https://arm.sputniknews.ru/20220222/gerineri-ev-hancagvortsutjunneri-harcy-petq-e-nerarver-evranesti-orakargum-zvohrabjan-38961775.html

Գերիների և հանցագործությունների հարցը պետք է ներառվեր «Եվրանեսթի» օրակարգում. Զոհրաբյան

Գերիների և հանցագործությունների հարցը պետք է ներառվեր «Եվրանեսթի» օրակարգում. Զոհրաբյան

Sputnik Արմենիա

Նախկին պատգամավորը նշեց, որ գիտի, թե ինչքան դժվար է նոր հարց ներառել «Եվրանեսթի» հաստատված օրակարգում, սակայն հայկական կողմը շանսեր ուներ։ 22.02.2022, Sputnik Արմենիա

2022-02-22T13:13+0400

2022-02-22T13:13+0400

2022-02-22T13:36+0400

նաիրա զոհրաբյան

եվրանեսթ

հայաստան

ադրբեջան

գերի

արցախյան պատերազմ

https://cdn.am.sputniknews.ru/img/07e6/02/16/38959988_0:84:1600:984_1920x0_80_0_0_68870cf266de71ff0a3e5e7b98eb8953.jpg

ԵՐԵՎԱՆ, 22 փետրվարի – Sputnik. Հայկական կողմը «Եվրանեսթի» օրակարգում պետք է ներառեր ռազմագերիների , 44-օրյա պատերազմի ընթացքում Ադրբեջանի կատարած հանցագործությունների, մշակութային ժառանգության պահպանության հարցերը։ Նման կարծիք լրագրողների հետ զրույցում հայտնեց ԱԺ նախկին պատգամավոր Նաիրա Զոհրաբյանը, որը մասնակցում է բողոքի ակցիային։Նշենք, որ այժմ Կ.Դեմիրճյանի անվան մարզահամերգային համալիրի դիմաց բողոքի ակցիա է, իսկ համալիրում ընթանում է «Եվրանեսթի» նիստը, որին ներկա են նաև ադրբեջանցի պատգամավորները։ Ի դեպ, նրանք արդեն ելույթ են ունեցել։«Որպես երկար տարիներ Եվրանեսթում հայկական պատվիրակության փոխնախագահ՝ ես գիտեմ, թե որքան դժվար է նոր հարց ներառել հանդիպման արդեն հաստատված օրակարգում»,- ասաց Զոհրաբյանը։Նախկին պատգամավորը հիշեցրեց, որ Ադրբեջանը ստորագրել է բոլոր միջազգային կոնվենցիաները, սակայն դա չի խանգարել Բաքվին 44-օրյա պատերազմի օրերին օգտագործել արգելված զենքեր։ Նա նաև տեղեկացրեց, որ իրեն անձամբ տեսանյութեր են ուղարկում, որոնցում երևում է, թե ինչպես են Բաքվում խոշտանգվում հայ ռազմագերիները։Ստում են, թե մենք ռազմագերիներ չունենք Ադրբեջանի բանտում․ ԶոհրաբյանԱվելի վաղ Եվրանեսթի խորհրդարանական վեհաժողովի բյուրոյի նիստում, որում ընդգրկված են Եվրախորհրդարանի քաղաքական խմբակցությունների և Արևելյան գործընկերության երկրների ազգային խորհրդարանների ղեկավարները, ուկրաինական կողմի նախաձեռնությամբ առաջարկվել էր քննարկել և հայտարարություն ընդունել «Ռուսաստանի կողմից Ուկրաինայի դեմ աննախադեպ ռազմական ագրեսիան դատապարտելու մասին»։Եվրանեսթում հայկական պատվիրակության ղեկավար, իշխող «Քաղաքացիական պայմանագիր» խմբակցության ներկայացուցիչ Մարիա Կարապետյանը, իր հերթին, ասաց, որ ինքը չի պաշտպանել հակառուսական բանաձևը Եվրանեսթի բյուրոյի երևանյան նիստում։Հիշեցնենք, որ փետրվարի 22-ին Երևանում անցկացվում է «Եվրանեսթի» նիստերը։ Արևելյան գործընկերության երկրները ռոտացիայով են անցկացնում Եվրանեսթ խորհրդարանական վեհաժողովի նիստերը։ Հիմա հերթը Երևանինն է։ Նիստերին մասնակցելու համար Երևան են ժամանել նաև 2 ադրբեջանցի պատգամավոր` Թահիր Միրկիշիլին և Սոլթան Մամեդովը։

ադրբեջան

2022

Լուրեր

am_HY

նաիրա զոհրաբյան հհ իշխանություններ հայկական պատվիրակություն