Մեծ սխալ կլինի F-16 կործանիչների վաճառքը Թուրքիային. Ֆրենկ Փալոն
11:17 08.04.2022 (Թարմացված է: 12:50 08.04.2022)
Բաժանորդագրվել
Փալոնն իր թվիթերյան էջում գրառում է արել` անդրադառնալով ԱՄՆ պետդեպարտամենտի նամակին։
ԵՐԵՎԱՆ, 8 ապրիլի – Sputnik. ԱՄՆ Ներկայացուցիչների պալատի անդամ Ֆրենկ Փալոնը կարծում է, որ մեծ սխալ կլինի Թուրքիային F-16 Block 70` մոդիֆիկացված կործանիչներ վաճառելը։ Փալոնն իր թվիթերյան էջում գրառում է արել` անդրադառնալով ԱՄՆ պետդեպարտամենտի նամակին։
It would be a huge mistake for @StateDept to sell F-16 fighter jets to Turkey, an autocratic regime that has failed to live up to its NATO responsibilities. Accepting Erdogan's dangerous proposal would reward him for human rights abuses and malign activities in Turkey and abroad. https://t.co/xRlFuQMtFN
— Rep. Frank Pallone (@FrankPallone) April 7, 2022
Հոկտեմբերին Թուրքիան դիմել էր Միացյալ Նահանգներին՝ F-16 40 կործանիչների, ինչպես նաև իր ունեցած ռազմական ինքնաթիռների արդիականացման 80 սարքավորումների գնման խնդրանքով: Երեկ հայտնի դարձավ, որ ԱՄՆ պետդեպարտամենտը նամակ է հղել Կոնգրեսին, որտեղ ասվում է` Թուրքիային F-16 կործանիչների հնարավոր վաճառքը համապատասխանում է Վաշինգտոնի շահերին:
«Պետդեպարտամենտի կողմից մեծ սխալ կլինի F-16 կործանիչների վաճառքը Թուրքիային՝ ավտորիտար ռեժիմին, որը չկատարեց ՆԱՏՕ-ի հանդեպ իր պարտավորությունները։ Նման վտանգավոր առաջարկի ընդունումն Էրդողանին կխրախուսի Թուրքիայում և արտասահմանում մարդու իրավունքների խախտումների և չարամիտ գործունեության հարցում»,–գրել է Փալոնը։
Հավելենք, որ մարտի վերջին Թուրքիայի պաշտպանության նախարար Հուլուսի Աքարը հայտնել էր, որ F-16 կործանիչների մատակարարման շուրջ ԱՄՆ–ի հետ երկկողմ բանակցությունները դրական և կառուցողական մթնոլորտում են անցել։
