https://arm.sputniknews.ru/20220120/mez-mvot-juraqanchjury-karvogh-e-nakharar-darnal-kadrajin-iravitshaky-hajastanum-37725240.html

Մեզ մոտ յուրաքանչյուրը կարող է նախարար դառնալ․ կադրային իրավիճակը Հայաստանում

Մեզ մոտ յուրաքանչյուրը կարող է նախարար դառնալ․ կադրային իրավիճակը Հայաստանում

Sputnik Արմենիա

Իսկական ղեկավարը պետք է կարողանա արագ ու ճիշտ որոշումներ կայացնել, սակայն Sputnik Արմենիայի սյունակագիրը կարծում է, որ պետք չէ մոռանալ նաև կրթության մակարդակի... 20.01.2022, Sputnik Արմենիա

2022-01-20T08:27+0400

2022-01-20T08:27+0400

2022-01-20T08:27+0400

հայաստան

նախարար

սթիվ ջոբս

իոսիֆ ստալին

կրթություն

https://cdn.am.sputniknews.ru/img/07e6/01/11/37616438_0:252:2997:1938_1920x0_80_0_0_45f957952fbbf25044c720bd226cf18a.jpg

Յուրաքանչյուր ղեկավարի հաջող գործունեության համար երկու պայման է պետք։ Միջավայրում ճիշտ կողմնորոշվելու ունակությունը՝ մեկ, և ժամանակին որոշումներ կայացնելու ունակությունը՝ երկու։ Ընդ որում՝ թե ինչ հիմնական կրթություն ունի ղեկավարը, այնքան էլ կարևոր չէ, կարևորը` մի բան լինի։Երբ երկրում բարդ իրավիճակ է, դիպուկահարի պես ճշգրիտ որոշումները քիչ են, դրանք պետք է նաև ժամանակի առումով կայծակնային լինեն, ձգձգելու դեպքում կյանքն ավելի կվատանա. սեփական աչքով ենք տեսել։Կարեն Սերոբի Դեմիրճյանը Հայաստանի ղեկավարն էր երկրի բուռն ծաղկման տարիներին։ Ավարտել էր Երևանի Պոլիտեխնիկական ինստիտուտը, ինժեներ-կոնստրուկտոր էր աշխատել Լենինգրադում, ապա տեղափոխվել էր Երևանի Էլեկտրատեխնիկական գործարան, որտեղ անցել էր բոլոր աստիճանները՝ արտադրամասի վարպետից մինչև ձեռնարկության տնօրեն։Նախքան կուսակցական առաջնորդ դառնալն էլ պարտիական կրթություն էր ստացել։ Հայաստանի առաջին դեմքը լինելով` նա աչքի է ընկել Հայաստանի համար կենսականորեն կարևոր որոշումների կայացմամբ, որոնք ոչ միշտ էին համապատասխանում ԽՄԿԿ-ի գլխավոր գծին։Օրինակ` գորբաչովյան քաղբյուրոն հրահանգել էր երկրի բոլոր գինեգործական շրջաններում կտրել խաղողի թփերը։ Դեմիրճյանն առճակատման չգնաց, բայց գինու-կոնյակի արտադրությունը փրկեց փլուզումից։ Ինչպե՞ս։ Մտքի ճկունության, հնարամտության և տնտեսության առաջնահերթությունների ըմբռնման հարց էր։Հանուն արդարության նշենք, որ Հայաստանում տաղանդավոր ղեկավարներ եղել են ինչպես Դեմիրճյանից առաջ, այնպես էլ նրանից հետո։Միացյալ Նահանգների նախագահ Ֆրանկլին Դելանո Ռուզվելտը որոշումները և՛ արագ էր կայացնում, և՛ դիպուկ։ Հենց սկսվեց մեծ դեպրեսիան, քառօրյա բանկային արձակուրդ հայտարարեց․ փակեց բոլոր բանկերը, ոսկե դրամների և ձուլակտորների արտահանման արգելք մտցրեց, արդյունքում մեծացրեց կառավարության ոսկե ակտիվները և կայունացրեց փողի համակարգը։ Սկսեց ամենօրյա ռադիոկոչերով դիմել ժողովրդին, որպեսզի նրանք իմանան` կառավարությունը պայքարում է ճգնաժամի դեմ։ Նաև ճանապարհների լայնածավալ շինարարություն ձեռնարկեց (Հայաստանին նման է, չէ՞), որպեսզի մարդիկ աշխատավարձ ստանան և կերակրեն իրենց ընտանիքներին։Ամերիկայի նախագահը երկու համալսարան էր ավարտել՝ Հարվարդինն ու Կոլումբիականը, ստացել էր իրավաբանի մասնագիտություն։Իոսիֆ Վիսարիոնի Ստալին։ Թիֆլիսի հոգևոր ճեմարանը կիսատ թողած միջակ ուսանող։ Մասնագիտությունը՝ բոլոր ժողովուրդների հայր։ Կայացրած որոշումների արագությունը՝ արդարության մասին յուրօրինակ պատկերացումների համադրությամբ, լավ թեմա է հոգեբույժների համար։Առօրեական օրինակ․ Արկտիկայի հայտնի հետազոտող Իվան Պապանինն ազնվորեն վաստակած փողով իր համար ամառանոց էր կառուցել Մոսկվայի մերձակայքում։ «Ինչո՞ւ նորամուտի չես հրավիրում»,-մի անգամ հարցրեց նրան Ստալինը։Պապանինը արքայական սեղան բացեց։ Առաջնորդի հետ եկան Մոլոտովն ու Վորոշիլովը։ Քաղբյուրոյի անդամները գովաբանեցին ամառանոցը։ Ստալինը լռեց։ Մեկնելուց առաջ բաժակ բարձրացրեց։ «Ընկեր Պապանին,-ասաց,-շնորհակալ եմ։ Եկեք խմենք այս նոր մանկատան կենացը․․․»։ Մեկ շաբաթ չանցած` ամառանոցը տվեցին երեխաներին։Մի քանի տարի առաջ Ծաղկաձորում «հայտնաբերվեց» «Գոլդեն փելես» շքեղ հյուրանոցը, որի ծագումը կասկածի տակ դրվեց։ Հյուրանոցի ճակատագիրը վճռում էին դանդաղ և անարդյունք, և միայն վերջերս Պետական գույքի կառավարման կոմիտեն հաղորդագրություն հրապարակեց աճուրդի (սա արդեն յոթերորդն է) օրվա և մրցույթի պայմանների մասին։ Հոգևոր ճեմարանի շրջանավարտը նման հարցերն ավելի արագ և ավելի լավ էր լուծում։Երևանի արդեն նախկին քաղաքապետը՝ դերասան, կատակերգու, սցենարիստ, պրոդյուսեր։ Երեք տեղում էլ՝ բարձր մակարդակի։ Ամեն դերասան չէ, որ կլծվի քաղաքային տնտեսության, այդ թվում՝ ջրատարի և կոյուղու կառավարման ոլորտի խնդիրների լուծմանը․ Մարությանը ստանձնեց։ Թեև դժվար չէր հասկանալ, որ քաղաքապետի աշխատանքի մասին հայտնի կոմիկի պատկերացումները համադրելի են այն բանի հետ, թե ինչպես էր կոմպոզիտոր և դաշնակահար Իգոր Ստրավինսկին ընկալում պատերազմը. «Ռումբերը խրամատների վերևում սուլում են մի-բեմոլ նոտայով․․․»։Երևանի քաղաքապետ առաջադրվելու որոշումն ապշեցուցիչ արագությամբ ընդունվեց, առանց մտածելու, որ հաջողության հասնելու համար հավակնություններից բացի հարկավոր են նաև սոցիալական գիտելիքներ, հոյակապ աշխատասիրություն կամ գոնե ի ծնե բացառիկ խելք։Եթե այս ամենը մի անձի մեջ չէ, այլ ցրված, էլի դժբախտություն չէ․ այդ դեպքում հաղթում է թիմը, որում մեկն ակնհայտորեն խելացի է, երկրորդը՝ անվիճելիորեն հավակնոտ, երրորդն էլ` բացառիկ աշխատասեր։ Այդպիսի մարդիկ օդից չեն ընկնում, նրանց պատրաստել է պետք։Բարձրագույն կրթության մասին խոսելն անգամ ավելորդ է, դա կարծես ճանապարհի սկիզբն է, մի տեսակ ինքնըստինքյան ենթադրվող։ Բայց խելքը գլխին ղեկավար, երկրի առաջին դեմքի, կառավարության, խորհրդարանի և կառավարման առաջին շրջանակի այլ անձանց (բիզնես-կորպորացիաները ներառյալ) խորհրդատու դառնալու համար անհրաժեշտ է լրացուցիչ պատրաստություն և պարբերական վերապատրաստում։Եվրոպայում այդ բեռն ընկած է լավագույն համալսարանների և բիզնեսի բարձրագույն դպրոցների ուսերին։ Հայտնի QS ընկերությունն ամեն տարի հրապարակում է Եվրոպայի լավագույն համալսարանների և բիզնես-դպրոցների ցանկը։ Լավագույն համալսարանների թվում են, ըստ QS-ի հարցումների, նաև Մոսկվայի Լոմոնոսովի անվան պետական համալսարանն ու դրան կից Բիզնեսի բարձրագույն դպրոցը։Համաշխարհային վարկանիշային ցուցակներում հայկական որևէ բան, ավաղ, չես տեսնի։ Փոխարենը չինականն է շատ։ Բուռն զարգացող տնտեսություն ունեցող այդ երկիրը չքանդեց կուսակցական կրթության ցանցը (այդպիսին մենք էլ ունեինք), այլ վերակողմնորոշեց այն դեպի հրատապ խնդիրներ։ Նախարարներն ու նրանց խորհրդականները, մարզային կոմիտեների քարտուղարները (ըստ էության` մարզպետները), Չինաստանի խոշոր քաղաքների քաղաքապետներն այսօր ուսումնասիրում են ժամանակակից համաշխարհային էկոնոմիկան, աշխարհում գիտությունների և տեխնոլոգիաների զարգացման միտումները, ժամանակակից միջազգային իրավունքը, համաշխարհային գաղափարաբանական միտումները և այլն։ Այնտեղ ավելի քանի երկուսուկես հազար տարբեր մակարդակի դպրոց է գործում, յուրաքանչյուր գավառում` միջինը յոթանասուն-ութսուն հատ։Ո՞վ է վիճում․ Չինաստանը մեծ է, ավելի լավ գիտի։ Հայաստանը փոքր է, մեզ այդքան պետք չէ։ Բայց մեզ մոտ նկատելիորեն պակասում են ղեկավարները, որոնց արագ լուծումների ուժը ոչ միայն ամառանոցն ու այգին խլելն է, այլ ավելի լուրջ, հասարակական նշանակության արդյունքը։ Նշանակում է՝ պետք է պատրաստել։ Բայց նախևառաջ լավ կլիներ սովորեցնողներին տեսնել։ Որպեսզի չստացվի «ով կարող է, անում է, ով չի կարող՝ սովորեցնում» սկզբունքով։․․․Բոլորին մի արշինով չափել չի կարելի, համաձայն ենք։ Օրինակ` Սթիվ Ջոբսը` «Apple»-ի համահիմնադիրն ու գործադիր տնօրենը, աշխարհի ամենահարուստ մարդկանցից մեկն է, բայց վեց ամիս սովորելուց հետո կիսատ է թողել ուսումը Պորտլենդի «Reed» անվանի քոլեջում, ևս մեկ տարի հաճախել է իրեն հետաքրքրող դասերին։ Վերջ։Բայց այդպես շատ հազվադեպ է պատահում, իսկ մեզ մոտ՝ գրեթե երբեք։

https://arm.sputniknews.ru/20220112/erevanjan-haci-herterumbvolvory-mervonqakan-ein-kam-serundneri-genetik-kapn-anhnar-e-jnjel-37395033.html

https://arm.sputniknews.ru/20220110/zhamanakic-araj-ynkats-haj-nakhararn-u-9amja-aghjiky-hrashamanuknern-en-apaga-kertelu-37268599.html

https://arm.sputniknews.ru/20220102/te-inchpes-despan-tvovmasjany-tti-oghi-khmel-svovvorecrec-vitenami-nakhagahin-37090824.html

https://arm.sputniknews.ru/20211219/chjuracvats-daseri-erkiry-kam-ardjoq-karvogh-e-haj-varsaviry-milionater-darnal-amn-um-36497074.html

https://arm.sputniknews.ru/20211204/inchu-tvoshakarun-piti-urakhana-ete-samvel-aleqsanjani-u-mjusneri-pvoghery-shatanan-36041997.html

2022

Լուրեր

am_HY

հայաստան, նախարար, սթիվ ջոբս, իոսիֆ ստալին, կրթություն