https://arm.sputniknews.ru/20220124/hh-nakhagahi-asatsy-demarsh-er-pashinjani-mtqum-arka-pvopvokhutjunneri-kvonceptin-ghazinjan-37886683.html
ՀՀ նախագահի ասածը դեմարշ էր Փաշինյանի մտքում առկա փոփոխությունների կոնցեպտին. Ղազինյան
ՀՀ նախագահի ասածը դեմարշ էր Փաշինյանի մտքում առկա փոփոխությունների կոնցեպտին. Ղազինյան
Sputnik Արմենիա
Ընդդիմադիր պատգամավորը կարծում է` նախագահը, տեղեկանալով այս իշխանության ծրագրերի մասին, հրաժարական տվեց: 24.01.2022, Sputnik Արմենիա
2022-01-24T14:13+0400
2022-01-24T14:13+0400
2022-01-24T14:15+0400
հայաստան
արմեն սարգսյան
հրաժարական
արթուր ղազինյան
https://cdn.am.sputniknews.ru/img/07e4/0c/0e/25739766_0:0:1600:901_1920x0_80_0_0_465080c7dbd94a308fabb9d8c1a91e45.jpg
ԵՐԵՎԱՆ, 24 հունվարի - Sputnik. Պետության գլխի հրաժարականը պետք է շատ լուրջ ազդակ լինի բոլորին թե՛ ներսում, թե՛ դրսում: Ազգային ժողովում լրագրողների հետ զրույցում նման կարծիք հայտնեց ԱԺ «Հայաստան» խմբակցության պատգամավոր Արթուր Ղազինյանը` անդրադառնալով ՀՀ նախագահ Արմեն Սարգսյանի հրաժարականին:Երեկ հայտնի դարձավ, որ Արմեն Սարգսյանը որոշել է հրաժարվել նախագահի պաշտոնից։«Բոլորը սա պետք է ընդունեն որպես իրադրության փոփոխության փաստ և իրենց ներքին ու արտաքին քաղաքականությունն ադապտացնեն այս նոր իրավիճակին: Իսկ նախագահի հրաժարականի տեքստում ասվածը, թե Սահմանադրությամբ չունի լիազորություններ մի շարք իրավիճակներում զսպելու, այդպես չէ: Վերջին 1.5 տարվա ընթացքում նախագահն ուներ բազմաթիվ հնարավորություններ թույլ չտալու Սահմանադրության խախտումներ` կառավարության որոշումները ՍԴ ուղարկելով»,-ասաց Ղազինյանը:Ի՞նչ է նախատեսվում ՀՀ նախագահի հրաժարականի դեպքում. Սիմոնյանը հայտարարություն արեցՀարցին, թե ո՞րն էր այս դեպքում նախագահի հրաժարականին պատճառը, պատգամավորը պատասխանեց` դա պայմանավորված է արտաքին քաղաքական գործընթացներով, ապա նաև ներքին իշխանական վերադասավորումներով: Ղազինյանը նախագահի հրաժարականը կապեց հատկապես սահմանադրական փոփոխությունների հետ, որը նախաձեռնել է իշխանությունը։Բացի այդ, պատգամավորը կարծում է` Սարգսյանը, տեղեկանալով այն ծրագրերի մասին, որոնք ունի այս իշխանությունը հայ-թուրքական հարաբերությունների կարգավորման, Հայոց ցեղասպանության ճանաչման հարցում, հրաժարական տվեց` չցանկանալով մաս կազմել այս ամենին:Ղազինյանը նշեց` Սարգսյանն իր հրաժարականի տեքստում շատ պարզ նշել է, որ երբ ասում է` Սահմանադրությամբ իր լիազորությունները պետք է ավելանան, նկատի չունի, որ պետք է նախագահական կամ կիսանախագահական կառավարման անցնենք:Նա հավելեց, որ եթե Արմեն Սարգսյանը տեղյակ է, թե ինչ խնդիրների առաջ է կանգնելու ՀՀ–ն, պետք է հրապարակի այդ մասին:Հիշեցնենք, որ Սարգսյանն իր հրաժարականի տեքստում ասել էր, թե մենք խորհրդարանական հանրապետություն ենք ձևով, բայց ոչ բովանդակությամբ: «Իմ առաջարկության իմաստը և նպատակը եղել է ոչ թե կառավարման մի ձևից մյուսին (խորհրդարանականից կիսանախագահականի կամ նախագահականի) անցնելը, այլ զսպումների և հակակշիռների վրա հիմնված պետական համակարգ ստեղծելը»,-ասել էր նա: Սարգսյանը հույս էր հայտնել, որ ի վերջո սահմանադրական փոփոխությունները տեղի կունենան, և հաջորդ նախագահն ու նախագահական ինստիտուտը կկարողանան աշխատել ավելի հավասարակշռված և համակարգված միջավայրում:
https://arm.sputniknews.ru/20220124/armen-sargsjany-pvordzum-e-khusapel-ajn-gvortsyntacneric-vorvonq-karvogh-en-sksvel-ohanjan-37882367.html
https://arm.sputniknews.ru/20220123/azgajin-zhoghovn-arden-stacel-e-armen-sargsjani-hrazharakani-dimumy-37869690.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արմեն սարգսյան, հրաժարական, արթուր ղազինյան
հայաստան, արմեն սարգսյան, հրաժարական, արթուր ղազինյան
ՀՀ նախագահի ասածը դեմարշ էր Փաշինյանի մտքում առկա փոփոխությունների կոնցեպտին. Ղազինյան
14:13 24.01.2022 (Թարմացված է: 14:15 24.01.2022) Ընդդիմադիր պատգամավորը կարծում է` նախագահը, տեղեկանալով այս իշխանության ծրագրերի մասին, հրաժարական տվեց:
ԵՐԵՎԱՆ, 24 հունվարի - Sputnik. Պետության գլխի հրաժարականը պետք է շատ լուրջ ազդակ լինի բոլորին թե՛ ներսում, թե՛ դրսում: Ազգային ժողովում լրագրողների հետ զրույցում նման կարծիք հայտնեց ԱԺ «Հայաստան» խմբակցության պատգամավոր Արթուր Ղազինյանը` անդրադառնալով ՀՀ նախագահ Արմեն Սարգսյանի հրաժարականին:
«Բոլորը սա պետք է ընդունեն որպես իրադրության փոփոխության փաստ և իրենց ներքին ու արտաքին քաղաքականությունն ադապտացնեն այս նոր իրավիճակին: Իսկ նախագահի հրաժարականի տեքստում ասվածը, թե Սահմանադրությամբ չունի լիազորություններ մի շարք իրավիճակներում զսպելու, այդպես չէ: Վերջին 1.5 տարվա ընթացքում նախագահն ուներ բազմաթիվ հնարավորություններ թույլ չտալու Սահմանադրության խախտումներ` կառավարության որոշումները ՍԴ ուղարկելով»,-ասաց Ղազինյանը:
Հարցին, թե ո՞րն էր այս դեպքում նախագահի հրաժարականին պատճառը, պատգամավորը պատասխանեց` դա պայմանավորված է արտաքին քաղաքական գործընթացներով, ապա նաև ներքին իշխանական վերադասավորումներով: Ղազինյանը նախագահի հրաժարականը կապեց հատկապես սահմանադրական փոփոխությունների հետ, որը նախաձեռնել է իշխանությունը։
Բացի այդ, պատգամավորը կարծում է` Սարգսյանը, տեղեկանալով այն ծրագրերի մասին, որոնք ունի այս իշխանությունը հայ-թուրքական հարաբերությունների կարգավորման, Հայոց ցեղասպանության ճանաչման հարցում, հրաժարական տվեց` չցանկանալով մաս կազմել այս ամենին:
Ղազինյանը նշեց` Սարգսյանն իր հրաժարականի տեքստում շատ պարզ նշել է, որ երբ ասում է` Սահմանադրությամբ իր լիազորությունները պետք է ավելանան, նկատի չունի, որ պետք է նախագահական կամ կիսանախագահական կառավարման անցնենք:
«Սա յուրօրինակ դեմարշ էր վարչապետ Նիկոլ Փաշինյանի մտքում առկա փոփոխությունների կոնցեպտին առ այն, որ պետք է վերադարձ լինի կիսանախագահական համակարգին, որտեղ ՀՀ նախագահից պահանջելու էին հրաժարական տալ, որպեսզի արտահերթ ընտրություն տեղի ունենար: Այսինքն` նախագահն ավելի շուտ հրաժարական տվեց»,-ասաց Ղազինյանը:
Նա հավելեց, որ եթե
Արմեն Սարգսյանը տեղյակ է, թե ինչ խնդիրների առաջ է կանգնելու ՀՀ–ն, պետք է հրապարակի այդ մասին:
Հիշեցնենք, որ Սարգսյանն իր հրաժարականի տեքստում ասել էր, թե մենք խորհրդարանական հանրապետություն ենք ձևով, բայց ոչ բովանդակությամբ: «Իմ առաջարկության իմաստը և նպատակը եղել է ոչ թե կառավարման մի ձևից մյուսին (խորհրդարանականից կիսանախագահականի կամ նախագահականի) անցնելը, այլ զսպումների և հակակշիռների վրա հիմնված պետական համակարգ ստեղծելը»,-ասել էր նա: Սարգսյանը հույս էր հայտնել, որ ի վերջո սահմանադրական փոփոխությունները տեղի կունենան, և հաջորդ նախագահն ու նախագահական ինստիտուտը կկարողանան աշխատել ավելի հավասարակշռված և համակարգված միջավայրում:
