https://arm.sputniknews.ru/20220512/ynddimadir-patgamavvorneric-karvogh-en-vercnel-mandatnery-azh-um-bacatrel-en-skheman-41969483.html
Ընդդիմադիր պատգամավորներից կարող են վերցնել մանդատները. ԱԺ-ում բացատրել են սխեման
Ընդդիմադիր պատգամավորներից կարող են վերցնել մանդատները. ԱԺ-ում բացատրել են սխեման
Sputnik Արմենիա
Գործող օրենսդրությունը պատգամավորների երկարատև բացակայության դեպքում նախատեսում է նրանց լիազորությունների դադարեցում։ 12.05.2022, Sputnik Արմենիա
2022-05-12T20:52+0400
2022-05-12T20:52+0400
2022-05-12T22:02+0400
ընդդիմություն
աժ (ազգային ժողով)
մանդատ
իշխանություն
https://cdn.am.sputniknews.ru/img/07e5/08/04/28548209_0:85:1600:985_1920x0_80_0_0_d4b4596b38142cd78154f4aca8fb8dd2.jpg
ԵՐԵՎԱՆ, 12 մայիսի – Sputnik, Աշոտ Սաֆարյան. Հայկական մամուլում և սոցցանցերում այս օրերին ակտիվացել են քննարկումներն ընդդիմադիր խմբակցությունների պատգամավորներին մանդատներից զրկելու հնարավորության շուրջ։ Պատճառը փողոցային ակցիաների և բողոքի շարժման պատճառով նրանց երկարատև բացակայությունն է նիստերից։ Որոշ պարբերականներ գրում են` իշխանությունները մտածում են, թե ինչպես առանց մանդատի թողնեն մեկ տասնյակից ավելի բացակայողներին։Մինչդեռ, ինչպես Sputnik Արմենիային տված մեկնաբանությունում նշեց խորհրդարանի խոսնակի մամուլի քարտուղար Ծովինար Խաչատրյանը, մանդատից զրկելու գործընթացը հիմա վաղաժամ է: Ամեն ամիս Ազգային ժողովի քարտուղարությունն ամփոփում և կազմում է պատգամավորների բացակայությունների վիճակագրությունը: Խորհրդարանի ներկայիս՝ գարնանային նստաշրջանի վերջին նիստը նախատեսված է հունիսի 17-ին:ՀՀ «Ազգային ժողովի կանոնակարգ» օրենքի համաձայն` միայն դրանից հետո կամփոփվեն արդյունքները, որոնց հիման վրա էլ որոշում կկայացնեն։ Եվ եթե պատգամավորը բացակա է եղել գարնանային նստաշրջանի նիստերի առնվազն կեսից, ապա դրվում է մանդատից զրկելու հարցը։ԱԺ ընդդիմադիր խմբակցությունները բոյկոտեցին ԱԺ նիստը. նրանք մեկնում են ԱրցախԽաչատրյանի խոսքով` պետք է նաև հաշվի առնել, որ մինչև հունիսի 17-ը կարող են լինել նաև արտահերթ նիստեր։ Արտահերթների բացթողումները նույնպես ընդհանուր վիճակագրության մեջ հաշվի են առնվում։Օրենքը նաև սահմանում է, որ յուրաքանչյուր խմբակցություն միայն մեկ անգամ կարող է բացակայել նիստից։ Այդ սահմանաչափն ընդդիմադիր ուժերն արդեն սպառել են։Ինչ վերաբերում է մանդատներից զրկելու բուն ընթացակարգին, եթե պատգամավորը բաց է թողել նիստերի կեսը և ավելին, ապա Ազգային ժողովի խորհուրդը պատգամավորի լիազորությունները դադարեցնելու նպատակով դիմում է Սահմանադրական դատարան: ՍԴ կարող է դիմել նաև պատգամավորների ընդհանուր թվի առնվազն 1/5-ը։ «ՔՊ» Իշխանական պատգամավոր Վահագն Ալեքսանյանը Sputnik Արմենիային ասաց, որ խորհրդարանական մեծամասնությունը՝ ի դեմս «Քաղաքացիական պայմանագիր» կուսակցության, այդ հնարավորությունը դեռ չի քննարկել։ Համենայն դեպս, իրեն այդ մասին ոչինչ հայտնի չէ։Հիշեցնենք, որ ապրիլի 26-ից Երևանում և որոշ մարզերում բողոքի ակցիաներ են ընթանում՝ Նիկոլ Փաշինյանի կառավարության հրաժարականի պահանջով։ Ակցիաներին մասնակցում են ընդդիմադիր երկու խմբակցությունների՝ «Հայաստան» և «Պատիվ ունեմ» դաշինքների պատգամավորները։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ընդդիմություն, աժ (ազգային ժողով), մանդատ, իշխանություն
ընդդիմություն, աժ (ազգային ժողով), մանդատ, իշխանություն
Ընդդիմադիր պատգամավորներից կարող են վերցնել մանդատները. ԱԺ-ում բացատրել են սխեման
20:52 12.05.2022 (Թարմացված է: 22:02 12.05.2022) Գործող օրենսդրությունը պատգամավորների երկարատև բացակայության դեպքում նախատեսում է նրանց լիազորությունների դադարեցում։
ԵՐԵՎԱՆ, 12 մայիսի – Sputnik, Աշոտ Սաֆարյան. Հայկական մամուլում և սոցցանցերում այս օրերին ակտիվացել են քննարկումներն ընդդիմադիր խմբակցությունների պատգամավորներին մանդատներից զրկելու հնարավորության շուրջ։ Պատճառը փողոցային ակցիաների և բողոքի շարժման պատճառով նրանց երկարատև բացակայությունն է նիստերից։ Որոշ պարբերականներ գրում են` իշխանությունները մտածում են, թե ինչպես առանց մանդատի թողնեն մեկ տասնյակից ավելի բացակայողներին։
Ըստ օրենքի՝ պատգամավորը կարող է զրկվել մանդատից, եթե մեկ օրացուցային կիսամյակի ընթացքում ոչ հարգելի պատճառով բացակայել է նիստերի առնվազն կեսից։ Բայց նախաձեռնողները դեռ պետք է ապացուցեն, որ «բացակաները» անհարգելի են եղել։
Մինչդեռ, ինչպես
Sputnik Արմենիային տված մեկնաբանությունում նշեց խորհրդարանի խոսնակի մամուլի քարտուղար Ծովինար Խաչատրյանը, մանդատից զրկելու գործընթացը հիմա վաղաժամ է: Ամեն ամիս Ազգային ժողովի քարտուղարությունն ամփոփում և կազմում է պատգամավորների բացակայությունների վիճակագրությունը: Խորհրդարանի ներկայիս՝ գարնանային նստաշրջանի վերջին նիստը նախատեսված է հունիսի 17-ին:
ՀՀ «Ազգային ժողովի կանոնակարգ» օրենքի համաձայն` միայն դրանից հետո կամփոփվեն արդյունքները, որոնց հիման վրա էլ որոշում կկայացնեն։ Եվ եթե պատգամավորը բացակա է եղել գարնանային նստաշրջանի նիստերի առնվազն կեսից, ապա դրվում է մանդատից զրկելու հարցը։
Խաչատրյանի խոսքով` պետք է նաև հաշվի առնել, որ մինչև հունիսի 17-ը կարող են լինել նաև արտահերթ նիստեր։ Արտահերթների բացթողումները նույնպես ընդհանուր վիճակագրության մեջ հաշվի են առնվում։
«Բացակայությունները հարգելի կհամարվեն, եթե պատգամավորը գործուղման մեջ է եղել կամ նիստերին չի մասնակցել հիվանդության պատճառով։ Այդ դեպքում նա պետք է ներկայացնի տեղեկանք անաշխատունակության մասին։ Մնացած բոլոր դեպքերում բացակայությունն անհարգելի կհամարվի»,- նշեց ԱԺ նախագահի մամուլի քարտուղարը։
Օրենքը նաև սահմանում է, որ յուրաքանչյուր խմբակցություն միայն մեկ անգամ կարող է բացակայել նիստից։ Այդ սահմանաչափն ընդդիմադիր ուժերն արդեն սպառել են։
Ինչ վերաբերում է մանդատներից զրկելու բուն ընթացակարգին, եթե պատգամավորը բաց է թողել նիստերի կեսը և ավելին, ապա Ազգային ժողովի խորհուրդը պատգամավորի լիազորությունները դադարեցնելու նպատակով դիմում է Սահմանադրական դատարան: ՍԴ կարող է դիմել նաև պատգամավորների ընդհանուր թվի առնվազն 1/5-ը։ «ՔՊ» Իշխանական պատգամավոր Վահագն Ալեքսանյանը
Sputnik Արմենիային ասաց, որ խորհրդարանական մեծամասնությունը՝ ի դեմս «Քաղաքացիական պայմանագիր» կուսակցության, այդ հնարավորությունը դեռ չի քննարկել։ Համենայն դեպս, իրեն այդ մասին ոչինչ հայտնի չէ։
«Մեր ընդդիմադիր գործընկերների երկարատև բացակայությունը, բնականաբար, դատապարտելի է։ Նրանք աշխատավարձ են ստանում մեր հարկատուների փողերից և պետք է աշխատեն։ Բայց ընդդիմությունը զբաղված է ամեն ինչով, բացի իր անմիջական գործառույթներից՝ խորհրդարանական աշխատանքի կատարումից։ Բայց եթե քննարկումներ լինեն լիազորությունների դադարեցման հարցի շուրջ, մենք այդ մասին կտեղեկացնենք»,- հայտարարեց Ալեքսանյանը։
Հիշեցնենք, որ ապրիլի 26-ից Երևանում և որոշ մարզերում բողոքի ակցիաներ են ընթանում՝ Նիկոլ Փաշինյանի կառավարության հրաժարականի պահանջով։ Ակցիաներին մասնակցում են ընդդիմադիր երկու խմբակցությունների՝ «Հայաստան» և «Պատիվ ունեմ» դաշինքների պատգամավորները։
