Դատարանը մերժեց Քոչարյանի պաշտպանի` ՍԴ դիմելու միջնորդությունը
13:21 02.03.2022 (Թարմացված է: 13:29 02.03.2022)
© Sputnik / Aram NersesyanԴատավոր Աննա Դանիբեկյանը ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված կաշառակերության մեղադրանքով քրգործով դատական նիստի ժամանակ (22 փոտրվարի, 2022թ). Երևան
![Դատավոր Աննա Դանիբեկյանը ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված կաշառակերության մեղադրանքով քրգործով դատական նիստի ժամանակ (22 փոտրվարի, 2022թ). Երևան Դատավոր Աննա Դանիբեկյանը ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված կաշառակերության մեղադրանքով քրգործով դատական նիստի ժամանակ (22 փոտրվարի, 2022թ). Երևան - Sputnik Արմենիա, 1920, 02.03.2022](https://cdn.am.sputniknews.ru/img/07e6/02/16/38968287_0:90:1600:990_1920x0_80_0_0_59708c029276108654f758e3e71062e2.jpg)
Դատավոր Աննա Դանիբեկյանը ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված կաշառակերության մեղադրանքով քրգործով դատական նիստի ժամանակ (22 փոտրվարի, 2022թ). Երևան. Արխիվային լուսանկար
© Sputnik / Aram Nersesyan
Բաժանորդագրվել
Մարտի 2-ի նշանակված դատական նիստը հետաձգվեց 2 շաբաթով։
ԵՐԵՎԱՆ, 2 մարտի – Sputnik. Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, մերժեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանի՝ ՍԴ դիմելու միջնորդությունը։
«Որոշումը կարելի է բողոքարկել ՀՀ վերաքննիչ քրեական դատարանում` ստանալու պահից 10-օրյա ժամկետում»,– նշեց Դանիբեկյանը։
Հայկ Ալումյանը լրագրողների հետ զրույցում հերթական անգամ վերահաստատեց իրենց այն կարծիքը, որ տվյալ գործով որոշումները կայացվում են ոչ Դանիբեկյանի կողմից և ոչ էլ տվյալ դատարանում։
«Կարծում եմ սա բացատրություններից մեկն է, թե ինչու մեր միջնորդությունը մերժվեց, որովհետև դատարանը սրանով ինքն իրեն ու առհասարակ դատավարությունը մտցրեց փակուղի։ Մենք կնայենք, թե ինչ պատճառաբանությամբ է մերժվել միջնորդությունը, սակայն Վերաքննիչում մեր բողոքարկումն անիմաստ կլինի, քանի որ այդ դատարանը չի կարող պարտավորեցնել Առաջին ատյանի դատարանին, որպեսզի հարցին նայի այլ տեսանկյունից ու դիմի ՍԴ»,– ասաց Քոչարյանի պաշտպանը։
Հիշեցնենք, որ Ալումյանը միջնորդել է դիմել Սահմանադրական դատարան, պնդելով` որ դատարանը օրենքով հնարավորություն չունի պարզաբանելու Ռոբերտ Քոչարյանին և Արմեն Գևորգյանին առաջադրված մեղադրանքը, այն հակասում է Սահմանադրության 67-րդ հոդվածի 1 կետին և 63 հոդվածի 1 մասին։
Հաջորդ դատական նիստը տեղի կունենա մարտի 15-ին, ժամը 13:00-ին։