https://arm.sputniknews.ru/20220326/shat-erekhaner-krkes-en-galis-vajri-kendaniner-tesnelu-orenqi-drakan-ev-bacasakan-kvoghmery-40172630.html

Շատ երեխաներ կրկես են գալիս վայրի կենդանիներ տեսնելու. օրենքի դրական և բացասական կողմերը

Շատ երեխաներ կրկես են գալիս վայրի կենդանիներ տեսնելու. օրենքի դրական և բացասական կողմերը

Sputnik Արմենիա

Հայաստանի միակ կին կենդանավարժ երևանյան կրկեսի գլխավոր ռեժիսոր Նաիրա Պետրոսյանն ասում է, որ ընդունված օրենքը գուցե և ճիշտ է։ 26.03.2022, Sputnik Արմենիա

2022-03-26T11:47+0400

2022-03-26T11:47+0400

2022-03-26T11:47+0400

կրկես

հայաստան

օրենք

աժ (ազգային ժողով)

կենդանի

սոս պետրոսյան

https://cdn.am.sputniknews.ru/img/07e6/03/18/40146112_0:0:1600:901_1920x0_80_0_0_303765054e75e3846bafa358a1ce313b.jpg

ԵՐԵՎԱՆ, 26 մարտի – Sputnik, Լիլիթ Դեմուրյան. Աշխարհում բազմաթիվ կրկեսներ կան, որտեղ առհասարակ կենդանիներ չկան, սակայն մյուս կողմից էլ շատ երեխաներ կրկես են գալիս հենց վայրի կենդանիներ տեսնելու համար։Այսպես է կարծում Հայաստանում երևանյան կրկեսի գլխավոր ռեժիսոր, միակ կին կենդանավարժ Նաիրա Պետրոսյանը, որը Sputnik Արմենիայի հետ զրույցում խոսել է ՀՀ ԱԺ ընդունած օրինագծի մասին, համաձայն որի` կրկեսում արգելվում է վայրի կենդանիների օգտագործումը:«Ոլորտին ծանոթ եմ դեռ մանկուց, հորս հետ (կրկեսի տնօրեն Սոս Պետրոսյան` խմբ.) միշտ եմ եղել կրկեսում, բայց վայրի կենդանիների հետ համարներից վախեցել եմ։ Տարիներ անց սովորել եմ չվախենալ ու աշխատել նաև արջերի ու առյուծների հետ։ Մի կողմից գուցե ճիշտ որոշում է` վայրի կենդանիները հաճախ նաև վտանգ են ներկայացնում հենց իրենց վարժեցնողների համար։ Սակայն մյուս կողմից էլ սխալ եմ համարում, քանի որ երեխաները կրկես են գալիս ու առաջին հերթին ցանկանում են առյուծ ու արջ տեսնել, թեպետ ընտանի կենդանիների մասնակցությամբ համարներն էլ ոչ պակաս հետաքրքիր ու գեղեցիկ են»,– նշեց Պետրոսյանը։Նա ընդգծեց, որ մինչ վայրի կենդանիների վարժեցնելը, աշխատել է նաև այլ կենդանիների հետ` ջայլամների, լամաների, ձիերի, ավանակների, շների, բադերի, փղերի, խոզերի, նապաստակների, կապիկների, աղավնիների և այլն։ Հիշում է` նախկինում դեպքեր էին լինում, երբ իմանում էին, որ այդ ներկայացման ժամանակ վայրի կենդանիներ չեն լինելու, չէին գալիս կրկես։«Ժողովրդին կարելի է սովորեցնել, որ կրկեսը կարող է նաև առանց վայրի կենդանիների գոյություն ունենալ և ուրախացնել իր այցելուներին։ Շուրջ 10 տարի է, ինչ Երևանի կրկեսը փակվել է հիմնանորոգման համար, սակայն մինչ օրս մեր բեմադրած շոու ծրագրերին բազմաթիվ այցելուներ ենք ունենում, ու դրանք առանց վայրի կենդանիների են անցնում։ Ներկայացումներն ու շոու ծրագրերն ամեն ամիս անցկացվում են Հակոբ Պարոնյանի անվան երաժշտական կոմեդիայի պետական թատրոնում»,– ասաց կենդանավարժը։Երևանի կրկեսին կից Լեոնիդ Ենգիբարյանի անվան դպրոց–ստուդիայում էլ անվճար հիմունքներով սովորում է ավելի քան 100 սան, որոնք ամեն օր մի քանի ժամ պարապում են, որպեսզի կարողանան հանդիսատեսի առաջ հավուր պատշաճի ներկայանալ։ Երեխաները ստուդիայում սովորում են ակրոբատիկա և կրկեսային բոլոր ժանրերի համարները` «կատուշկա», «լիմպո», «խուլախուպ», օղակային մարմնամարզություն և այլն։Հիշեցնենք` մարտի 23-ին ՀՀ ազգային ժողովը երկրորդ ընթերցմամբ ընդունեց կառավարության ներկայացրած օրենքի նախագիծը, համաձայն որի` կեսներում կարգելվի օգտագործել լիազորված մարմնի կողմից հաստատված ցանկում ընդգրկված վայրի կենդանիներին։Ի՞նչ կցուցադրվի կրկեսում, եթե վայրի կենդանիներ չլինեն․ պատասխանում է կրկեսի տնօրենը

2022

Լուրեր

am_HY

կրկես, հայաստան, օրենք, աժ (ազգային ժողով), կենդանի, սոս պետրոսյան