https://arm.sputniknews.ru/20220124/pakhust-pataskhanatvutjunic-ev-qaghaqakan-hetevanqner-nakhagahi-hrazharakani-ardzaganqnery-37894563.html
«Փախուստ պատասխանատվությունից» և «քաղաքական հետևանքներ». նախագահի հրաժարականի արձագանքները
«Փախուստ պատասխանատվությունից» և «քաղաքական հետևանքներ». նախագահի հրաժարականի արձագանքները
Sputnik Արմենիա
«Արդար Հայաստան» կուսակցությունը և «5165» շարժումը հայտարարություններով են հանդես եկել` անդրադառնալով Արմեն Սարգսյանի հրաժարականին: 24.01.2022, Sputnik Արմենիա
2022-01-24T17:03+0400
2022-01-24T17:03+0400
2022-01-24T18:01+0400
հրաժարական
նախագահ
«5165» ազգային շարժում
արմեն սարգսյան
նորիկ նորիկյան
https://cdn.am.sputniknews.ru/img/2282/92/22829221_0:0:1742:980_1920x0_80_0_0_09935e9f82fddc35fc0ad42eade09f71.jpg
ԵՐԵՎԱՆ, 24 հունվարի - Sputnik. Նախագահ Արմեն Սարգսյանի հրաժարականն ունենալու է քաղաքական լրջագույն հետևանքներ, որոնց ազդեցությունը զգալու ենք շատ արագ: Նման հայտարարությամբ է հանդես եկել «Արդար Հայաստան» կուսակցությունը:Երեկ հայտնի դարձավ, որ Արմեն Սարգսյանը հրաժարական է տվել նախագահի պաշտոնից:Միաժամանակ կուսակցությունը գտնում է, որ նախորդ տարիների գործունեությունը հիմնովին ցույց տվեց, որ գործող Սահմանադրության պայմաններում նախագահի մեծագույն ցանկության դեպքում անգամ հնարավոր չէ դրսևորել առանձնակի դերակատարություն՝ պետության առջև ծառացած մարտահրավերների լուծմանը մասնակից լինելու համար: Այս Սահմանադրության պայմաններում նախագահին վերապահված է ընդամենը որոշակի արարողակարգային միջոցառումներ սպասարկողի գործառույթը, ինչը, ըստ կուսակցության, նսեմացնում է նախագահական ինստիտուտի հեղինակությունը:Այս պայմաններում «Արդար Հայաստանը» մեկ անգամ ևս ընդգծում է սահմանադրական փոփոխությունների միջոցով կիսանախագահական կառավարման համակարգի վերականգնման անհրաժեշտությունը։«5165» շարժումը նույնպես հայտարարությամբ է հանդես եկել` ասելով, որ նախագահի հրաժարարական տալը գնահատում են որպես փախուստ պատասխանատվությունից և պահանջում են բաց և հիմնավոր բացատրություն՝ իր որոշման իրական դրդապատճառների մասին:Նշվում է նաև, որ երկրի և ազգի համար ոչ պակաս արմատական գործընթացներ տեղի էին ունենում 2020թ. աշնանը, իսկ ՀՀ նախագահի լիազորությունները նույնն էին, ինչ այսօր. Այդուհանդերձ, այն ժամանակ Սարգսյանը հրաժարական չներկայացրեց: Շարժումը նշում է նաև, որ Սարգսյանն այս ընթացքում բավականաչափ հնարավորություններ է ունեցել խոսելու, սակայն չի խոսել: Իսկ այժմ ընդամենն ակնարկում է արտաքին ու ներքին քաղաքական վտանգավոր զարգացումների մասին, սակայն բավարարվում է ապրիորի զգուշացումներով ու չի նշում վտանգների բովանդակության մասին:Հիշեցնենք` երեկ երեկոյան ՀՀ նախագահ Արմեն Սարգսյանը հրաժարական տվեց։ Նա նշել է, որ շատ երկար է մտածել և մոտ չորս տարի ակտիվ աշխատելուց հետո որոշել է հրաժարական տալ Հանրապետության նախագահի պաշտոնից: Ըստ Սարգսյանի` նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա։Ինձ համար այդ հրաժարականն առնվազն ուշացած էր. Արթուր ՎանեցյանՀավելենք, որ հանրապետության նախագահն ընտրվում է Ազգային ժողովի կողմից: Թեկնածու առաջադրելու իրավունք ունի ԱԺ պատգամավորների առնվազն մեկ քառորդը, իսկ այսօր ընդդիմադիր «Պատիվ ունեմ»-ի ու «Հայաստան» դաշինքի պատգամվորների թիվը մեկ քառորդից ավելի է։
https://arm.sputniknews.ru/20220123/da-arden-hakasutjun-che-sa-hakamartutjun-e-areshevy-hh-nakhagahi-hrazharakani-masin-37868793.html
https://arm.sputniknews.ru/20220124/hh-nakhagahi-asatsy-demarsh-er-pashinjani-mtqum-arka-pvopvokhutjunneri-kvonceptin-ghazinjan-37886683.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հրաժարական, նախագահ, «5165» ազգային շարժում, արմեն սարգսյան, նորիկ նորիկյան
հրաժարական, նախագահ, «5165» ազգային շարժում, արմեն սարգսյան, նորիկ նորիկյան
«Փախուստ պատասխանատվությունից» և «քաղաքական հետևանքներ». նախագահի հրաժարականի արձագանքները
17:03 24.01.2022 (Թարմացված է: 18:01 24.01.2022) «Արդար Հայաստան» կուսակցությունը և «5165» շարժումը հայտարարություններով են հանդես եկել` անդրադառնալով Արմեն Սարգսյանի հրաժարականին:
ԵՐԵՎԱՆ, 24 հունվարի - Sputnik. Նախագահ Արմեն Սարգսյանի հրաժարականն ունենալու է քաղաքական լրջագույն հետևանքներ, որոնց ազդեցությունը զգալու ենք շատ արագ: Նման
հայտարարությամբ է հանդես եկել «Արդար Հայաստան» կուսակցությունը:
Երեկ հայտնի դարձավ, որ Արմեն Սարգսյանը հրաժարական է տվել նախագահի պաշտոնից:
«Հրաժարականի տեքստի բովանդակությունը հիմք է տալիս ընդգծելու, որ առկա մարտահրավերներն առավել խորքային են, քան առերևույթ մենք տեսնում ենք: Չենք բացառում նաև, որ դրանց հիմքում կարող են դրված լինել մեր պետականությանը սպառնացող ներքին ու արտաքին այլ մարտահրավերներ»,-ասված է կուսակցության հայտարարության մեջ:
Միաժամանակ կուսակցությունը գտնում է, որ նախորդ տարիների գործունեությունը հիմնովին ցույց տվեց, որ գործող Սահմանադրության պայմաններում նախագահի մեծագույն ցանկության դեպքում անգամ հնարավոր չէ դրսևորել առանձնակի դերակատարություն՝ պետության առջև ծառացած մարտահրավերների լուծմանը մասնակից լինելու համար: Այս Սահմանադրության պայմաններում նախագահին վերապահված է ընդամենը որոշակի արարողակարգային միջոցառումներ սպասարկողի գործառույթը, ինչը, ըստ կուսակցության, նսեմացնում է նախագահական ինստիտուտի հեղինակությունը:
Այս պայմաններում «Արդար Հայաստանը» մեկ անգամ ևս ընդգծում է սահմանադրական փոփոխությունների միջոցով կիսանախագահական կառավարման համակարգի վերականգնման անհրաժեշտությունը։
«5165» շարժումը նույնպես
հայտարարությամբ է հանդես եկել` ասելով, որ նախագահի հրաժարարական տալը գնահատում են որպես փախուստ պատասխանատվությունից և պահանջում են բաց և հիմնավոր բացատրություն՝ իր որոշման իրական դրդապատճառների մասին:
«Անընդունելի է, որ երկրի գլխին ծառացած վտանգավոր զարգացումների պարագայում պատասխանատվությունից խուսափումը դառնում է օրինաչափություն՝ հատկապես հաշվի առնելով, որ պետության ղեկը գտնվում է ապիկար և ազգային-պետական շահերի դեմ գործող քաղաքական խմբավորման ձեռքին»,-ասված է շարժման հայտարարության մեջ:
Նշվում է նաև, որ երկրի և ազգի համար ոչ պակաս արմատական գործընթացներ տեղի էին ունենում 2020թ. աշնանը, իսկ ՀՀ նախագահի լիազորությունները նույնն էին, ինչ այսօր. Այդուհանդերձ, այն ժամանակ Սարգսյանը հրաժարական չներկայացրեց:
Շարժումը նշում է նաև, որ Սարգսյանն այս ընթացքում բավականաչափ հնարավորություններ է ունեցել խոսելու, սակայն չի խոսել: Իսկ այժմ ընդամենն ակնարկում է արտաքին ու ներքին քաղաքական վտանգավոր զարգացումների մասին, սակայն բավարարվում է ապրիորի զգուշացումներով ու չի նշում վտանգների բովանդակության մասին:
Հիշեցնենք` երեկ երեկոյան ՀՀ նախագահ Արմեն Սարգսյանը հրաժարական տվեց։ Նա նշել է, որ շատ երկար է մտածել և մոտ չորս տարի ակտիվ աշխատելուց հետո որոշել է հրաժարական տալ Հանրապետության նախագահի պաշտոնից: Ըստ Սարգսյանի` նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա։
Հավելենք, որ հանրապետության նախագահն ընտրվում է Ազգային ժողովի կողմից: Թեկնածու առաջադրելու իրավունք ունի ԱԺ պատգամավորների առնվազն մեկ քառորդը, իսկ այսօր ընդդիմադիր «Պատիվ ունեմ»-ի ու «Հայաստան» դաշինքի պատգամվորների թիվը մեկ քառորդից ավելի է։
