https://arm.sputniknews.ru/20220125/menq-adrbejanci-zinvvorin-chenq-partvel-hhum-u-arcakhum-ats-labvoratvorianer-kbacven-37941436.html

Մենք ադրբեջանցի զինվորին չենք պարտվել. ՀՀ–ում ու Արցախում ԱԹՍ լաբորատորիաներ կբացվեն

Մենք ադրբեջանցի զինվորին չենք պարտվել. ՀՀ–ում ու Արցախում ԱԹՍ լաբորատորիաներ կբացվեն

Sputnik Արմենիա

ԱՏՁՄ նորանշանակ տնօրեն, ՀՀ բարձր տեխնոլոգիական արդյունաբերության նախկին նախարար, Տավուշի նախկին մարզպետ Հայկ Չոբանյանը նշեց, որ Հայաստանի ապագան տեսնում է... 25.01.2022, Sputnik Արմենիա

2022-01-25T13:33+0400

2022-01-25T13:33+0400

2022-01-25T18:12+0400

հայաստան

ադրբեջան

պատերազմ

հայկ չոբանյան

լաբորատորիա

անօդաչու թռչող սարք (աթս)

https://cdn.am.sputniknews.ru/img/07e5/03/0c/26778227_0:0:1600:900_1920x0_80_0_0_bdd11032b7df905ca877b2cb2ce7429b.jpg

ԵՐԵՎԱՆ, 25 հունվարի – Sputnik. 2022թ–ին Հայաստանում ու Արցախում նախատեսվում է անօդաչու թռչող սարքերի 9 լաբորատորի բացել։ Այս մասին այսօր Հայաստանի Առաջատար տեխնոլոգիաների ձեռնարկությունների միության (ԱՏՁՄ) 2021թ–ի գործունեության ամփոփիչ ասուլիսում հայտնեց ԱՏՁՄ արդեն նախկին տնօրեն Րաֆֆի Քասսարջյանը։Նա նաև հիշեցրեց, որ ներկա պահին ՀՀ–ում միայն 1 նման լաբորատորիա է գործում Մոնթե Մելքոնյանի անվան ռազմամարզական վարժարանում։ Այն հիմնադրվել է 2021թ–ին` Արցախյան 44-օրյա պատերազմից հետո։«Պատերազմից հետո մենք նշել էինք, որ պիտի վերսկսեինք «Բանակից ՏՏ» մեր ծրագիրը, որին 138 մասնակից ունեցանք։ Նրանցից 85-ն արդեն ավարտել են ՏՏ ոլորտին հարակից կրթական ծրագրերը»,– ասաց Քասսարջյանը։Նրա խոսքով` ծրագրում ընդգրկված են Արցախյան 44-օրյա պատերազմին մասնակցած երիտասարդները։ Նրանց համար անվճար դասընթացները կազմակերպվում են ԱՏՁՄ անդամ կազմակերպություններում։Շարունակելով թեման` ԱՏՁՄ նորանշանակ տնօրեն, ՀՀ բարձր տեխնոլոգիական արդյունաբերության նախկին նախարար, Տավուշի նախկին մարզպետ Հայկ Չոբանյանը նշեց, որ Հայաստանի ապագան տեսնում է բացառապես ՏՏ ոլորտի արդյունաբերության զարգացման մեջ։Նոր պատերազմում հաղթելու համար, Չոբանյանի համոզմամբ, Հայաստանին անհրաժեշտ են նոր տեխնոլոգիաներ։ Այդ նպատակով ԱՏՁՄ–ն նախաձեռնել է տեխնոլոգիական ներուժի նոր մոբիլիզացիոն գործընթաց։Ինչ վերաբերում է ոլորտի զարգացմանը, որպես դրան խոչընդոտող հիմնական գործոն ԱՏՁՄ ներկայացուցիչները նշում են մասնագիտական ներուժի պակասը։ Փոխարենը վերջին տարիներին բարելավվել է ոլորտի ֆինանսավորումը։«Այսօր մենք պետք է դիրքավորվենք որպես գլոբալ մտածող ոլորտ և դուրս գանք ՀՀ սահմաններից։ Այո, վերջին տարիներին մեծ աշխատանք է արվել ձեռնարկությունների կողմից, բայց ռազմավարական առումով մենք ավելի կենտրոնացած ենք եղել Հայաստանի վրա և չենք մտածել Հայաստանից դուրս գործունեություն ծավալելու մասին»,– ասաց Չոբանյանը։Նա նշեց, որ Հայաստանում վերջին 10 տարիների ընթացքում արտադրված տեխնոլոգիաներն այսօր կարող են ներկայացվել աշխարհին։Հիշեցնենք` 2022թ–ի հունվարին Հայաստանի Առաջատար տեխնոլոգիաների ձեռնարկությունների միության գործադիր տնօրենի պաշտոնում Րաֆֆի Քասսարջյանին փոխարինեց ՀՀ բարձր տեխնոլոգիական արդյունաբերության նախկին նախարար, Տավուշի նախկին մարզպետ Հայկ Չոբանյանը։ԱՏՁՄ–ն Հայաստանում ՏՏ ոլորտի ամենախոշոր հասարակական կազմակերպությունն է, որում ներկայացված են հայաստանյան ՏՏ ոլորտի գրեթե բոլոր կազմակերպությունները։ Միությունը ներկայում 122 անդամ ունի, որոնցից 38-ը միության կազմում ընդգրկվել են 2021թ–ին։

https://arm.sputniknews.ru/20220125/koronavirusic-u-paterazmic-heto-hajastanum-u-arcakhum-52armat-laboratoria-e-himnvel-37938575.html

ադրբեջան

2022

Լուրեր

am_HY

հայաստան, ադրբեջան, պատերազմ, հայկ չոբանյան, լաբորատորիա, անօդաչու թռչող սարք (աթս)