https://arm.sputniknews.ru/20220121/usucichnern-ural-vov-el-gvortsi-chen-hasel-mip-y-sjuniqi-ajlyntranqajin-tshanaparhi-masin-37828270.html
Ուսուցիչներն «Ուրալ»-ով էլ գործի չեն հասել․ ՄԻՊ-ը՝ Սյունիքի այլընտրանքային ճանապարհի մասին
Ուսուցիչներն «Ուրալ»-ով էլ գործի չեն հասել․ ՄԻՊ-ը՝ Սյունիքի այլընտրանքային ճանապարհի մասին
Sputnik Արմենիա
Պաշտպանը տարակուսած ու վրդովված է, թե ինչպես կարելի էր զբաղվել այլընտրանքային ճանապարհի գովքով և արդարացնել ադրբեջանական խախտումները։ 21.01.2022, Sputnik Արմենիա
2022-01-21T23:35+0400
2022-01-21T23:35+0400
2022-01-21T23:37+0400
ադրբեջան
հհ միպ
արման թաթոյան
սյունիք
ճանապարհ
https://cdn.am.sputniknews.ru/img/07e5/0b/0f/35356664_0:109:1600:1009_1920x0_80_0_0_8b9f0f161d91050c76ddd29cdaa1e1f5.jpg
ԵՐԵՎԱՆ, 21 հունվարի –Sputnik․ Գորիսի Բարձրավան, Շուռնուխ և Որոտան գյուղերում, Կապանի Ճակատեն, Շիկահող, Սրաշեն, Ներքին Հանդ, Ծավ, Շիշկերտ գյուղերում մարդիկ կանգնել են մեկուսացման և հումանիտար խնդիրների առաջ՝ հատկապես եղանակային պայմանների պատճառով։ Facebook-ի պաշտոնական էջում ահազանգում է Մարդու իրավունքների պաշտպան Արման Թաթոյանը։Գորիս համայնքում ուսուցիչներն այլընտրանքային ճանապարհով եղանակային պայմանների պատճառով չեն կարողացել աշխատանքի գնալ անգամ «Ուրալ»-ով: Ըստ Թաթոյանի՝ սա կրթության, աշխատանքային, ազատ տեղաշարժման իրավունքների խախտում է։ Սյունիքի, Արագածոտնի, Շիրակի ու Լոռու մարզերում դժվարանցանելի ճանապարհներ կան. ԱԻՆՆրա խոսքով՝ Կարմիր խաչի միջազգային կոմիտեն անգամ իր ամենագնաց մեքենայով չի կարողացել հունվարի 20-ին սնունդ ու հիգիենիկ պարագաներ հասցնել Բարձրավան գյուղ: Մեծ դժվարությամբ գյուղեր սնունդ են հասցնում ԱԻՆ-ի, ԱԱԾ-ի սահմանապահ զորքերի ծառայողները։ՄԻՊ-ը հարց է ուղղում՝ այս պայմաններում ինչպե՞ս է ապահովվելու շտապ բժշկական օգնության հասանելիությունը, հոսպիտալացումները և այլն:«Ինչ-որ մեկը մտածում է, թե Ադրբեջանն այս ճանապարհները փակել է առանց իմանալու՝ մարդիկ ի՞նչ զրկանքների են ենթարկվելու ու ի՞նչ աստիճան է դժվարանալու մարդկանց կյանքը: Բա սա չի նշանակու՞մ, որ դա արված է մեր խաղաղ բնակիչներին վնաս պատճառելու, դիտավորությամբ, որ ատելության քաղաքականությունը շարունակվում է ու չի ավարտվել»,- անպատասխան հարցերը շարունակում է պաշտպանը։Նա պնդում է՝ այս բոլոր հարցերը պետք է լինեն մեր երկրի պետական քաղաքականության հիմքում:«Ո՞նց կարելի էր ասել, թե ճանապարհներին նրանց հայտնվելը «ադրբեջանական տարածք է, ու մենք ոչինչ չենք կարող անել», ո՞նց կարելի էր զբաղվել այլընտրանքային ճանապարհների գովքով ու «արդարացնել» ադրբեջանական խախտումները և դեռ մի հատ էլ քաղաքականացնել նրանց, ովքեր բարձրացնում են մարդու իրավունքների հարցերը»,- վրդովված նշում է Արման Թաթոյանը։Նա շեշտում է՝ Սյունիքի մի շարք գյուղերի բնակիչների համար ստեղծված բազմաթիվ խնդիրների լուծման համար միայն 1 ելք կա․ ադրբեջանական զինված ծառայողները պետք է հեռացվեն մեր գյուղերի մոտից ու ճանապարհներից։ Սյունիքով անցնող ճանապարհը պետք է լինի ՀՀ սուվերենության ներքո. ՓաշինյանՊաշտպանը վստահ է, որ ԵԱՀԿ, ՄԱԿ-ի ու մյուս միջազգային կառույցների կանոնները տալիս են օրինական իրավունքներ վերականգնելու բնակիչների արժանապատիվ ապրելու իրավունքները։
https://arm.sputniknews.ru/20220119/iranakan-ynkerutjunnery-hetaqrqrvats-en-sjuniqi-tshanaparhashinakan-tsragrervov-37699318.html
ադրբեջան
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ադրբեջան, հհ միպ, արման թաթոյան, սյունիք, ճանապարհ
ադրբեջան, հհ միպ, արման թաթոյան, սյունիք, ճանապարհ
Ուսուցիչներն «Ուրալ»-ով էլ գործի չեն հասել․ ՄԻՊ-ը՝ Սյունիքի այլընտրանքային ճանապարհի մասին
23:35 21.01.2022 (Թարմացված է: 23:37 21.01.2022) Պաշտպանը տարակուսած ու վրդովված է, թե ինչպես կարելի էր զբաղվել այլընտրանքային ճանապարհի գովքով և արդարացնել ադրբեջանական խախտումները։
ԵՐԵՎԱՆ, 21 հունվարի –Sputnik․ Գորիսի Բարձրավան, Շուռնուխ և Որոտան գյուղերում, Կապանի Ճակատեն, Շիկահող, Սրաշեն, Ներքին Հանդ, Ծավ, Շիշկերտ գյուղերում մարդիկ կանգնել են մեկուսացման և հումանիտար խնդիրների առաջ՝ հատկապես եղանակային պայմանների պատճառով։
Facebook-ի պաշտոնական էջում ահազանգում է Մարդու իրավունքների պաշտպան Արման Թաթոյանը։
Գորիս համայնքում ուսուցիչներն այլընտրանքային ճանապարհով եղանակային պայմանների պատճառով չեն կարողացել աշխատանքի գնալ անգամ «Ուրալ»-ով: Ըստ Թաթոյանի՝ սա կրթության, աշխատանքային, ազատ տեղաշարժման իրավունքների խախտում է։
Նրա խոսքով՝ Կարմիր խաչի միջազգային կոմիտեն անգամ իր ամենագնաց մեքենայով չի կարողացել հունվարի 20-ին սնունդ ու հիգիենիկ պարագաներ հասցնել Բարձրավան գյուղ: Մեծ դժվարությամբ գյուղեր սնունդ են հասցնում ԱԻՆ-ի, ԱԱԾ-ի սահմանապահ զորքերի ծառայողները։
ՄԻՊ-ը հարց է ուղղում՝ այս պայմաններում ինչպե՞ս է ապահովվելու շտապ բժշկական օգնության հասանելիությունը, հոսպիտալացումները և այլն:
«Ինչ-որ մեկը մտածում է, թե Ադրբեջանն այս ճանապարհները փակել է առանց իմանալու՝ մարդիկ ի՞նչ զրկանքների են ենթարկվելու ու ի՞նչ աստիճան է դժվարանալու մարդկանց կյանքը: Բա սա չի նշանակու՞մ, որ դա արված է մեր խաղաղ բնակիչներին վնաս պատճառելու, դիտավորությամբ, որ ատելության քաղաքականությունը շարունակվում է ու չի ավարտվել»,- անպատասխան հարցերը շարունակում է պաշտպանը։
Նա պնդում է՝ այս բոլոր հարցերը պետք է լինեն մեր երկրի պետական քաղաքականության հիմքում:
«Ո՞նց կարելի էր ասել, թե ճանապարհներին նրանց հայտնվելը «ադրբեջանական տարածք է, ու մենք ոչինչ չենք կարող անել», ո՞նց կարելի էր զբաղվել այլընտրանքային ճանապարհների գովքով ու «արդարացնել» ադրբեջանական խախտումները և դեռ մի հատ էլ քաղաքականացնել նրանց, ովքեր բարձրացնում են մարդու իրավունքների հարցերը»,- վրդովված նշում է Արման Թաթոյանը։
Նա շեշտում է՝ Սյունիքի մի շարք գյուղերի բնակիչների համար ստեղծված բազմաթիվ խնդիրների լուծման համար միայն 1 ելք կա․ ադրբեջանական զինված ծառայողները պետք է հեռացվեն մեր գյուղերի մոտից ու ճանապարհներից։
Պաշտպանը վստահ է, որ ԵԱՀԿ, ՄԱԿ-ի ու մյուս միջազգային կառույցների կանոնները տալիս են օրինական իրավունքներ վերականգնելու բնակիչների արժանապատիվ ապրելու իրավունքները։
