https://arm.sputniknews.ru/20220131/verjers-satkats-shat-kendanineri-masin-chi-asvel-kendanabanakan-ajgu-mvot-bvoghvoqum-en-38134277.html
Վերջերս սատկած շատ կենդանիների մասին չի ասվել. Կենդանաբանական այգու մոտ բողոքի ակցիա էր
Վերջերս սատկած շատ կենդանիների մասին չի ասվել. Կենդանաբանական այգու մոտ բողոքի ակցիա էր
Sputnik Արմենիա
Նախկին և ներկա աշխատակիցները վստահեցնում են, որ կենդանիների անկումը դիտավորյալ է արվում։ 31.01.2022, Sputnik Արմենիա
2022-01-31T14:14+0400
2022-01-31T14:14+0400
2022-01-31T14:34+0400
երևան
կենդանաբանական այգի
բողոքի ակցիա
https://cdn.am.sputniknews.ru/img/2101/62/21016298_0:0:1600:901_1920x0_80_0_0_d6f92e8c9053114ac72de57b564da4cb.jpg
ԵՐԵՎԱՆ, 31 հունվարի – Sputnik. Երևանի կենդանաբանական այգում վերջին 6 ամսվում բազմաթիվ կենդանիներ են սատկել, սակայն այդ մասին չի բարձրաձայնվել։Լրագրողների հետ զրույցում նման հայտարարություն արեց այգու նախկին աշխատակից Անուշ Ռաֆայելյանը։Այգու ներկա և նախկին աշխատակիցները հունվարի 31-ին ակցիա են իրականացնում՝ բողոքելով կենդանիների թվի կրճատման դեմ։ Հայտնի է` ինչու է Տաշքենդում մայրը երեխային նետել արջի ազատավանդակը«Վերջին 6 ամսում բազմաթիվ կենդանիներ են անկում ապրել, բայց դա չեն հրապարակել։ Մենք այստեղ ունեինք մորուքավոր անգղների բազմացող զույգ, որն աննախադեպ է, աշխարհում դրանցից 7-8 տեղ կա։ Մենք 1 մորուքավոր անգղով 1 ինքնաթիռ կենդանի ենք փոխանակել, բերել էինք հովազներ, հազվագյուտ եղնիկներ և այլն։ Ռուբեն Խաչատրյանն (այգու նախկին տնօրեն` խմբ.) իր հիմնադրամի հետ փոխանակեց, փոխարենը վատ վիճակում կրիաներ բերեց։ Այս մասին բարձրաձայնել ենք, սակայն ոչինչի չի արվել ու արվում»,– նշեց Ռաֆայելյանը։Նշենք, որ «Հրապարակ» թերթը հունվարի 20-ին գրել էր, որ Երևանի կենդանաբանական այգում սատկել է հինգ անգղ, մեկ արջ և մեկ բեզոարյան այծ։ Հունվարի 31-ին էլ Երևանի կենդանաբանական այգու մամուլի ծառայությունը հայտնել է, որ սատկած անգղների վերաբերյալ կառավարման խորհուրդը քննարկում է ունեցել և կփորձեն պարզել պատճառները։ Երևանի կենդանաբանական այգու մուտքը 1 օր անվճար կլինի զինվորականների համար«Ես այգու աշխատակիցներից մեկից ճշտել եմ, որ 6 անգղ է սատկել` 4 սպիտակագլուխ և 2 սև»,– ասաց Ռաֆայելյանը։Նա նաև ընդգծեց, որ իր խորին համոզմամբ, այգու կենդանիների հետ տեղի ունեցողը դիտավորյալ է արվում, որպեսզի այդ տարածքն ազատվի։ Կենդանաբանական այգու նախկին աշխատակցի խոսքով, ըստ օդում կախված լուրերի, որը դեռ 2011 թվականի է շրջանառվել, այդ տարածքում ցանկանում են էլիտար թաղամաս սարքել։ Մեկ այլ տարբերակ էլ կա. հնարավոր է, որ տարածքը վարձով տան ու սարքեն մասնավոր կենդանաբանական այգի։Այգու շահագործման բաժնի աշխատակից, շինարար Սարգիս Շահրամանյանը, ով արդեն 10 տարի է՝ այդտեղ է աշխատում, լրագրողների հետ զրույցում նշեց, որ իր վրա հոգեբանական ճնշումներ են գործադրվում, որպեսզի ինքնակամ ազատման դիմում գրի և հեռանա աշխատանքից։ Ինչու են սատկել Երևանի կենդանաբանական այգու թռչունները. պարզաբանում«Արհամարհում են ինձ, իբր ես չկամ, ոչ մի աշխատանքում չեն ներգրավում, արձակուրդ եմ ցանկանում գնալ` չեն տալիս, սակայն ես դեռևս չեմ ստորագրում։ Շինաշխատանքներն այժմ սկսել են քննարկել այգու այգեգործի հետ, և նա է իրականացնում դրանք։ Նման վերաբերմունք է սկսվել վերջին 2 ամսում, երբ բողոք-նամակի տակ ես էլ էի ստորագրել»,– նշեց Շահրամանյանը։Հիշեցնենք՝ դեռ 2019 թ-ին այգու շուրջ բազմաթիվ սկանդալներ եղան՝ կապված տարօրինակ հանգամանքներում կենդանիների մահվան հետ։ Նախկին տնօրեն Ռուբեն Խաչատրյանը հեռացվեց աշխատանքից, իսկ ժամանակավոր պաշտոնակատար նշանակվեց Արևիկ Մկրտչյանը։Կենդանաբանական այգին հիմնադրվել է 1940 թվականին։ Կապիտալ շինարարությունը սկսվել է 1941-1945 թթ.։ Այդ ժամանակ կար 32 տեսակի և 179 գլուխ կենդանի, այսօր կենդանիների թիվն անցնում է 2700-ը։
երևան
կենդանաբանական այգի
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կենդանաբանական այգի կենդանի բողոքի ակցիա
կենդանաբանական այգի կենդանի բողոքի ակցիա
Վերջերս սատկած շատ կենդանիների մասին չի ասվել. Կենդանաբանական այգու մոտ բողոքի ակցիա էր
14:14 31.01.2022 (Թարմացված է: 14:34 31.01.2022) Նախկին և ներկա աշխատակիցները վստահեցնում են, որ կենդանիների անկումը դիտավորյալ է արվում։
ԵՐԵՎԱՆ, 31 հունվարի – Sputnik. Երևանի կենդանաբանական այգում վերջին 6 ամսվում բազմաթիվ կենդանիներ են սատկել, սակայն այդ մասին չի բարձրաձայնվել։
Լրագրողների հետ զրույցում նման հայտարարություն արեց այգու նախկին աշխատակից Անուշ Ռաֆայելյանը։
Այգու ներկա և նախկին աշխատակիցները հունվարի 31-ին ակցիա են իրականացնում՝ բողոքելով կենդանիների թվի կրճատման դեմ։
«Վերջին 6 ամսում բազմաթիվ կենդանիներ են անկում ապրել, բայց դա չեն հրապարակել։ Մենք այստեղ ունեինք մորուքավոր անգղների բազմացող զույգ, որն աննախադեպ է, աշխարհում դրանցից 7-8 տեղ կա։ Մենք 1 մորուքավոր անգղով 1 ինքնաթիռ կենդանի ենք փոխանակել, բերել էինք հովազներ, հազվագյուտ եղնիկներ և այլն։ Ռուբեն Խաչատրյանն (այգու նախկին տնօրեն` խմբ.) իր հիմնադրամի հետ փոխանակեց, փոխարենը վատ վիճակում կրիաներ բերեց։ Այս մասին բարձրաձայնել ենք, սակայն ոչինչի չի արվել ու արվում»,– նշեց Ռաֆայելյանը։
Նշենք, որ «Հրապարակ» թերթը հունվարի 20-ին գրել էր, որ Երևանի կենդանաբանական այգում սատկել է հինգ անգղ, մեկ արջ և մեկ բեզոարյան այծ։ Հունվարի 31-ին էլ Երևանի կենդանաբանական այգու մամուլի ծառայությունը հայտնել է, որ սատկած անգղների վերաբերյալ կառավարման խորհուրդը քննարկում է ունեցել և կփորձեն պարզել պատճառները։
«Ես այգու աշխատակիցներից մեկից ճշտել եմ, որ 6 անգղ է սատկել` 4 սպիտակագլուխ և 2 սև»,– ասաց Ռաֆայելյանը։
Նա նաև ընդգծեց, որ իր խորին համոզմամբ, այգու կենդանիների հետ տեղի ունեցողը դիտավորյալ է արվում, որպեսզի այդ տարածքն ազատվի։ Կենդանաբանական այգու նախկին աշխատակցի խոսքով, ըստ օդում կախված լուրերի, որը դեռ 2011 թվականի է շրջանառվել, այդ տարածքում ցանկանում են էլիտար թաղամաս սարքել։ Մեկ այլ տարբերակ էլ կա. հնարավոր է, որ տարածքը վարձով տան ու սարքեն մասնավոր կենդանաբանական այգի։
Այգու շահագործման բաժնի աշխատակից, շինարար Սարգիս Շահրամանյանը, ով արդեն 10 տարի է՝ այդտեղ է աշխատում, լրագրողների հետ զրույցում նշեց, որ իր վրա հոգեբանական ճնշումներ են գործադրվում, որպեսզի ինքնակամ ազատման դիմում գրի և հեռանա աշխատանքից։
«Արհամարհում են ինձ, իբր ես չկամ, ոչ մի աշխատանքում չեն ներգրավում, արձակուրդ եմ ցանկանում գնալ` չեն տալիս, սակայն ես դեռևս չեմ ստորագրում։ Շինաշխատանքներն այժմ սկսել են քննարկել այգու այգեգործի հետ, և նա է իրականացնում դրանք։ Նման վերաբերմունք է սկսվել վերջին 2 ամսում, երբ բողոք-նամակի տակ ես էլ էի ստորագրել»,– նշեց Շահրամանյանը։
Հիշեցնենք՝ դեռ 2019 թ-ին այգու շուրջ բազմաթիվ սկանդալներ եղան՝ կապված տարօրինակ հանգամանքներում կենդանիների մահվան հետ։ Նախկին տնօրեն Ռուբեն Խաչատրյանը հեռացվեց աշխատանքից, իսկ ժամանակավոր պաշտոնակատար նշանակվեց Արևիկ Մկրտչյանը։
Կենդանաբանական այգին հիմնադրվել է 1940 թվականին։ Կապիտալ շինարարությունը սկսվել է 1941-1945 թթ.։ Այդ ժամանակ կար 32 տեսակի և 179 գլուխ կենդանի, այսօր կենդանիների թիվն անցնում է 2700-ը։
