ Մարդիկ կան, որ սարքի կարիքը կունենան մոտ 1 տարի հետո, երբ կանցնեն վերականգնողական բուժման փուլը»,- ասաց նախագծի հեղինակը։«QaylTech»-ում բուժում ստացող Գոհար Նավասարդյանը, որն ունի հենաշարժողական խնդիրներ, այժմ կամավոր փորձարկում է սարքը։ Նրա մոտ 13 տարեկանում մենինգիտ է ախտորոշվել, ինչից հետո բարդություններ են առաջացել։ Արդյունքում աղջիկը ձեռք է բերել հենաշարժողական խնդիրներ ու, արդեն 19 տարի է, ինչ սայլակով է տեղաշարժվում։«VR ակնոցով ենթագիտակցորեն վերհիշում ես քայլելու հաճույքը, որը 13 տարի ունեցել ես ու երկար ժամանակ չես զգացել։ Այս ամենն ինձ թույլ է տալիս ավելի մոտիվացվել ու պայքարել անկախ հոգնածությունից կամ ցանկության որոշակի բացակայությունից»,- նշեց Գոհարը։Գոհարի համար նորաստեղծ սարքը եզակի բան է, որը թույլ է տալիս վերհիշել այն, ինչ վաղուց մոռացվել էր։ Շուրջ 20 տարի վերականգնողական բուժում է ստացել, ինչպես նաև սպորտով է զբաղվել` պարահոկեյով։ Ասում է` երբեք սեփական աշխատանքի նկատմամբ այսքան հավատով լցված չի եղել։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Դահուկ կքշեն, տեսարժան վայր կգնան. նոր սարքը սայլակով մարդկանց կազատի 30 հիվանդությունից
Sputnik Արմենիա
Դահուկ կքշեն, տեսարժան վայր կգնան. նոր սարքը սայլակով մարդկանց կազատի 30 հիվանդությունից
2022-05-16T08:45+0400
true
PT0M13S
Sputnik Արմենիա
media@sputniknews.com
+74956456601
MIA „Rossiya Segodnya“
հաշմանդամ
Դահուկ կքշեն, տեսարժան վայր կգնան. նոր սարքը սայլակով մարդկանց կազատի 30 հիվանդությունից
08:45 16.05.2022 (Թարմացված է: 09:40 16.05.2022) Երբ մարդու քայլքի ֆունկցիան խանգարված է` ողնուղեղի վնասվածքի, ուղեղային կաթվածի կամ ցրված սկլերոզի պարագայում, սարքը օգնում է վերականգնվել։
ԵՐԵՎԱՆ, 15 մայիսի – Sputnik, Լիլիթ Դեմուրյան. Հայ մասնագետները հենաշարժողական խնդիրներ ունեցող, հիմնականում՝ նստակյաց անձանց համար, կարևոր սարք են ստեղծել «MetaGait» նախագծի շրջանակում։
Նոր սարքը հնարավորություն կտա ազատվելու շուրջ 30 հիվանդություններից, որոշ դեպքերում` նաև ոտքի կանգնել։
Sputnik Արմենիան զրուցել է գաղափարի հեղինակ, կինեզիոլոգ, «QaylTech» ընկերության հիմնադիր Դավիթ Արսենյանի հետ։
Պարզվել է, որ տվյալ տեխնոլոգիան մասնագետները սկսել են մշակել 2016 թվականին։ Իսկ հիմա նորաստեղծ սարքն արդեն սկսել են գործածել, և արդյունքները շուտով տեսանելի կլինեն։
«Նման սարք ստեղծելու միտքն առաջացել է Ապրիլյան պատերազմից մոտ 2 տարի հետո, երբ ընկերներով աշխատում էինք զինհաշմանդամների հետ։ Այն տղաները, որոնք տեղաշարժվում են սայլակով, նստակյաց կյանքի պատճառով առողջական բազմաթիվ այլ խնդիրներ են ձեռք բերում։ Վերականգնողական բուժման հաջորդ փուլերում արդեն անհրաժեշտություն է առաջանում այդ հիվանդություններն էլ բուժել։ Հենց այս ամենից ելնելով` առաջացավ այս սարքը ստեղծելու գաղափարը։ Այն հնարավորություն կտա հաշմանդամություն ունեցող բոլոր անձանց հեռավար ռեաբիլիտացիա անցնելու»,- նշեց Արսենյանը։
Նորաստեղծ սարքի մի կարևոր հատվածն է վիրտուալ իրականության ակնոցը (VR)։ Կանգնելով սարքին և դնելով ակնոցը` մարդիկ տեսնում են իրենց ոտքերը, և ուղեղն ազդակներ է ստանում և ընկալում, թե իրենք իրականում են քայլում։ Սարքի հատուկ մեխանիզմն աշխատեցնում է ոտքերի, ձեռքերի ու մարմնի այլ մկաններ։ Ակնոցն էլ նրանց տեղափոխում է տեսարժան վայրերով շրջելու (Տաթև վանական համալիր, Շուշիի Ղազանչեցոց եկեղեցի) կամ լեռներ՝ դահուկ քշելու։ Սարքը ստեղծվել է այն անձանց համար, որոնք ողնուղեղի վնասվածք, ուղեղային կաթված (ինսուլտ) են ստացել կամ ախտորոշվել է ցրված սկլերոզ։
Ներկայում այս սարքի 1 օրինակ կա, սակայն այժմ սկսվել է դրամահավաք, որի միջոցով նախատեսվում է ստեղծել 35 հատ, որից 25-ը զինհաշմանդամների, մյուս 10-ն էլ՝ մանկական ուղեղային կաթվածով անձանց համար։
«Այս անձանց առաջնահերթությունները տրված են ըստ տրավմաների, ցուցումների կամ հակացուցումների։ Մարդիկ կան, որ սարքի կարիքը կունենան մոտ 1 տարի հետո, երբ կանցնեն վերականգնողական բուժման փուլը»,- ասաց նախագծի հեղինակը։
«QaylTech»-ում բուժում ստացող Գոհար Նավասարդյանը, որն ունի հենաշարժողական խնդիրներ, այժմ կամավոր փորձարկում է սարքը։ Նրա մոտ 13 տարեկանում մենինգիտ է ախտորոշվել, ինչից հետո բարդություններ են առաջացել։ Արդյունքում աղջիկը ձեռք է բերել հենաշարժողական խնդիրներ ու, արդեն 19 տարի է, ինչ սայլակով է տեղաշարժվում։
«VR ակնոցով ենթագիտակցորեն վերհիշում ես քայլելու հաճույքը, որը 13 տարի ունեցել ես ու երկար ժամանակ չես զգացել։ Այս ամենն ինձ թույլ է տալիս ավելի մոտիվացվել ու պայքարել անկախ հոգնածությունից կամ ցանկության որոշակի բացակայությունից»,- նշեց Գոհարը։
Գոհարի համար նորաստեղծ սարքը եզակի բան է, որը թույլ է տալիս վերհիշել այն, ինչ վաղուց մոռացվել էր։ Շուրջ 20 տարի վերականգնողական բուժում է ստացել, ինչպես նաև սպորտով է զբաղվել` պարահոկեյով։ Ասում է` երբեք սեփական աշխատանքի նկատմամբ այսքան հավատով լցված չի եղել։
